2 Kumpite 5:27 - Zo Bible

²⁷ Tua ahi ziehin nangma le na suonlehlahte tungah Namaan’ phah natna a tu den ding hi,” a ci hi. Tuaci’n vua bangin Hehazi vamin a phahsa-in Elisha kung panin a pei hi.

LAISIENGTHOU CL Bible (BSI)

²⁷ Tuaziehin Naaman phahnain ahing man dinga, kumtawnin nahah nasuonte zong aman zel ding hi,” achi hi. Tuachi’n akunga kipat vua banga vam in phahsa in apeidohta hi.

Zokam International Version

²⁷ Naaman phakna nang le nangma suante tungah a belh den ding hi," a ci hi. Tua ciangin Elisha omna panin Gehazi paikhia a, amah phak in vuk bangin a pak hi.

2 Kumpite 5:27 ပူးပေါင်းရင်းမြစ်များ

2 Samuel 3:29

Joab lutung le a pa’ innkuonte zosie tungah tami khielna tu taheh; tuale Joab’ innkuon tawh nin pei mi hile, a phah mi hile, ciengkhut khun mi hile, namsau tawh a kithat mi hile, anneh ding nei lo mi tawh hile kilawi ngai sih taheh!” a ci hi.

2 Kumpite 15:5

Tuaci’n Topa in a si dongin phah natna tawh kumpipa a gawt ziehin inn tuomah a teng hi. Kumpipa’ tapa Jotham in kumpi inn sung thu zosie van a, tua gam mite uh hi.

2 Kumpite 5:1

Aram kumpipa’ galkapmang Naaman pen mi thupi le a pupa’ maipha nga mipa khat ahi hi. Bangzieh ahei cile ama tungtawnin Topa in Aram-te guolzawna a pie hi. Ama pen a thahat galhang khat ahi vangin phah natna a vei hi.

Paikhiatna 20:5

Tuate mai-ah na kun sih ding vua, tuate na bie sih ding uhi; bang ding ahei cile kei pen note’ Topa Pasien, a thangsie Pasien ka hi a, kei ei nuolte tungah a pate uh’ khielna, a khang thumna le a khang lina dongin, a tate uh tungah dan a pie Pasien ka hi hi,

Paikhiatna 4:6

Topa in ama kungah, “Na puontuol kawmah na khut koi in,” khatvei a cikia hi. Ama in a puontuol kawmah a khut a koi hi; ama in a khut a lah ciengin a khut phah gawp a, vua bangin a ngo hi.

Hosea 10:13

Note in lo kaih bangin gitlona lo na kai vua, bu at bangin thutang lo na at zo uhi; note in zuou phuona ga zong na ne zo ta uhi. Azieh pen note in thahatna na suong vua, na galhang honpite na ngam seng uhi.

Siampi Laibu 13:10

Siempu pa in velcien ding a, a vun sungah a mul a kangsah cibaw a kang a op a, tua a cibaw sungah a tel sosuong a op leh,

Siampi Laibu 13:25

tua pen siempu pa in a cienvel ding hi. Tua cikang tunga a om a multe kangin a vun sangin a thuhzawh leh tua khu phah natna ahi hi; tua pen meikahna pana ang phuhkhe ahi a, siempu pa in ama sieng lo hi, ci-in phuongzah ding hi. Tua khu phah natna ahi hi.

Misimna 12:10

Puonbuh tung panin meii a pei ciengin Miriam phah a, vua bangin a ngo hi. Miriam lamah Aaron a kihei leh tua numei a phah lam a mu hi.

Nasepte 5:10

Thakhatthu-in a keng phungah tua nu puasuhin a si pai hi. Tangvalte a lut ciengun a sisa-in ama a mu vua, tuaci’n amate in puodawhin a pasal gei-ah a vui uhi.

Nasepte 5:5

Ananias in tam thu teng a zah behin puasuhin a si hi. Tam thu a za zosie zong a zau mama uhi.

Nasepte 8:20

Ahi vangin Peter in ama kungah, “Sum tawh Pasien’ letsong nga sawm na hi ziehin na sum tawh mangthaiton in.

1 Timothy 6:10

Bang ding ahei cile sum deigawna in sietna namkim’ zungpi hi a, a hau nop luotna ziehun upna panin mi pawlkhat pielin lungkhamna tampi a thuohlaw uhi.

Joshua 7:25

Joshua in, “Bang dinga kote tunga gimna ei tut na hei? Tu ni-in Topa in na tungah gimna ang tungsah ding hi,” a ci hi. Tuale Israel-te zosie in suong tawh Achan a seplia uhi; amate in tua teng mei tawh halin suong tawh a sep vua,

2 Peter 2:3

A huoiham seng ziehun amate in zuouthu genna tawh note sum suina-in ang nei ding uhi. Amate tungah mawsahna thukhenna in tanglai-a kipan uoikai loin, a kisuhsiet nading uh zong haitu lo hi.