2 Kumpite 22:13 - Zo Bible

¹³ “Pei unlen, tami laibu sunga a kimu thute tawh kisai-in kei ading, mite ading, le Judah zosie adingin Topa kungah va dong ta un, bangzieh ahei cile i pu i pate in tami laibu sunga thute, eite tawh kisai-a a kigiel zosie tawh kizui-in a sep lo ziehun, eite tungah a kikuontaw Topa’ thangpaina lien hi,” a ci hi.

LAISIENGTHOU CL Bible (BSI)

¹³ “Pei unlen, Kei dingin, mipite dingin, tualeh Juda gam pumpi a dingin, tam laibu kimudoh sunga thute tungtang Mangpa hing dongun; Ipu ipate un eima tungthu a ana kigiel zousie dungzui a bawl dingin tam laibu thute ana ngaisah lou ziehun, itung uah Mangpa thangpaina a sangsengta hi,” achi hi.

Zokam International Version

¹³ "Pai unla hih a kimu laibu sunga kigelh thu kei ading, mite ading le Judah mite khempeuh adingin TOPA va dong un. I pate in hih laibu-a om thute mang lo uh a, eite tawh kisai-a kigelh khempeuh tawh kizui-in gamta lo uh ahi manin eite tungah TOPA hehna lian mahmah hi," ci-in thu a pia hi.

2 Kumpite 22:13 ပူးပေါင်းရင်းမြစ်များ

2 Kumpite 23:26

Manasseh in ama a lungthahsahna zosie hangin Judah tungah a sin so-in a gim nei mama a lungthahna lienpi panin Topa kihei nai lo hi.

2 Kumpite 3:11

Ahi vangin Jehoshaphat in, “Tam sungah Topa ei dawhpieh thei ding Topa’ kamsang khat beh a om sih amah?” a ci hi. Tua ciengin Israel kumpipa’ nasemte khat in, “Elijah’ khut tunga tuisung pa, Shaphat’ tapa Elisha tam sungah om hi,” ci-in a dawng hi.

2 Khangthute 29:6

Azieh pen i pu i pate na citah loin Topa i Pasien’ muna-ah na siet gamtat uhi; amate in ama na taisanin Topa’ tenna panin a mai uh hei-in na nuangat uhi.

2 Khangthute 34:21

“Pei unlen, tua a kimu laibu sunga kammalte tawh kisai-in keima ading le Israel le Judah gama a kinuasie mite adingin Topa thu va dong ta un; azieh pen i pu i pate in tam laibu sunga a kigiel zosie banga sep ding, Topa’ kammal na zui lo uh ahi ziehin eite tunga ang kibuo Topa’ lungthahna lien hi,” a ci hi.

Nehemiah 9:3

Amau’ opna mun cietah dingin, Topa a Pasien uh’ thukham laibu ni khat’ seli-suo-sekhat sung a sim vua, adang seli-suo-sekhat pen mawna pulahna-in nei-in, Topa a Pasien a bie uhi.

Phatna-late 106:6

Ka pu ka pate ule kote ka ni-un ka maw zo ta uhi; khielna ka bawl zo ta vua, ka gitlo gamtat ta uhi.

Phatna-late 25:14

Topa tawh kilawmtatna pen ama a zatah mite ading ahi a, ama in amate tungah a thuciemna a theisah hi.

Phatna-late 76:7

Ahi vangin nang na hi leh na zatahhuoi tahtah hi! Nang na lungthah nah leh na mai-ah koi ding ngam ding ahei?

Phatna-late 76:8

Vantung panin thukhenna na genkhie hi; leitunga bawlsietna a thuoh mi zosiete hundam dinga thukhen dingin na din ciengin leitung zau-in sip dide hi. Selah

Paikhiatna 20:5

Tuate mai-ah na kun sih ding vua, tuate na bie sih ding uhi; bang ding ahei cile kei pen note’ Topa Pasien, a thangsie Pasien ka hi a, kei ei nuolte tungah a pate uh’ khielna, a khang thumna le a khang lina dongin, a tate uh tungah dan a pie Pasien ka hi hi,

Paunakte 3:6

Na vai zosie-ah ama phawh in, tua hile ama in na lampite ang zangsah ding hi.

Isaiah 5:25

Tua ahi ziehin a mite tungah Topa’ lungthahna kikuontaw-in, amate langkhatah a khut lamin amate a vatmai hi; muolte kithing a, lampi dung tengah a luonghawmte uh, buathah bangin a om hi. Azieh pen tam teng zosie ziehin a lungthahna kiheimang tuom lo a, ama’ khut a kizah lai hi.

Jeremiah 16:12

note, na pu na pate uh sangin a siezaw-in na gamta vua, na unpi-un na gitlo lungtang uh zui tentunin ka thu na man nuom lo zieh uh ahi hi.

Jeremiah 36:7

Tua hile a tauna uh Topa mai-ah tungin, tuaci’n a unpi-un a gitlona uh panin a kihei thei kha ding uhi, bangzieh ahei cile Topa in tam mite tungah a tunsah dinga a gensa a lungthahna le a lungsona na sie mama hi,” a ci hi.

Jeremiah 37:17

Tua ciengin kumpi Zedekiah in ama hlansahin ama a kimupi hi. Kumpipa in a inn sungah thu dongdap a, tuale ama in, “Topa tung panin thu khatpo a om ei mah?” ci hi. Jeremiah in, “ Om ma ei!” a ci hi. Tua ciengin ama in, “Nang pen Babylon kumpipa’ khut sungah ang kipie ding hi,” a ci hi.

Jeremiah 44:17

Kote in bawl dinga ka ciemsa uh sil bangkim ka bawl ding vua, Judah gam khuopite le Jerusalem lampi tengah koma le ka pu ka pate uh, ka kumpite ule ka uliente un a na bawl ngai uh bangin vantung kumpinu kungah biehnate tawi-in dawn thei biehnate ka sung zaw ding uhi. Kote in a kinincing neh le tah nei-in ka nuomsa vua, hamsietna zong ka tuoh sih uhi.

Tamlawhna 5:7

Ka pu ka pate uh a maw uhi; amate a om nawn sih vua, tuaci’n amau’ khielna paat kote in ka puo uhi.

Daniel 9:10

tuale a nasem kamsangte tungtawnin ka mai vua a koi a thukhamte zui loin Topa ka Pasien uh thugen ka mang sih uhi.

Siampi Laibu 26:14

Ahi vangin ka thu mang loin ka thupiehnate zosie na zui sih vua,

Amos 3:7

A tahtahin Topa in ama’ nasem kamsangte tungah a thusim gen lopi-in na sem lo hi.

Nahum 1:6

A thangpaina mai-ah koi ding zo ding ahei? A lungthahna koi in thuoh zo ding ahei? Meikuong bangin a thangpaina kisung a, ama ziehin suongpite a pawhkeh hi.

Rome-te 3:20

Thukham tungtawnin mawna a op lam a kithei ziehin, thukham banga gamtatna ziehin mihingte koima in ama mai-ah dih a tang sih ding uhi.

Rome-te 4:15

Bangzieh ahei cile thukham in Pasien’ lungthahna piengsah hi; ahi vangin thukham a op lona munah tatkhielna zong om lo hi.

Rome-te 7:9

Hun khat lai-in thukham om loin ka na hing a, ahi vangin thupieh ang tun ciengin mawna hing kia-in,

Thupiakkikna 27:26

“Tam thukham sunga om thu zosie zui loin a tukip lo poma samsietin om taheh,” ci ding uhi. Mi zosie in, “Amen!” ci ding uhi.

Kilaakna 6:17

azieh pen amau’ thangpaina ni thupi hing tung zo ta ahi ziehin koi in thuoh zo ding ahei?” a ci uhi.