2 Khangthute 18:10 - Zo Bible

¹⁰ Chenaanah’ tapa Zedekiah in sia sakite bawlin ama in, “Topa in tam bangin a gen hi: Amate a kisuhsiet masangsie tam teng tawh Aram-te na sun ding hi,” a ci hi.

LAISIENGTHOU CL Bible (BSI)

¹⁰ Kenaanah tapa Zedekiah in sia in kiite abawl a tami Mangpa thu agen ahi, “Aman Siriate suhmangthai a aum masang sie uh tamte toh amaute na sun ziel ziel ding hi,” achi hi.

Zokam International Version

¹⁰ Tu-in Kenaanah tapa Zedekiah in sikkite bawla, "TOPA thugen hih ahi hi: ‘Aram-te a kisiat khit matengun hihte in amaute na pik ding uh hi,’ ci hi," ci-in a gen hi.

2 Khangthute 18:10 ပူးပေါင်းရင်းမြစ်များ

1 Kumpite 22:11

Chenaanah’ tapa Zedekiah in ama adingin sia sakite bawlin, “Topa in tam bangin gen hi: amate pen tamte tawh amanthai dongin na sun ding hi,” a ci hi.

2 Khangthute 18:11

Kamsang zosie in zong tua ma bangin kam a sang vua, “Ramoth-gilead ah kuonto inlen va zo ta’n; Topa in kumpipa’ khut sungah ang pie ding hi,” a ci uhi.

2 Khangthute 18:9

Tu-in Israel kumpipa le Judah kumpipa Jehoshaphat a kumpi topha tung vuah to-in puontuolpi silin a kizem uhi; tuale Samaria tunkot lutna mun ancilna phuol-ah amate a to uhi; tuale kamsang zosie in a mai vuah kam a sang uhi.

Jeremiah 23:17

Amate in Topa’ kammal a simmawte kungah, “Note adingin hing hoi na va,” a ci den mielmuol uhi; amau’ lungtang khauna banga khau taha a zui mi zosie kungah amate in, “Note tungah tuosietna ang tung sih ding hi,” a ci uhi.

Jeremiah 23:21

Ka sawl lopi-in kamsangte a tai uhi; amate kungah ka gen lopi thu a songen uhi.

Jeremiah 23:25

Keima in, “Mang man zo ing, mang man zo ing!” ci-in keima’ min tawh zuouthu a gen kamsangte’ thugente ka za zo hi.

Jeremiah 23:31

En un, a phuotawm uh thu gen hi napi, “Topa in ci hi,” a ci kamsangte ka langpang hi,” Topa in ci hi.

Jeremiah 27:2

Keima kungah Topa in tam bangin a gen hi: Khau kivaw hahkol khat bawl inlen na ngawngah bul in.

Jeremiah 29:21

Keima’ min tawh note kunga zuouthu ang hil Kolaiah’ tapa Ahab le Maaseiah’ tapa Zedekiah-te tawh kisai-in Israel’ Pasien, Vanglien Topa in tam bangin a gen hi: Babylon Kumpipa Nebuchadnezzar’ khutah amate ka pie ding a, ama in na muna vuah amate that ding hi.

Ezekiel 13:7

Note in ka gen khah lo mawh vangin, “Topa in gen hi,” na ci ciengun zuou mang mu-in zuou aisan hi lo na hi uh amah?

Ezekiel 22:28

A kamsangte un amate tangin kulpi leikang vui zut bangin thu a imcip vua, amate adingin a dih lo mangmuna le zuou aisannate bawlin, Topa gen lo pi-in, “Topa in tam bangin gen hi,” a ci uhi.

2 Timothy 3:8

Jannes le Jambres in Moses a langpan ma bangin tam mite in zong thuman thutah a langpang vua, lungsim kisie gawpsa le upna man lo mite ahi uhi.