2 Kumpite 19:35 - Zo Bible

³⁵ Tua zanin Topa’ vantungmi kuon a, Assyria-te giephuolah galkap tul zakhat le tul sawmnga that hi; zingmawng khuo va ciengin tua teng zosie misi luonghawm na hi hi.

LAISIENGTHOU CL Bible (BSI)

³⁵ Khumi zan in Mangpa vansawlsieng akuon khie a, Assiriate giehphuola mi tul zakhat leh tul sawm giet leh tul nga ava that a; tualeh zingmawng matah a ahing thaw u’leh, mi shi luong ngen ana umta hi.

Zokam International Version

³⁵ Tua zanin TOPA vansawltak kuankhia a, Assyria-te giahphual ah mi tul zakhat le tul sawmgiat le tulnga a that hi. A zingciang zingsang mite a thawh uh ciangin - tua lai-ah mi sisa luang khempeuh a na om hi!

2 Kumpite 19:35 ပူးပေါင်းရင်းမြစ်များ

2 Samuel 24:16

Ahi vangin Jerusalem a susie dingin vantungmi in a khut a zah laitahin Topa in sil hoi lo bawl ding ki-awi loin mite lahah sietna bawlpa vantungmi kungah, “Pha zo ta; tu-in khawl ta’n,” a ci hi. Tua ciengin Jebus-te Araunah’ ancilna gei-ah Topa’ vantungmi a om hi.

Nasepte 12:23

Herod in Pasien’ min a phat lo ziehin thakhatin Pasien’ vantungmi khat in ama a ci nasah a, than in netumin a si hi.

Hosea 1:7

Ahi vangin Judah innkuonte ka khuotuo ding a, thal le namsau, gal simna, sakol le sakol tungtuongte vang tawh hi loin a Topa Pasien uh’ vang tawh amate ka hundam ding hi,” a ci hi.

Daniel 5:30

Khum zan mama-in Chaldea-te’ kumpipa Belshazzar kithat pai hi.

Isaiah 37:36

Tua ciengin Topa’ vantungmi kuonin Assyria-te’ giephuol ah mihing tul za le sawmgiet le tulnga that hi; zingmawng khuovah ciengin amate a unpi-in misi luong vive na hi uhi.

Isaiah 10:33

En un, Thunei pen pa, Vanglien Topa in a giinhuoi a vanglienpi tawh singbate a heuh ding hi; singkung sang pente kiphua ding a, a sangtuomte kiniemsah ding hi.

Phatna-late 76:10

Mihing’ thangpaina pen nangma phatna-in kizang ding a, na lungthahna dangte pen na kawnga na kiga ding ahi hi.

1 Khangthute 21:16

David a khuodah leh leitung le vantung kikalah Topa’ vantungmi ding a, ama’ khut sungah namsau khat dawhsa-in Jerusalem tung lamah a khut zam a mu hi.

1 Khangthute 21:12

Kum thum sung kielpi ang tun nading; ahi sihle na galte’ namsau in ang nuaphah laitahin na galte in hla thum sung ang suhsiet nading; ahi sihle gam sungah pul natna ang tun nading, Topa’ vantungmi in Israel gam sung teng zosie-ah ni thum sung ang suhsiet nading Topa’ namsau,’ ci hi. Keima ei sawlpa kungah bangci dawnkia ding ka hei, tu-in khensat in,” a ci hi.

Paikhiatna 12:23

Bangzieh ahei cile Egypt-te vatmai dingin Topa in ang nawh ding a, bangtung zawl le kotbieng khuom nite tunga sisan a mu ciengin Topa in tuami kotpi a peisan ding a, na inn sung vuah note ang vatmai ding a susie pa a lutsah sih ding hi.

Phatna-late 90:10

Ka hinkhuo nite uh ahile kum sawmsagi ahi bo a, ahi sihle thahat lai uleng, kum sawmgiet bang hi thei hi; tua kikal nangawn zong gimna le hahsatna vive ahi hi; tua teng mallangin a tawp a, tuaci’n ka mangthai pai uhi.

Phatna-late 91:6

miel lahah a vahdap pul natna hile, suntang lai-a sietnate hile, na giing sih ding hi.

Isaiah 17:14

En in, nitah ciengin zauna a om ding hi! Zingmawng masangin tuate om nawn lo hi. Tamte pen ei susiete’ tuo ding thu le, ei bulute’ tanh ding thu ahi hi.

Paikhiatna 9:15

Azieh pen tu-in ka khut zahin pul natna tawh nang le na mite kang vatmai thei a, leitung panin zong kang sumai thei hi.

Paikhiatna 9:16

Hinanle nangma kang hinkhawina pen tam zieh ahi hi: Na tungah ka vanglietna kang lah nading le leitung buppi-ah ka min a kiphuongzah thei nading ahi hi.

2 Kumpite 19:7

Ama in kam baleng khat za-in a gamah a kilekia nadingin ama sungah hlagau khat ka koi ding hi; keima in ama’ gam ma-ah namsau tawh ka sisah ding hi,’ ci hi,” a ci hi.

2 Khangthute 20:24

Senel gam galvilna tausangah Judah-te a tun ciengun amate in mihonpi lam a en uhi; amate pen tuol lahah a puamat misi luong vive ahi uhi; amate a suohta khat beh om lo hi.