2 Kumpite 13:4 - Zo Bible

⁴ Ahi vangin Jehoahaz in Topa kungah thum a, Topa in ama’ thumnate a ngai hi. Bangzieh ahei cile Aram kumpipa in Israel a kibawlsietna le Aram kumpipa in amate a bangci bawlsiet ahei ci ama in mu hi.

LAISIENGTHOU CL Bible (BSI)

⁴ Tualeh Jehoahaz in Mangpa kungah nget chitahin angen a, tuachi’n Mangpa’n a thunget angaikhie a; Siria leengpa’n Israel te a bawl gen thei seng zieh in, tualeh a nuoisie nate athei hi.

Zokam International Version

⁴ Tua ciangin Jehoahaz in TOPA maipha zong a, Aram kumpipa in Israel a nuainet luat lam TOPA in mu ahi manin ama thu a ngai hi.

2 Kumpite 13:4 ပူးပေါင်းရင်းမြစ်များ

Piancilna 21:17

Tua ciengin Pasien in naupang pa’ kaa a za hi. Van panin Pasien’ vantungmi in Hagar hlanin a kungah, “Hagar aw, bang in nang hing lungkhamsah ahei? Zau malmal sin; bangzieh ahei cile Pasien in naupang opna munah a kaana awging a za zo hi.

Piancilna 31:42

Ka pa’ Pasien, Abraham’ Pasien, le Isaac’ Giinpa kei lamah ang om lo khat hi leh, khut guoha nei sawlmang tahpi ding ahi hi. Pasien in ka gentheina le ka khut tawh ka sepnate mu a, zani zanin nang ang phawhsie hi,” a ci hi.

2 Kumpite 13:22

Tu-in Aram kumpipa Hazael in Jehoahaz’ uh sung tungtawnin Israel a bawlsie hi.

2 Kumpite 13:23

Hinanle Topa in amate khuotuo-in lainatna nei hi; Abraham, Isaac, le Jacob tawh a thuciemna ziehin amate lamah kinga hi; ama in amate susie loin tu dongin ama’ mai panin amate a notmang sih hi.

2 Kumpite 14:26

Bang ding ahei cile Israel’ thuohna nasie mama hi, ci-in Topa in mu hi; sal hile, sal lo hile a suohta koima om lo a, Israel panpi ding koima om lo hi.

2 Khangthute 33:19

Pasien in ama’ thungetna, le ama’ thumna a sanna, le ama’ mawna le a muonhuoi lona zosie, le ama a kiniemkhieh masangin munsangte bawlin khuom siengthote a koina munte thu, Thumute’ Khang Tangthu sungah kigiel hi.

Ezra 8:23

Tuaci’n ka Pasien uh tungah tami adingin antangin ka ngen vua, ama in ka thum ka tauna uh ei ngaipieh hi.

Job 22:27

Ama kungah thu na ngen ding a, ama in na ngetna ang za ding hi. Nangma in na kamciemte na tangtungsah ding hi.

Phatna-late 50:15

Hahsat hun ciengin keima ei hlan un; keima in kang hunkhie ding a, nangma in kei nei minthangsah ding hi,” a ci hi.

Phatna-late 78:34

Ama in amate a tha ciengin, amate in ama a sui pan na bo uhi; amate a kisiekia vua, lunglut tahin Pasien a sui uhi.

Paikhiatna 3:7

Tua ciengin Topa in, “Egypt gama ka mite thuoh gimna ka mu zo ta hi; amate tunga nasem uhte ziehin keima in a kikona uh aw ka za zo hi. A thuoh uh gimnate ka thei a,

Paikhiatna 3:9

Tu-in ka kungah Israel-te kikona ang tung zo a, Egypt-te in amate a gawtna ka mu zo hi.

Isaiah 26:16

Topa aw, amate in lungkham hunin nang ang sui vua, nangma in amate na gawt ciengin thungetna sungin ang tau uhi.

Isaiah 63:9

a gentheina zosie vuah a hundampa uh a suoh hi. Kamtaipa ahi sihle vantung mi’ hutdam ahi sih hi; ama’ ompina in amate a hunkhie hi; ama in a itna le a khuotuona tawh amate tankhie a, tanglai hunte zosie-ah amate lamto-in a peipi hi.

Jeremiah 2:27

Amate in singkung khat kungah, “Nang ka pa na hi hi,” a ci vua, suongtum khat kungah, “Ei piengsah pa na hi hi,” a ci uhi. Bangzieh ahei cile amate in kei ei maingat loin, ei nuangat uhi. Ahi vangin hamsat a tuo uh ciengin, “Hing pei inlen ei hun in!” ei ci veve uhi.

Jeremiah 33:3

Keima ei hlan un, kang dawng ding a, na thei ngai lo uh phuolsel thulienpite kang gen ding hi.

Misimna 21:7

Moses kungah mite pei-in, “Topa le nangma hing langpangin kampau kha ka hi ziehun ka maw uhi. Ka kung panun tam gulte a lah dawh nadingin Topa tungah thungen in,” a ci uhi. Tuaci’n Moses in mite adingin thu ngen hi.

Thukhente 10:10

Tuaci’n Topa kungah Israel-te kiko-in, “Na tungah kang maw zo ta uhi, azieh pen ka Pasien uh nuasie-in Baal-te ka bie ta uhi” a ci uhi.