2 Khangthute 26:10 - Zo Bible

¹⁰ Ama in gamlahah tausangte daw a, Shephelah le zanglei-ah ganhon a hau ziehin tuikhuh tampi to a, lei nasep a uh ziehin muoltung le leihoina gamte-ah lohlote le lenggui leibawlte a nei hi.

LAISIENGTHOU CL Bible (BSI)

¹⁰ Gamdai ah inn sangte alam a, tuikhuh te atou hi, aziehpen aman muolbulte leh phaijang ah ganhon tampi anei hi. Muoltungte leh Karmel ah lou bawl mite leh grep huonte kem ding mi zong akoi hi. Aziehpen ama loubawl lam a lunglut mi ahi hi.

Zokam International Version

¹⁰ Amah in mualbulte le zangleite ah ganhon tampitak nei ahi manin sehnel-gam ah tausangte dawh in tuikhuk tampi a to hi. Amah in lei hoih iplah ahi manin mual kawm le lei hoihna gamte ah lote le lenggui lote ah nasem mi a nei hi.

2 Khangthute 26:10 ပူးပေါင်းရင်းမြစ်များ

2 Kumpite 19:23

Na kamtaite tungtawnin Topa na zako zo hi. “Ka sakol leeng tampite tawh muolsang dawnah ka kato zo a, Lebanon cieng dong ka tung zo hi; a taamtah sing sangpente le a taapi sing hoipente ka phuomang ta hi. A gamla pen khawlmun le a gammang pen lahah keima ka lut zo hi.

2 Kumpite 3:4

Moab kumpipa Mesha pen tuu khawi pa ahi a, ama in kum sielin Israel kumpipa tungah tuuno tul zakhat le tuutang zakhat’ mul pie zel hi.

2 Khangthute 17:12

Damdamin Jehoshaphat vanglien semsem hi. Ama in Judah gam sungah kulpite le vankholna khuopite a lam hi.

2 Khangthute 17:13

Ama in Judah khuopite sungah nasep lienpite sem hi. Ama in Jerusalem-ah galkapte, a thahat galhangte a nei hi.

2 Khangthute 26:11

Tua tham loin kumpipa’ galkapmangte khat ahi Hananiah’ uhna nei-a om thuvanpi pa Jeiel le galkap bupa Maaseiah in min khumna laibu sunga mi phaza a sim uh dung zui-in, Uzziah in a pawl pawlin galsim thei galkap tampi tah nei hi.

2 Khangthute 32:29

Tua bang ma-in ama adingin khuopite bawl a, tuuhonte le gan honte tampitah khol hi; bangzieh ahei cile Pasien in ama neisa tampi a pie hi.

Thuhilhna 5:8

Gam sungah mizawngte kibawlsietna le thuman le thutang palsatna na mu leh, tua thu-ah lamdang sa sin; bangzieh ahei cile ulien khat pen ama sanga a lienzaw khat in en a, ama gel tungah a lienzawte omlai hi.

Isaiah 29:17

Lebanon muol pen leihoi mun suohsahin, leihoi mun gampalah a suo nading bakhat sung beh hi lo amah?

Thupiakkikna 3:10

muoltung zanggam khuopite zosie, Gilead gambuppi le Bashan gam zosie, Salecah le Edrei cieng dong, Bashan-a om Og kumpipa gam khuopite i la uhi.

Joshua 15:55

Maon, Carmel, Ziph, Juttah,

1 Samuel 15:12

Zingmawngin Saul dawn dingin Samuel thobai a, tuale Samuel kungah, “Carmel-ah Saul pei-in tua munah ama dingin phawna muol suong khat phut a, a kilekia ciengin Gilgal-ah a peisuoh hi,” ci-in kigen hi.