2 Khangthute 28:20 - Zo Bible

²⁰ Tuaci’n ama kungah Assyria Kumpipa Tiglath-pileser a pei vangin, koi’ thakhausah tah zawh sangin ama a gawtbawl zawsop hi.

LAISIENGTHOU CL Bible (BSI)

²⁰ Asiria leengpa Tilgath Pileser akungah ahing haw a hinanleh panpina pieh nahsangin ahing subuoi zaw hi.

Zokam International Version

²⁰ Assyria kumpipa Tiglath-Pileser e ama kiangah a pai hangin a huh sangsikin lungkhamna a guanzaw hi.

2 Khangthute 28:20 ပူးပေါင်းရင်းမြစ်များ

2 Kumpite 15:29

Israel kumpi Pekah hun sungin Assyria kumpi Tiglath-pileser kuonin Ijon, Abel-beth-maacah, Janoah, Kedesh, Hazor, Gilead, le Galilee, le Naphtali gam zosie a la hi; tuale Assyria ah salin a mite kai hi.

2 Kumpite 17:5

Tua ciengin Assyria kumpipa in gam sung zosie simin Samaria dong ban hi; kum thum sung tua khuopi a kui-im hi.

1 Khangthute 5:26

Tuaci’n Israel Pasien in Assyria kumpi Pul’ lungsim le Assyria kumpi Tilgath-pilneser’ lungsim tawhnawi a, Reuben-te, Gad-te, le Manasseh minam alangte Halah, Habor, Hara le Gozan gunah a peipi a, tuni dongin a teng uhi.

1 Khangthute 5:6

le a tapa Beerah, Assyria kumpi Tilgath-pilneser in sala a peipi pa ahi hi; ama pen Reuben minamte lahah uhpi khat ahi hi.

2 Khangthute 30:6

Tuaci’n kumpipa thupiehsa bangin laitaite in kumpipa le a uliente tung pana laihlahte tawh Israel le Judah gam zosie-ah pei kawikawi-in, “Israel mite aw, Assyria kumpite’ khut sung panin a omlai a suohta sun teng kungah ama a kiheikia thei nadingin, Abraham, Isaac, le Israel Pasien, Topa lamah kilekia un.

Isaiah 30:16

“Hilo e! sakol tung tuongin i tai ding hi,” na ci vua, tua ahi ziehin na taimang ding uhi! Tuale, “Sakol taihatte tungah i tuong ding hi,” na ci vua, tua ahi ziehin no ang delte in mallang tahin ang nuadel ding uhi.

Isaiah 30:3

tua ziehin Pharaoh’ humbihna pen na maizumna uh hi ding a, Egypt’ liena sunga na buhna uh pen na maidaina uh hi ding hi.

Isaiah 7:17

Judah panin Ephraim-te a peikhiet ni-a kipanin Topa in ni danga a pieng ngai nai lo tua bang nite, nangma, na mite, le na pupa’ innkuon tungah a tungsah ding hi- tua khu Assyria kumpipa tung pan hi ding hi.

Isaiah 7:20

Khum ni ciengin Topa in Gungal pana kikawm mulmetna nam ahi- Assyria kumpipa tawh- lu le kengmulte heulieu-in tua ma tawh khamulte zong a heu ding hi.

Jeremiah 2:36

Na opdante khel zieuzieu-in nop len sam cie izaw! Assyria in nang ang maizumsah bangin Egypt-te in zong ang maizumsah ding hi.

Jeremiah 2:37

Topa in na mi muonte a nuol tah ziehin nang zong luhum kawmin tua gam panin nang pei ding hi; amate tungtawnin bangma na nga sih ding hi.

Ezekiel 16:28

Na lungkim zo nai lo ziehin Assyria-te tawh zong na pahtat hi; amate tawh na pahtat a, na lungkim nai tuom sih hi.

Hosea 5:13

Ephraim in a natna mu-in Judah in a hima a mu ciengin, Assyria gamah Ephraim pei-in kumpi lienpa kungah mi a sawl hi. Ahi vangin ama in na natna damsah thei lo a, na hima zong damsah thei lo hi.