2 Khangthute 30:21 - Zo Bible

²¹ Jerusalem-a om Israel mite in lungdamna lienpi tawh ni sagi sung tol saw lo anlum pawi a bawl uhi; tuale Levi-te le siempute in Topa adingin a ngaih mama tumtheite tawh kopin a ni ni-in Topa a phat uhi.

LAISIENGTHOU CL Bible (BSI)

²¹ Tuachi’n Jerusalem a um Israel miten tanghou tolsawlou pawi ni sagi sung kipahtahin amang ua, tua hun sung tengin Levite leh siempute’n ni chin in, Mangpa kunga tumging toh la sain Mangpa aphat uhi.

Zokam International Version

²¹ Jerusalem a om Israel mite in ni sagih sung Silngo-sawhloh Anlum Pawi gualnuamtakin bawl uh a, tua hun sungin Levi-te le siampite in TOPA phatna tumtheihte tawh thuahin nisimin TOPA tungah la a sa uh hi. b

2 Khangthute 30:21 ပူးပေါင်းရင်းမြစ်များ

2 Khangthute 20:21

Ama in mite tawh thu kikupna a nei zaw ciengin, Topa mai-ah la sa ding le a thupi a sienthona a phat ding mite se a, a pei kawmun amate in galkapte mai-ah, “ “Topa tungah lungdamna ko un. Bang zieh ahei cile ama’ itna kip tawntung hi,” a ci uhi.

2 Khangthute 29:30

David’ thugente le thumu pa Asaph’ thugente tawh Topa tungah phatna la a sah nadingun Hezekiah kumpipa le uliente in Levi-te thu a pie uhi. Lungdamna tawh amate in phatna late a sa vua, amate kunin Pasien a bie uhi.

2 Khangthute 30:11

Jerusalem ah Asher, Manasseh, le Zebulun mi halkhat beh kiniemkhiehin a pei uhi.

2 Khangthute 30:26

Jerusalem khuopi sungah Israel kumpi David’ tapa Solomon huna kipanin tam bang om ngai nai lo ahi ziehin Jerusalem-ah lungdamna lienpi a om hi.

2 Khangthute 35:17

Khum muna om Israel mite in khum hunin peisan pawi, le tol saw lo anlum pawi ni sagi sung a bawl uhi.

2 Khangthute 7:10

A hla sagina a ni sawmni le thumna ni-in, Topa in David le Solomon, le ama’ mi Israel tungah a hoina a lah ziehin, ama in lungdamna le kipahna tawh mipite a peisah hi.

Nehemiah 8:10

Tua ciengin ama in amate kungah, “Na lapi sung vuah pei-in a thaute ne-in zu a hlum nono dawn unlen, bangma a kibawlpieh lote zong va thah ta un, bangzieh ahei cile i Topa adingin tuni pen ni siengtho ahi hi; da sih un, azieh pen Topa’ kipahna khu note’ hatna ahi hi,” a ci hi.

Nehemiah 8:17

Tuale saltanna pana a kilekia mi zosie in buhte a lam uhi. Azieh pen Nun’ tapa Joshua’ huna kipan khum ni dongin Israel mite in tua bangin a bawl ngai sih uhi. Tuale lungdamna nahpi tahin a om hi.

Paikhiatna 12:15

Ni sagi sung tol saw lo anlum na ne ding uhi; a ni masa ni-in na inn panun tol na hemdawh ding uhi, azieh pen mi khatpo in a ni masa panin a ni sagi ni dongin tol kisaw anlum a neh leh Israel sung panin kihemkhie ding hi.

Paikhiatna 13:6

Ni sagi sung tol kisaw lo anlum na ne ding vua, a ni sagi ni-in Topa adingin pawi khat om ding hi.

Siampi Laibu 23:6

tua hla a ni sawm le ni nga ni pen Topa tungah tol saw lo anlum pawi ahi hi; ni sagi sung tol saw lo anlum na ne ding uhi.

Luke 2:43

Pawi ven ciengin a kilekia dingin a nu a pate a kisa ule naupang Jesu pen amau’ nualam Jerusalem ah tam lai a, ahi vangin a nu a pate in a thei kha sih uhi.

Luke 22:1

Tu-in Peisan Pawi a kici Tolsawlo Anlum Pawi hun a nai ta hi.

Luke 22:7

Tua ciengin Peisan tuuno tawh biehpiehna kibawl ni ahi Tolsawlo Anlum Pawi a tung hi.

Nasepte 2:46

Amate in biehinnpi sungah nisimin hun tampitah zangtonin, inn ah khomun a phalsuo vua, kipahna le kiphalna lungsim tawh an a ne uhi.

Thupiakkikna 12:12

Topa na Pasien uh mai-ah na tanu na tapate uh, na sila uh numei pasalte le na khuo sung vua a teng Levi-te tawh na lungdam ton ding uhi. (bangzieh ahei cile amate in tanh ahi a, luo ahi zongin a nei sih uhi.)

Thupiakkikna 12:7

Topa na Pasien uh’ mai khum munah na ne ding vua, Topa na Pasien un na sepna zosie vuah thupha ang pieh ziehin no le na innkuonpite na kipah ding uhi.

Thupiakkikna 16:14

Na pawi bawl sungun nangma le na tapa na tanute, na sila pasalte le na sila numeite, Levi-te, gamdang mite, pa nei lote, le na khuo sung vua a om meigong numeite tawh na lungdam ton ding uhi.

Philippi-te 4:4

Topa sungah lungdam tawntung un; khatvei kang cikia-in, Lungdam un.