2 Khangthute 10:15 - Zo Bible

¹⁵ Tuaci’n kumpipa in mite’ thu a ngai sih hi. Azieh pen tami khu Topa in Shiloh-te Ahijah tungtawnin Nebat’ tapa Jeroboam tungah a gensa thu a tangtun nadinga Topa piensah thukawng kiheina ahi hi.

LAISIENGTHOU CL Bible (BSI)

¹⁵ Tuachi’n leengpa’n mipite thu angaikhiet piehta sih hi; Aziehpen Mangpa’n Shilon mi Ahijah zanga, Nebat tapa Jeroboam kunga ana gensa athu tangtunna ding a, Pasian a hing kipan ahi.

Zokam International Version

¹⁵ Tua bangin kumpipa in mipi thu a ngai kei hi; ahang in, hih thukawng-kihekna Pasian pan hi-a, TOPA in Shiloh-te Ahijah tawna Nebat tapa Jeroboam tunga a gensa thu a tangtunna ahi hi.

2 Khangthute 10:15 ပူးပေါင်းရင်းမြစ်များ

2 Samuel 17:14

Absalom le Israel mi zosie in, “Ahithophel’ thumop sangin Archi mi Hushai’ thumop hoizaw hi,” a ci uhi. Bang ding ahei cile Topa in Absalom tungah sietna a tunsah thei nadingin Ahithophel’ thumop khu a guolel mawng dinga Topa’ sesa ahi hi.

1 Kumpite 12:15

Tuaci’n kumpipa in mite’ thu a ngai sih hi. Bangzieh ahei cile Topa in Shilon-te Ahijah tungtawnin Nebat’ tapa Jeroboam tunga a gensa thu a tangtun thei nadinga Topa in a piensah thu kiheina ahi hi.

1 Kumpite 12:24

“Topa in tam bangin gen hi, ‘Na kuonto sih ding vua, na sanggam Israel mite na do sih ding uhi. Mi zosie a inn vuah pei uheh. Azieh pen tam thu pen keima kung pan ahi hi,’ ci hi,” a ci hi. Tuaci’n amate in zong Topa’ thu a mang vua, Topa’ thugen bangin inn lam a zuonkia uhi.

1 Kumpite 22:20

Topa in, “Ramoth-gilead ah ama kato-in a si thei nadingin koi pen in Ahab va zawl ta ding ahei?’ a ci hi. Tua ciengin khat in thu khat genin adang khat in thudang khat gen a,

2 Khangthute 10:14

ama in khangnote’ ngaisutna bangin amate kungah thu gen a, “Ka pa in no tunga vangih ang suon pen kang belap zaw lai ding hi; ka pa in khauhuol tawh note thu ang hil hi, ahi vangin keima in cieng lingneite tawh thu kang hil ding hi,” a ci hi.

2 Khangthute 11:4

Topa in tam bangin a gen hi: “Note na kuonto sih ding vua, na sanggamte na sim sih ding uhi. Mi zosie a inn lam ciet vuah kilekia ta uheh. Bang ding ahei cile tam thu khu keima kung pan ahi hi. Tuaci’n Topa’ thu mangin Jeroboam do nading panin amate a kilekia uhi.

2 Khangthute 22:7

Hizongle Joram ve dingin ama a hawna ziehin Ahaziah’ zakieh nading pen Pasien’ laitansa ahi hi. Azieh pen ama khum munah a tun ciengin Ahab’ innkuon susie dinga Topa in sathau a nusa Nimshi’ tapa Jehu tawh kimu dingin Jehoram a pusuoh hi.

2 Khangthute 9:29

Tu-in Solomon gamtatna a omlai teng, a patna panin a tawpna dong, Kamsang Nathan’ Tangthu sung, le Shiloh-te Ahijah’ Thugen Kholna sung, le Nebat’ tapa Jeroboam thu tawh kisai-in Thumu pa Iddo’ Mangmuna sungah kigiel hi lo amah?

Isaiah 19:14

Topa in amate sungah kituhkalna hlagau buohsuh zo hi; a luoh lahah zukham pa a hawipua bangin, amate in Egypt-te’ sepna zosie-ah khielsahin a hawisah ta uhi.

John 19:24

Tuaci’n amate in, “Tami balkeh sih vai, koi pen in i nga ei aisan vai,” khatlekhat a kici uhi. Tam pen Lai Siengtho in, “Amate in ka puonte a hawm vua, ka puon-ah nga nadingin ai a san uhi,” a ci thu a tangtun nading ahi hi.

Nasepte 2:23

Pasien in ama’ ngimna le a theikholna bangin note khut sungah tam pa ang piekhie a, note in singlamte tungah khai-in migilote’ khut tawh ama na that uhi.

Nasepte 4:28

Nangma in na gelna bangin a pieng dinga na khut tawh na sekholsa popo amate in a sem ding uhi.

Thupiakkikna 2:30

Ahi vangin Heshbon kumpipa Sihon in ei peisah lo hi. Azieh pen Topa na Pasien un tuni-a a bawl bangin na khut sung vuah ama a pieh thei nadingin a lungsim a khausah a, a lung zong a phengsah hi.

Thukhente 14:4

A nu le a pa in tam thu Topa kung pan ahi lam a thei sih uhi; bangzieh ahei cile ama in Philistia-te do nading paulap a sui laitah ahi hi. Khum hun lai-in Philistia-te in Israel-te a uh uhi.

1 Samuel 2:25

Mi khat in midang khat tunga a khiel leh ama dingin Topa tungah mi khat in thumpieh thei hi; ahi vangin mi khat Topa tungah khiel leh koi in thumpieh thei ding ahei?” a ci hi. Ahi vangin a pate uh’ thu a mang sih uhi; bangzieh ahei cile amate a kitha ding pen Topa’ deina ahi hi.