2 Khangthute 18:13 - Zo Bible

¹³ Ahi vangin Micaiah in, “Topa a hing ahi ma bangin ka Pasien’ gen popo ka gen ding hi,” a ci hi.

LAISIENGTHOU CL Bible (BSI)

¹³ Hinanleh Mikaiah in akungah, “Mangpa min sielin ka gen ahi, ka Pasian gen teng kagen ding ahi,” achi hi.

Zokam International Version

¹³ Ahi hangin Micaiah in, "TOPA nuntakna lo a ka cihinah, ka Pasian in kei tunga hong gen bek ama tungah ka gen thei hi," a ci hi.

2 Khangthute 18:13 ပူးပေါင်းရင်းမြစ်များ

1 Kumpite 22:14

Hizongnanle Micaiah in, “Topa a hing ahi ma bangin, Topa in ka kunga ang gen popo ka gen ding hi,” a ci hi.

2 Khangthute 18:12

Micaiah hlan dinga a kuon kamtaipa in ama kungah, “En in, kithukhatin kamsangte’ gen khu kumpipa dinga a hoilam ahi hi; na thu gen zong amau’ gen tawh kibangsah inlen, a hoilamin gen in,” a ci hi.

2 Khangthute 18:14

Kumpipa kungah ama a tun ciengin kumpipa in ama kungah, “Micaiah aw, Ramoth-gilead ah galsim dingin ka kuonto diei, tua ahi sihle ka pel lel diei mah?” a ci hi. Ama in dawng a, “Kuonto inlen va zo ta’n; na khut sungah amate ang kipie ding hi,” a ci hi.

Jeremiah 23:28

Mang man kamsangpa in a mangmat gen hinlen, hizongle ka kammal a nei pa in muonhuoi tahin ka kammal gen taheh. Butu le butang bangci kibah thei ding ahei, Topa in ci hi.

Jeremiah 42:4

Kamsangpa Jeremiah in amate kungah, “Hoi mama hi: Na nget bangun Topa na Pasien uh kungah thu ka ngen ding a, note tungah Topa ei dawnna bangbang kang gen ding hi; bangma kang im malmal sih ding hi,” a ci hi.

Ezekiel 2:7

Amate in a ngai vua, a ngai sih zongun ka thugente amate tungah na gen ding hi, azieh pen amate pen a ledo innkuon ahi uhi.

Misimna 22:35

Topa’ vantungmi in Balaam kungah, “Tua mite tawh zawh in; hizongle kang sawl teng beh na gen ding hi,” a ci hi. Tuaci’n Balak uliente tawh Balaam a zawhton hi.

Misimna 23:12

Ama in dawng a, “Topa in gen dinga ka kam sunga a koi thu don loin ka koi ding amah?” a ci hi.

Misimna 23:26

Ahi vangin Balaam in Balak kungah, “Topa’ gen popo ka bawl ding hi,’ ang ci hi lo ka mah?” ci-in a dawng hi.

Misimna 24:13

‘Balak in kham le ngun inndim khat ei pie phiel nanle Topa’ gen kalvalin kei dei bangin a sie ahi a, a pha ahi zongin ka bawl thei sih hi; Topa’ gente beh ka gen ding hi,’ ci-in gen zo hi lo ka mah?

Nasepte 20:27

Azieh pen Pasien’ gelna buppi ip nei loin note tungah teci ka pang zo hi.

1 Corinth-te 11:23

Bangzieh ahei cile Topa tung pana ka nga, note tunga kang gensawn thu in, ama a kileheh ni zan-in Topa Jesu in khomun la-in

2 Corinth-te 2:17

Bangzieh ahei cile kote ka hi ule sum nga thei nadinga Pasien’ thu a thangbawl mi tampite bang ka hi sih vua, Pasien kung pana kisawl mite bangin ama mai-ah mi citahte ka hina utawh Khris sunga thu gente ka hizaw uhi.

Galatia-te 1:10

Tu-in mihingte’ maipha sui ka mah, ahi sihle Pasien’ maipha sui ka hei? Mite po a lungdamsah sawm lailai ka hi mawh leh Khris’ nasem ka hi sih ding hi.

1 THESSALONIKA 2:4

lungdamna thu a gen dinga Pasien in ei thukimpisa ka hi ma bangun, thu gen nan uleng zong mite lungkim nading hi loin, ka lungtang uh ei sittel Pasien lungdam nadinga a gen ka hizaw uhi.