2 Khangthute 5:13 - Zo Bible

¹³ Topa tungah aw kikhatin phatna le lungdam ko ding pen pengkul tumte le lasate’ mawpuoh ahi hi. Pengkulte, daltuote, le adang lasahnate tawh Topa phat nadingin, “Azieh pen Topa hoi a, ama’ itna kip tawntung hi,” ci-in la kisa a, tuaci’n Topa’ biehinn sung meii tawh kidim a,

LAISIENGTHOU CL Bible (BSI)

¹³ Pengkul mutte leh lasate Mangpa phat ding leh Ama tunga kipah thu gen dingin, aw khat suoin apangkhawm uhi. Pengkul te, dahkhutbehte leh tumging dangte thuo in, Mangpa phat a aw ngaitah suo in, “Ama ahoi hi; Aitna kumtawn in aum ding hi,” chia Mangpa phat a la asah tahun, Mangpa biehinn khu meilum in ahing tuomdimta hi.

Zokam International Version

¹³ Lasate le pengkul mutte aw khata gingin TOPA tungah lungdam ko ding le a phat dingin a kigawm uh hi. Pengkulte, daltuahte le a dang tumtheihte kipawlkhawm uh a, a aw uh sangsakin: "Amah hoih hi; ama itna kip tawntung hi," ci-in TOPA phatna a sa uh hi. Tua ciangin TOPA biakinnpi meii tawh kidim a,

2 Khangthute 5:13 ပူးပေါင်းရင်းမြစ်များ

1 Khangthute 16:4

Ama in Topa’ singkuong mai-ah na a sem ding, thu a ngen ding, lungdam a ko ding, le Israel Pasien, Topa a pawh dingin Levi-te pawlkhat se hi.

2 Khangthute 20:21

Ama in mite tawh thu kikupna a nei zaw ciengin, Topa mai-ah la sa ding le a thupi a sienthona a phat ding mite se a, a pei kawmun amate in galkapte mai-ah, “ “Topa tungah lungdamna ko un. Bang zieh ahei cile ama’ itna kip tawntung hi,” a ci uhi.

2 Khangthute 20:22

Amate in phatna la a sah laitahun, Judah sim dinga a pei Ammon-te, Moab-te, le Seir Muol mite buhdap dingin Topa in mi koi a, tuaci’n amate kizo hi.

2 Khangthute 7:1

Solomon a thunget a man ciengin vantung panin meikuong peisuhin meihal biehna le biehpiehnate katum hi; tuale biehinnpi sungah Topa’ minthanna vang a dim hi.

2 Khangthute 7:2

Topa’ biehinn sungah Topa’ minthanna a dim ziehin Topa’ biehinn sungah siempute a lut thei sih uhi.

2 Khangthute 7:3

Israel mite zosie in meikuong ang kumsuh le Topa’ minthanna biehinn tung sontah ah a op a mu ciengun suongpha tungah lei lam nga-in a kunsuh vua, tuaci’n Pasien bie-in Topa tungah lungdam a ko vua, “Ama hoi hi, azieh pen ama itna kip tawntung hi,” a ci uhi.

2 Khangthute 7:6

Siempute amau’ mun cietah a ding uhi; Levi-te zong, Kumpi David in Topa tungah lungdam ko nadinga a bawl Topa tunga tum thei vante tawh a ding uhi. Azieh pen ama’ itna kip tawntung hi. David in amau’ nasepnate tawh phatnate a pieh sielin tua bangin a bawl uhi. Amate tawh kigalsai-in siempute in pengkul a mut uhi; tuale Israel mi zosie a ding uhi.

Ezra 3:11

Topa phatna le lungdamkona a kidawngin a sa vua, “Bangzieh ahei cile Topa hoi a, Israel-te a itna kip tawntung hi,” a ci uhi. Topa’ biehinn khuombul kiphut zo ta ahi ziehin amate in Topa a phat ciengun mi zosie in a aw neiza utawh dawngin a phat uhi.

Nehemiah 12:27

Jerusalem kulpi apna-ah daltuote, harp, le lyre-te tawh lungdamko-in la a sa vua, lungdam kipahna tawh apna a bawl dingin Jerusalem ah Levi-te a peipi thei nadingun a opna uh muncin tengah amate a sui uhi.

Phatna-late 100:5

Azieh pen Topa hoi hi; tuale ama’ itna kip tawntung hi. Tuale ama’ muonhuoina zong a khang khangin kip hi.

Phatna-late 106:1

Topa phat un! Topa tungah lungdam ko un; azieh pen ama hoi a, ama’ itna kip tawntung hi.

Phatna-late 107:1

Topa tungah lungdam ko un; azieh pen ama hoi a, ama’ itna kip tawntung hi.

Phatna-late 118:1

Topa tungah lungdam ko un, azieh pen ama hoi hi; ama’ itna kip tawntung hi!

Phatna-late 150:3

Pengkul aw tawh ama phat unlen, theile le harp lasahna tawh ama phat un.

Phatna-late 150:5

Daltuote tawh ama phat un; a gin ngaih daltuote tawh ama phat un!

Phatna-late 22:4

Ka pu ka pate in nang ang muong uhi; amate in nang ang muong vua, nang in amate na honkhie hi.

Phatna-late 81:2

La sa-in tawm tum unlen, a ngaih lyre lasahna le harp tum un.

Paikhiatna 29:43

Khum munah Israel-te ka kimupi ding a, keima’ vang in khum mun ka siengthosah ding hi;

Isaiah 52:8

Ngai un! na galvilte un a aw uh sangsah a, lungdam tahin amate in la a saton uhi; bangzieh ahei cile Zion ah Topa a kilekiana amate in a mit utawh a mu uhi.

Jeremiah 32:39

Amate hoi nading, a nua cieng vua a tate uh’ hoi nading le a lungtang vuah kum tawnin ei giin thei nadingun lungtang khat le tawndan khat amate ka pie ding hi.

Jeremiah 33:11

kipah thanopna awging, zinei pa le motha nu’ awging le Topa’ biehinn sunga lungdamko biehna awging ahi, Vanglien Topa tungah lungdamna ko un, azieh pen Topa hoi a, ama’ itna kip tawntung hi!” ci-a lasahna awgingte a kizakia ding hi. Bangzieh ahei cile keima in a masa lai bangin a gam uh hamphatna ka piekia ding hi, Topa in ci hi.

Nasepte 4:32

Tu-in thu um mite a lungsim le a ngaisutna uh a kikhat vua, tuaci’n koima in a a neisa khat popo kei-a’ tuom ci loin neisa zosie a neiton uhi.

Rome-te 15:6

Tua hile note zong aw khatin luongtonin Pasien le i Topa Jesu Khris Pa’ min na thangsah thei ding uhi.

Kilaakna 15:8

tuale Pasien’ minthanna le a vanglietna panin meikhu in biehinnpi sung teng dim a, vantungmi sagite’ gimna sagi a ven masangsie tua biehinnpi sungah koima lut thei lo hi.