2 Kumpite 14:16 - Zo Bible

¹⁶ A pu a pate tawh Jehoash lumton a, Israel kumpite tawh Samaria ah kivui hi; tua ciengin a tapa Jeroboam in ama’ za luo hi.

LAISIENGTHOU CL Bible (BSI)

¹⁶ Tuachi’n Jehoash apu a pate kungah a imuta a, Samaria khopi a Israel leengte lah ah avuita uhi. Tualeh ama thahengin atapa Jeroboam leeng in apang hi.

Zokam International Version

¹⁶ Jehoash a pate tawh tawlnga khawm a, Israel kumpite tawh Samaria ah kivui khawm hi. Tuateh a tapa Jeroboam in a za luah a kumpi a suak hi.

2 Kumpite 14:16 ပူးပေါင်းရင်းမြစ်များ

2 Samuel 7:12

Na hinna nite tawpin na pu na pate tawh na lupton ciengin, nangma sung pana ang suoh ding na cihlahte nangma nua-ah ka khangsah ding a, ama’ kumpi gam ka phut ding hi.

1 Kumpite 1:21

Tua bang hing hi sih mawh leh na pate tawh ka pu kumpipa na lupton ciengin kei le ka tapa Solomon khu mawneite banga ei kingaisun pai lien ding ahi hi,” a ci hi.

2 Kumpite 13:12

Tu-in Jehoash’ gamtatna a omlai teng, ama sep zosie le Judah kumpipa Amaziah a dona a thahatnate, Israel Kumpite’ Khang Sutna Laibu sungah kigiel hi lo amah?

2 Kumpite 13:13

Tuaci’n a pu a pate tawh Joash lumton a, ama’ kumpi topha tungah Jeroboam a to hi; Israel kumpite tawh Samaria ah Joash kivuiton hi.

2 Kumpite 13:9

Tuaci’n a pu a pate tawh Jehoahaz lumton a, Samaria ah ama a vui uhi; tua ciengin a tapa Joash in ama’ za luo hi.

2 Kumpite 14:15

Tu-in Jehoash nasep le a gamtatna a omlai teng, a vanglietna le Judah Kumpipa Amaziah tawh a kidona, Israel Kumpite’ Khang Sutna Laibu sungah kigiel hi lo amah?

2 Kumpite 14:17

Israel kumpipa, Jehoahaz’ tapa Jehoash a si zaw ciengin Judah kumpipa, Joash’ tapa Amaziah kum sawm le nga sung hing lai hi.

2 Kumpite 14:23

Judah kumpipa Joash’ tapa Amaziah a kum sawm le ngana kumin, Israel kumpipa, Jehoash’ tapa Jeroboam Samaria ah maan ding kipan a, ama kum sawmli le khat sung maang hi.

2 Kumpite 14:28

Tu-in Jeroboam’ gamtatna a omlai teng, a sepsa zosie, a vanglietna, a galsimna le Judah in a na nei ngai Damascus le Hamath khuopite Israel dinga a ngakiana, Israel Kumpite’ Khang Sutna Laibu sungah kigiel hi lo amah?

1 Khangthute 5:17

Judah kumpi Jotham hun sung, le Israel kumpi Jeroboam hun sung khangsimna-ah tam teng zosie kiciemte hi.

Hosea 1:1

Judah kumpite Uzziah, Jotham, Ahaz, Hezekiah, le Israel kumpi Joash’ tapa Kumpi Jeroboam hun lai-in Beeri’ tapa Hosea tungah Topa’ thu a tung hi.

Amos 1:1

Judah Kumpipa Uzziah le Israel Kumpipa Joash’ tapa Kumpi Jeroboam khan sung, zillin masang kum ni hun lai-in Israel tawh kisai Tekoa tuucingte lahah Amos thugen tam bang ahi hi.