2 Kumpite 16:3 - Zo Bible

³ Israel kumpite’ lampi ma zuizaw hi. Topa in Israel mite mai-ah a na delgamsa ahi minamte na zah a huothuoi tawndante ama in zui-in a tapa nangawn kithoina-in mei tawh a hal hi.

LAISIENGTHOU CL Bible (BSI)

³ Hinanleh Israel leengte gamtat bangin agamta hi; Mangpa’n Israel tate masanga adeldoh namten sil kidahhuoi tah abawl zel bangun atapa mei ah kithoina in alan hi.

Zokam International Version

³ Amah in Israel kumpite’ lampite tawna TOPA in Israel-te mai-a a nawhkhiat minamte zuih a kihhuai lampite zui-in a tapa nangawn mei sungah a biakna-in a pia hi.

2 Kumpite 16:3 ပူးပေါင်းရင်းမြစ်များ

1 Kumpite 14:24

tua gam sungah pasal pahtatte zong a om hi. Topa in Israel-te mai-a a delmangsa ahi a kidahhuoi minamte gamtatnate bangin amate a gamta uhi.

2 Kumpite 17:16

Amate in Topa a Pasien uh’ thupieh zosie nuolin amate dingin bawngno lim ni a kheng vua, khuom siengtho khat a bawl uhi; amate in vantunga na om zosie bie-in Baal’ na a sem uhi.

2 Kumpite 17:17

Amate in a tanute le a tapate kithoina-in mei ah a hal uhi; amate in aisanna le khutlam etnate a zang uhi; tuale Topa muna-ah amate siet gamtat ding kiphalin ama a lungthahsah uhi.

2 Kumpite 17:19

Judah in Topa a Pasien uh’ thupiehnate zui loin Israel in a na bawltawm ngainate a zuipi hi.

2 Kumpite 17:8

Topa in Israel mite mai-a a delmang minamte’ ngaina le Israel kumpite in a na pat ngainate a zui zieh uh ahi hi.

2 Kumpite 21:11

“Judah Kumpipa Manasseh in tami a huothuoite a bawl ziehin, ama mai-a Amor-te’ gamtat sangin a siezaw-in gamta a, a milimte tawh Judah zong a mawsah hi;

2 Kumpite 21:2

Israel mite mai-ah Topa in a na delmangsa a huothuoi minamte’ gamtatnate ama in zui-in, Topa’ muna-ah a sie-in a gamta hi.

2 Kumpite 21:6

Meihal biehna-in ama in a tapa pie a, mailam thugenkholna le khutlam etnate semin, dawilawm neite le bum tawite tawh kigop hi. Ama in Topa muna-ah sietna tampi semin ama a lungtang thahsah hi.

2 Kumpite 21:9

Ahi vangin amate in a ngai nuom sih uhi. Topa in Israel mite mai-a a thasa minamte’ gamtat sangin a sie zaw-in a gamtat nadingun Manasseh in amate a lelamin a pui hi.

2 Kumpite 23:10

Molech tungah a tanu hile, a tapa hile kithoina-in koima in a haltum thei lo nadingin Hinnom Kuom sunga om Topheth milim a buasah uhi.

2 Kumpite 8:18

Ahab’ tanu ama’ zi ahi ziehin Ahab innkuonte’ gamtatsa bangin Israel kumpite’ lampi ma a zui hi. Topa’ mitmu-in a sie-in ama a gamta hi.

2 Khangthute 22:3

A sie lam bawlna-ah a nu khu ama’ thu kuppi ahi ziehin ama in zong Ahab’ innkuon’ lampi a zui hi.

2 Khangthute 33:2

Israel mite’ mai-ah Topa in a nawmang minamte in a zah a kidahhuoi gamtatnate ma bangin, Topa muna-ah ama a siet gamtat hi.

2 Khangthute 33:6

Ama in Hinnom tapa’ kuomah mei tawh a tapa hal a, mailam thugenkholna, khutlametna-te zang a, mi bum theite, dawilawm neite, le bumtawite thu a dong hi. Topa muna-ah ama in sietna tampi bawlin ama a lungthahsah hi.

Phatna-late 106:35

hinanle minamte tawh amate kisawhalin, amau’ gamtat banga gamtat ding a kisin uhi.

Isaiah 57:5

Gangpi sing lah le singna dum nei lahah a huasante’ kuom sung teng le suongpikawm tengah na tate uh a thatte hi lo na hi uh amah?

Jeremiah 32:35

Amate in Molech tungah a tanute, a tapate uh a pieh nadingun Hinnom’ tapa kuomah Baal biehna munsangte a bawl uhi. Keima in Judah mite a khielsah tami a kidahhuoi a bawl dingin amate thu ka pie ngai sih a, zong ka ngaisun kha beh sih hi.

Ezekiel 16:21

Ka tate na that a, amate tungah biehna dingin na pie hi.

Ezekiel 16:47

Amau’ opdan bang beh na zui sih a, amau’ gamtat mudahuoite bangin na gamta hi; bakhat sungin na opdan zosie vuah amate sangin na gamtat siezaw hi.

Ezekiel 20:26

Amate in keima Topa ka hi lam ei thei nading ule a cimul thaw thei nadingun a tapa tapen zosie utawh a pieh uh amau’ letsongte tungtawnin amate ka buasah hi.

Ezekiel 20:31

Note in na letsongte uh pie-in na tapate uh mei-ah na hal uh ciengin, tuni dongin na milim zosie utawh no le no a kibuasah na hi uhi. Tuale Israel innkuonte aw, kei note’ thudawhin ka om ding amah? Keima a hing ka hi ma bangin, note’ thudawhin ka om sih ding hi, Topa in ci hi.

Siampi Laibu 18:21

A kithoi nadingun Molech tungah na suon na hlahte khatpo na pie sih ding a, Pasien’ min na daisah sih ding hi. Keima Topa ka hi hi.

Siampi Laibu 20:2

Israel mite kungah tam bangin genbe lai in: Israel mite khatpo hile Israel gam sunga a teng pemtate hile, Molech tunga a tate khatpo a pie mipa kithat ding hi; gam sung mite in suong tawh seplia ding uhi.

Micah 6:7

Tuutang tulkhat, gun tulsawm dim sathau tawh Topa lungkim ding amah? Ka tatkhielna ziehin ka tapa tapen le, ka hla’ mawna ga ziehin ka hinsa ka ta pie ding ka mah?” ka ci hi.

Thupiakkikna 12:31

Topa na Pasien uh tungah tua bangin na bawl sih ding uhi. Azieh pen amau’ pasien-te dinga a kidahhuoi a silbawlte zosie uh Topa in muda hi. Amau’ pasien-te dingin a tapate ule a tanute nangawn uh mei sungah a hal uhi.

Thupiakkikna 18:10

Note lahah a tapa ahi a, a tanu ahi zongin meihal kithoina-a a zang, ai a san, khutlam a en, mailam thu a gen, ai a tawi,