2 Khangthute 13:12 - Zo Bible

¹² En un, ka makai dingun kote tawh Topa ang omton a, note do dinga gal hlatna pengkul tum dingin ama’ siempute in galkap pengkulte a nei uhi. Israel-te aw, na pu na pate uh’ Pasien, Topa do sih un; azieh pen na zo vawt sih ding uhi,” a ci hi.

LAISIENGTHOU CL Bible (BSI)

¹² Ngai un, Pasian in koute ahing umpi a, Ama ka lamkaipa uh ahi hi. Ama siempute zong noute dou a, kidouna pengkul mut ding ahi uhi. Israel mite aw, Mangpa na pu leh pate uh Pasian dou sih un, na lawching tuom sih ding uhi,” achi hi.

Zokam International Version

¹² Pasian in kote hong ompih hi; amah kote makai ahi hi. Ama siampite in a pengkulte uh note langah galsimna in a awngsak ding uh hi. Israel mite aw, zo lo ding na hi manun na pate uh Pasian TOPA langah do kei un," a ci hi.

2 Khangthute 13:12 ပူးပေါင်းရင်းမြစ်များ

2 Khangthute 24:20

Tua ciengin Pasien’ hlagau in siempu Jehoiada’ tapa Zechariah man hi; mite tung lamah ama dingin amate kungah, “Pasien in tam bangin gen hi: Na mavan thei lo nadingun bang dingin Topa’ thupiehnate palsat na hi uh ahei? Note in Topa na taisan ziehun ama in note ang taisan hi,” a ci hi.

2 Khangthute 32:8

Ama tawh tahsa galhiem beh om hi; ahi vangin eite ei panpi-in i galte ei dopi dingin eite tawh Topa i Pasien a om hi,” a ci hi. Judah kumpipa Hezekiah’ genna panin mite a lungmuong uhi.

Job 40:9

Pasien bangin ban nei-in, a awging tawh van na tosah thei amah?

Job 9:4

Ama pen a lungtang pil a, a tha zong a hat hi. Koi pen in ama do-in a guolzo ngel ahei?

Phatna-late 20:7

Mi pawlkhat in lengte kisahtheipi-in, pawlkhat in sakolte a kisahtheipi vua, hinanle eite’ kisahtheipi pen ahile Topa i Pasien uh’ min ahi bo hi.

Phatna-late 46:7

Vanglien Topa eite tawh ang omton hi; Jacob Pasien khu eite’ kibuhna ahi hi. Selah

Isaiah 45:9

Nangma ang Bawlpa tawh a kihau mi pa, beelkheng pa tawh a kiledo leibeel in gimna nga taheh! Tungman in a khengpa kungah, “Bang bawl na hei, ahi sihle, “Na sil bawl in a tuhna nei lo hi,” ci-in a gen amah?

Isaiah 54:17

Nang do nadinga kibawl hiem poma mavang lo ding a, thukhenna sungah na langa a pang leii poma na thalpaih ding hi. Tam pen Topa’ nasemte’ gouluo le kei kung pan amau’ dihna kilahna ahi hi, Topa in ci hi,” a ci hi.

Isaiah 8:10

Thu kikumton un, hinanle bangma a matlap a om sih ding hi. Thu gen un, ahi vangin a kip tuom sih ding hi. Azieh pen kote tawh Pasien a omton hi.

Jeremiah 2:37

Topa in na mi muonte a nuol tah ziehin nang zong luhum kawmin tua gam panin nang pei ding hi; amate tungtawnin bangma na nga sih ding hi.

Jeremiah 50:24

Babylon aw, nang kang thangsie a, a thei loin na awh ta hi; Topa na tawh ziehin ang kimu-in ang kiman hi.

Ezekiel 17:9

Topa Pasien in tam bangin ci hi, ci-in gen in: Tua lenggui a khang zo ding amah? A gawptum nadingin phungbaw-in, muvanlai in a gate muotsahin gawptumsah ding a, a bameng thate zong vulsah lo ding amah? Tua lenggui phungbaw nadingin mi banhat ahi sihle galkap thahat kisam lo ding hi.

Zechariah 10:5

Amate a unpi-un gawlzin buon lahah galte a tuoncil galhangte a bang ding uhi; amate tawh Topa a opton ziehin amate in gal a do ding vua, sakol tung tuongte a mai zumsah ding uhi.

Misimna 14:41

Ahi vangin Moses in, “Bang dinga Topa’ thupiehna na palsat uh ahei? Tua khu a tangtung sih ding hi.

Misimna 23:21

Ama in Jacob tungah vangsietna a mu sih a; ama in Israel-te lahah gimna zong a mu sih hi. Topa amau’ Pasien, amate tawh a omton a, amate lahah ama pen kumpipa ci-in kitangko hi.

Misimna 31:6

Moses in amate, minam khatah tulkhat ta, a khut sungah biehinn vanzahte le patau kona pengkulte a tawi siempu Eleazar’ tapa Phinehas tawh galdo dingin a kuonsah hi.

Nasepte 5:39

ahi vangin Pasien tung pana ang kipan ahile lah na zo sih ding vua, tami thu-ah Pasien tawh kido-in ang kimu zaw ding uhi!” a ci hi. Amate in tua pa thugen a sang thei vua,

Rome-te 8:31

Tua ahile tam thu tungtang ah bang i gen ding vuoi? Eite lamah Pasien a pan po leh eite lang khatah koi pang zo ding ahei?

Thupiakkikna 20:4

azieh pen na tung vuah guolzawna ang pie ding, na galte ang dopi dingin note tawh ang kuonton pa khu Topa na Pasien uh ahi hi,” ci ding hi.

Thupiakkikna 28:29

miel lahah mittawte a kimaimaw bangin suntanglai pi-in na kimaimaw ding vua, ahi vangin na lampi uh na mu thei sih ding uhi; mite’ bawlsiet le bulu-in na om zing ding vua, ang panpi ding koima a om sih ding hi.

Hebrews 2:10

Ama ading le ama tungtawnin sil bangkim a piengsah Pasien in ta tampite, minthanna ah a peipi thei nadingin a thuohna tawh hutdamna a bawlcil pa Jesu a bukimsah ding pen a kilawm mawng ahi hi.