2 Khangthute 21:16 - Zo Bible

¹⁶ Ethiopia-te’ gei-a om Philistia-te le Arab-te, Jehoram tunga a thangpai thei nadingun Topa in a kuontaw hi.

LAISIENGTHOU CL Bible (BSI)

¹⁶ Mangpa’n Jehoram dou dingin Ethiopiamite toh kinai a teng Philistin mite leh Arab mite lungsim atohthouta, hi.

Zokam International Version

¹⁶ TOPA in Cush-te kianga teng Arab-te le Philistia-te Jehoram tawh a kigalneihsak hi.

2 Khangthute 21:16 ပူးပေါင်းရင်းမြစ်များ

2 Samuel 24:1

Khatvei Israel tungah Topa a sinsokia a, amate langkhatah David hantawhin, “Pei inlen Israel le Judah mite va sim ta’n,” a ci hi.

1 Kumpite 11:11

Tua ahi ziehin Topa in Solomon kungah, “Tam pen nangma’ lungsim puoh ahi a, nangma kang thupieh ka thuciemna le ka thukhamte na zui lo ziehin nangma tung panin na kumpi gam balkehin na nasempa tungah ka pie tahtah ta ding hi.

1 Kumpite 11:14

Tua ciengin Solomon a langpang dingin Topa in Edom-te Hadad a khangsah hi; ama pen Edom kumpi innsung mi khat ahi hi.

1 Kumpite 11:23

Solomon langpang dingin Pasien in adang khat ahi a pupa Zobah kumpi Hadedezer kung pana a tai Eliada’ tapa Rezon a khangsah hi.

2 Khangthute 17:11

Philistia-te pawlkhat in Jehoshaphat kungah letsongte, le sie le kaih dingin ngun a puoh uhi; tuale Arab-te in zong ama tungah tuutang tulsagi le zasagi, le keeltang tulsagi le zasagi a puoh uhi.

2 Khangthute 22:1

Jerusalem-a tengte in ama’ za luo dingin a tapa tumpen Ahaziah kumpi-in a koi uhi; azieh pen Arab-te tawh giephuola a pei galkapte in tapa tazaw zosiete a that sieng uhi. Tuaci’n Judah kumpi Jehoram’ tapa Ahaziah kumpi-in a maang hi.

2 Khangthute 26:7

Ama in Philistia-te, Gur-baal a teng Arab-te, le Meunim-te a simna-ah Pasien in ama panpi hi.

2 Khangthute 33:11

Tua ahi ziehin amate sim dingin Topa in Assyria galkapmangte puoh a, amate in hatkilih tawh Manasseh manin siakhau tawh kanbawmin Babylon ah a peipi uhi.

Ezra 1:1

Persia Kumpi Cyrus’ a maan kum khatna kumin, Jeremiah kam sung panin Topa’ thugen a tangtun thei nadingin ama’ gam sung zosie-ah Persia kumpipa Cyrus in tangko khat sawl a, a kumpi gam zosie-ah lai tawh a kigiel kumpipa thupieh tam banga a tangtawh nadingin Persia kumpi Cyrus’ lungsim Topa in a tham hi:

Ezra 1:5

Judah le Benjamin sunga innkuon lutangte, siempute le Levi-te Pasien’ hlagau in a lungsim uh a thamkhah mi zosie- Jerusalem khuo-a om Topa’ biehinn lamkia dingin kisa-in a kuonto uhi.

Joel 3:5

Bangzieh ahei cile note in ka ngun le ka kham teng nei lahpieh ta vua, na biehinnpi vuah ka gougil teng na puo sieng ta uhi.

Amos 1:6

Topa in tam bangin ci hi: Gaza thupalsatna thum le li ziehin, danpiehna ka dawhkia sih ding hi; azieh pen amate in Edom tunga ap dingin minambup salin a kai uhi.

Amos 3:6

Khuopi sungah pengkul a kimut ciengin mite a zau sih uh amah? Topa’ tunsah lo pi-in khuopi sungah gimna a tung amah?

1 Samuel 26:19

Tua ahi ziehin tu-in ka pu kumpipa in a nasempa’ thugente za in. Keima ei do dinga ang hansuo pen Topa ahile ama in ka biehna ei sang taheh; ahi vangin mihingte ahile, Topa mai-ah samsiet thuoh uheh. Azieh pen amate in Topa’ gouluo ka tanhna panin ei notmang vua, ‘Pei inlen, pasien dangte’ na va sem in,’ ei ci uhi.