2 Kumpite 10:15 - Zo Bible

¹⁵ Ama in khum mun a nuasie ciengin ama dawn dinga a pei Rekhab’ tapa Jehonadab tawh kituoh hi; Jehu in tuapa hopi-in ama kungah, “Nang tungah ka lungtang a thuman bangin, kei tungah na lungtang a thuman ei mah?” a ci hi. Jehonadab in dawng a “Man hi,” a ci hi. Jehu in, “Tua ahile na khut ei hlah in,” a ci hi. Tuaci’n ama in a khut a hlah hi. Jehu in sakol leeng tungah ama kaito hi.

LAISIENGTHOU CL Bible (BSI)

¹⁵ Tualeh khuna kipat a apawtkhieh nua in, Rekab tapa Jehonadab ama dawn dingin sakoltunga tuongin ahing pei a; Jehu in chibai abuh a, tualeh akungah “Na tunga lungsim dihtah ka puoh bangin, nang zong na ponai mah?” achi a, tualeh Jehonadab in “Puo e, “chiin adawng hi. Jehu in ahileh “Na khut hinghahin” achi a, tuachi’n akhut ahahtou a, aman asakolleng tungah ana kaitou hi.

Zokam International Version

¹⁵ Tua lai a nusiat khit ciangin Recab tapa Jehonadab kiangah paito a, amah in lampi ah a na dawn hi. Jehu in amah hopih in, "Nang tunga ka lungkim bangin kei tungah na lungkim hiam?" a ci hi. Jehonadab in, "Ka lungkim hi," ci-in a dawng hi. Jehu in, "Tua ahileh na khut hong khak in," a ci hi. Tua ciangin a cih bangin hih a, Jehu in sakolleng tungah amah a kaito hi.

2 Kumpite 10:15 ပူးပေါင်းရင်းမြစ်များ

Piancilna 31:55

Zingmawng tungin Laban tho a, a tute le a tanute tawpin thupha a pie hi; tua ciengin ama pei-in inn lamah a kilekia hi.

Piancilna 47:10

Tua ciengin Jacob in Pharaoh thupha a pie a, Pharaoh’ opna panin a pei hi.

Piancilna 47:7

Tua ciengin Joseph in a pa Jacob zawpi-in Pharaoh’ mai-ah laa a, tuale Jacob in zong Pharaoh thupha a pie hi.

1 Kumpite 20:33

Tu-in mite in a thugen thakhatin man thei-in a zop pai vua, “Hi hi, na nasempa Ben-hadad hing lai hi,” a ci uhi. Tua ciengin ama in, “Pei unlen ama ka kungah hing peipi un,” a ci hi. Tuaci’n ama kungah Ben-hadad a pei hi; tuale ama in a sakol leeng tungah ama tuongsah hi.

2 Kumpite 10:13

Jehu in Judah kumpipa Ahaziah’ sanggamte mu-in, ama in, “No koi na hi vuoi?” a ci hi. Amate in a dawng vua, “Kote Ahaziah’ tanaute ka hi uhi; Jezreel-a om kumpipa’ tapate le kumpinu’ tapate kunga haw dinga ang kuonsuh ka hi uhi,” a ci uhi.

2 Kumpite 10:14

Ama in, “Amate hingmat in,” a ci hi. Amate in tua mite hingmat in, Beth-eked dum sungah mi sawmli le ni that hi; ama in koima khat beh a hingkhawi sih hi.

2 Kumpite 9:21

Joram in, “Kithawi un,” a ci hi. Amate in a sakol leeng a guonpieh uhi. Tua ciengin Israel kumpi Joram le Judah kumpi Ahaziah, a sakol leeng tuoh vuah tuongin a dingkhie uhi; amate zong Jehu tawh kimu dingin a kuon vua, ama tawh Jezreel mi Naboth’ lo-ah a kimu uhi.

1 Khangthute 2:55

Jabez-a teng laithei innkuonte: Tirath-te, Shimeath-te, le Sucath-te. Tam teng pen Hamath pana pei Rechab innkuonte’ pa Ken-te ahi uhi.

Ezra 10:19

A zite uh khul dingin amau le amau a kikamciem vua, a khielna zieh vua biehna dingin tuuhon lahah tuutang khat a peipi uhi.

Nehemiah 3:14

Beth-haccherem gam phalkhat a uh Rechab’ tapa Malchijah in Buathah Tunkot puo hi; ama in a kotkhahte, a kotgolhte, le a siatunte a bawlphakia hi.

Phatna-late 94:16

Kei adinga migilote do dingin, koi pang ngam ahei? Kei dinga sietna bawlte do dingin koi pang ngam ahei?

Jeremiah 35:2

Rechab-te’ inn ah pei-in va hopi ta’nlen, Topa’ biehinn sunga innkhan khatah amate zawpi in; tua ciengin a dawn dingun zu pie in.

Ezekiel 17:18

Azieh pen ama ciempelin thuciemna palsat a, a khut hlangin tam teng zosie sem ahi ziehin suohta vawt lo ding hi.

Nasepte 8:31

Ama in, “Ei hil a op sih leh bang ka ci thei ding ahei?” ci-in a dawng hi. Leeng tungah tua pa tuongin ama gei-a to dingin Philip a ciel hi.

Galatia-te 2:9

khuompi banga a kiciemte makaite ahi James, Cephas le John-te in keima tungah hepina ei kipie zo hi, ci thu a thei ciengun Barbabas le keima tungah kilawmtatna zietlam khut ei pie vua, ko gel pen Gentile-te kungah pei-in, amate ahile tep kitan mite kunga pei ding a thukim uhi.

Galatia-te 4:12

Lawmte aw, kang thum hi, note op banga kang op ma bangin note zong kei op bangin hing om vawi un. Note in kei tungah khielna na bawl sih uhi.