2 Samuel 11:21 - Zo Bible

²¹ Jerubbaal’ tapa Abimelech koi in that ahei? Numei khat in kul tung panin ama tungah an-gawina suongpeh a tungta lam a khiehsuh ziehin Thebez ah ama si hi lo amah? Bang zieha kulpi lam nai-a pei na hi uh ahei?’ ang ci leh, ‘Na nasempa Hit mi Uriah zong si hi,’ na ci ding hi,” a ci hi.

LAISIENGTHOU CL Bible (BSI)

²¹ Jerubeth tapa Ahimelek that koi ahiei? Numei khat in bu gawtguoina suong khat in kulpi tunga kipat a khe suh a, Thebez mun ah ashi hilou ahiei mah? achi leh na suoh Hitmi Uria zong ashi hi chiin,” achi hi.

Zokam International Version

²¹ Jerub-Besheth’ a tapa Abimelech kua thah hiam? Amah a sih nadingin Thebez a kulh dawn pan numei khat in angawina suang tungnung khiat hi lo ahi hiam? Bang dinga tua zahta a kulh neh lua na hi uh hiam?’ hong cih leh ama kiangah, ‘Na nasempa Hit mi Uriah zong si hi,’ ci in," ci-in a hilh hi.

2 Samuel 11:21 ပူးပေါင်းရင်းမြစ်များ

2 Samuel 11:17

Khuo sung mite kuonin Joab tawh a kido uhi; tuale mite lahah David’ nasemte kimkhat a si hi. Hit mi Uriah zong kithat hi.

2 Samuel 11:20

kumpipa lungthahin ama in na kungah, ‘Bang dinga khuopi lam nai senga galdo dinga va kuon ta na hi uh ahei? Kulpi bang tung panin ei kap va uh ci na thei sih uh amah?

2 Samuel 11:22

Tuaci’n kamtaipa pei-in a tung a, Joab in a gen dinga a sawl thu zosie David kungah a gen hi.

2 Samuel 3:27

Hebron ah Abner a kilekia ciengin Joab in kituom hopi dingin tunkot phung lamah ama zawpi a, tuale ama in a gil a sutpieh hi. Tuaci’n Joab’ sanggampa Asahel’ sisan luonna ziehin ama a si hi.

2 Samuel 3:34

Na khutte kikan lo a, na kengte kol kibul lo hi; mi gilote mai-a puate bangin nang zong na pua ta hi,” a ci hi. Tuale ama ziehin mi zosie a kap uhi.

Phatna-late 39:8

Keima’ khielna zosie panin ei hunkhie in. Mi mawte’ simmaw dingin kei ei bawl sin.

Isaiah 14:10

Amate in a unpi-un nang hing hopi-in, “Nang zong kote ma bangin thazawm ta teh! kote ma bang ta teh!” ang ci ding uhi.

Thukhente 6:32

Tua ahi ziehin khum ni-in Gideon pen, “Baal in ama dem taheh,” a ci nopna ahi Jerubbaal min kivaw hi. Azieh pen Gideon in a maitam phelpieh hi.

Thukhente 7:1

Tua ciengin Jerubbaal (tua pen Gideon) le ama tawh a omton galkapte zingmawngin thobai-in Harod tuikhuh gei-ah giephuol a sat uhi; tuale Midian-te’ giephuol pen amau’ opna leilu lam, Moreh muol nei, kuom sungah a om hi.