2 Corinth-te 6:5 - Zo Bible

⁵ satnate, thongkiehnate, buoinate, na ham sepnate, zanlai-a kimutmaw law nate, le gilkielnate ahi a;

LAISIENGTHOU CL Bible (BSI)

⁵ Vuohnate, suongkul a khumnate, buoinate, sepgimnate, imutmawnate, ann ngawlnate;

Zokam International Version

⁵ satnate ah, koltanna le ngongtatna ah; naham sepna, zana ihmut theihlohna le gilkialna ah;

2 Corinth-te 6:5 ပူးပေါင်းရင်းမြစ်များ

1 Kumpite 22:27

Ama in, ‘Kumpipa in tam bangin gen hi: Thongah tam mipa khum unlen, lungnuom taha kang tunkia masangin an le tui na gieutausah un,” ci hi,’ va ci ta un,” a ci hi.

2 Khangthute 16:10

Tua ciengin thumu pa tungah Asa lungthah a, ama kolbulin thong sungah a khum hi, azieh pen tam thu ziehin ama tungah a lungthah mama hi. Tuale khum hun sung ma-in Asa in mi kimkhat tungah gimna hamsapite a pie hi.

Isaiah 53:5

Ahi vangin eite’ tatsietna ziehin ama in liemna thuoh a, eite’ khielna ziehin ama kitehpuong hi; eite in nopna i nga thei nadingin ama in dan thuoh a, ama’ liemmate ziehin eite in damna i nga uhi.

Jeremiah 33:1

Thong huong sungah a kikhumcip laitahin Jeremiah kungah Topa’ thu a ni veina a tung hi:

Jeremiah 38:6

Tuaci’n amate in Jeremiah manin thong huong sunga om kumpipa’ tapa Malchiah’ tuikhuh sungah a paimang vua, khau huol tawh Jeremiah a khiesuh uhi. Tua tuikhuh sungah tui na om loin buon beh na om a, tuale buon lahah Jeremiah a tumsuh hi.

Ezekiel 3:17

Mihing aw, Israel innkuonte’ galvil pa dingin nang kang koi zo hi; ka kam sung panin thu na zah sielin amate tungah ka thuhilkholnate na gensawn ding hi.

Matthew 14:10

Ama in mi sawlin thong sungah John’ lutang a tansah hi.

Matthew 14:3

Azieh pen Herod in a naupa Philip’ zi Herodias ziehin John man a, khau tawh henin thong sungah a khum hi.

Matthew 9:15

Jesu in amate kungah, “Zineipa tawh a omton laisie-un mopawi simte a da thei ding uh amah? Amate kung panin zineipa a kilah hun ang tung ding a, tua hun ciengin amate in an a tang ding uhi.

Nasepte 13:3

Amate in zong an tangin thu a nget zaw ciengun ama gel tungah a khut uh nga-in a sawlkhie uhi.

Nasepte 14:19

Ahi vangin Antioch le Iconium khuo panin tua munah Jew mite pei-in mihonpi a thuzaw gawp uhi. Tua ciengin amate in suong tawh Paul a sep gawp vua, a si hi ta va ci-in khuo pulamah a kaiphit uhi.

Nasepte 14:23

Ama gel in hlattuom pawlpi simah hlattuom pawlpi upate a koipieh zaw ciengun, a muonte uh thungetna le antanna tawh Topa tungah a ap uhi.

Nasepte 17:5

Ahi vangin Jew mite haza-in vanzuana muna om migilote pawlkhat a ciel vua, tuaci’n amate in mihonpi khawmin khuopi sung a buoisah uhi. Mihonpi mai-a kaikhiet dingin Paul le Silas a sui laitahun amate in Jason’ inn a bulu uhi.

Nasepte 20:31

Tua ahi ziehin kigalging unlen, kum thum sung a sun a zanin khawl loin hlitui luong kawmin mi zosie tunga kang thuhilte na phawh bo un.

Nasepte 23:10

Kiselna a husiet mama ciengin amate in Paul hing ehmal kha va uh ci-in galkapmangpa a lunghimaw ziehin, galkapte peisuhin zawthawthu tawh ama la-in galkap len-ah a peipi nadingun thu a pie hi.

Nasepte 23:35

ama in, “Ang mawmat mite ang tun ciengin na thu kang sit ding hi,” a ci hi. Tua ciengin Herod kumpi inn sungah ama koi-in a cin nadingun thu a pie hi.

Nasepte 24:27

Kum ni a cin zaw ciengin Felix’ za laihin Porcius Festus pang a, Felix in Judah-te’ maipha a mu nop ziehin thong kiasa-in Paul a nuasie hi.

Nasepte 26:10

Keima in tua bangin Jerusalem ah ka na sem pai hi; siempu uhpite’ phalna tawh misiengtho tampi tahte thong sungah ka khum banah amate si nading thu a kikhen ciengin zong thukimna me ka na pie lai hi.

Nasepte 26:29

Paul in, “Hun a tom a, a sau zongin nang beh hi loin tuni-a ka thugen a ngai mi zosiete in tami siakol bulnate ci longal ah kei ei bah kim nading vua Pasien kunga thu ngen ka hi hi,” a ci hi.

Nasepte 28:30

Paul, kum ni sung vilvel ama le ama kisihin om a, ama kunga a haw mi zosie hoitahin na lamdotin,

Nasepte 5:18

sawltahpite manin taangpi thong sungah a khum uhi.

1 Corinth-te 15:10

Ahi vangin Pasien’ hepina ziehin kei pen ka hi bang ka hi a, ama in kei tunga ei pieh a hepina pen a mawhna suoh lo hi. Tuale mahin amate khatpo sangin zong nasep ka hakat zaw a, - tua khu kei sep hi sih nanle - keima ei ompi Pasien’ hepina in a sep ahi hi.

1 Corinth-te 4:11

Tuni cieng dong gilkiel dangta-in puonsil ding nei loin ka om vua, satna thuohin inn le lo nei loin ka om uhi.

1 Corinth-te 7:5

Thungen dinga na kipumpieh thei nadingun na thukimna utawh kideh hun ding tawmno khat na bawl khah uleh ci simlo, khatlekhat lupton lo ding po na kideh sih un. Na pumpi kidehlana zieh vua Satan in note ang ze-et zo lo nadingin tua zaw ciengin na lumtonkia pai un.

2 Corinth-te 11:27

nasep gimin hamsatna sungah omin, zan lai-in tamveipi tah kimu maw liengin ka om hi. Tuale gilkielna le dangtana a kipanin neh ding nei loin tamveipi ka om a, puon sil ding nei loin damsi-in ka om ngitnget hi.

Ephesa-te 3:1

Tami thu ziehin no Gentile-te tangin Khris Jesu adinga thongkie pa keima Paul in,

Thupiakkikna 25:3

Sawmli vei kisat thei ding a, hinanle tua val hi lo ding hi; tua sanga a tamzaw a kisat leh, na muna vuah na vengpa a kineubawl a suoh ding hi.

Philippi-te 1:13

Tuaci’n kumpi inncing galkapte le midangte zosie in Khris adinga ka thongkiehna thu a thei sieng ta uhi.

1 THESSALONIKA 2:9

Sanggamte aw, na tung vuah Pasien’ lungdamna thu kang hil lai-un, koima’ vangih ka suo lo nadingun sun le zanin gimpipi-a na ka sep lam na thei uhi.

1 Timothy 4:10

Azieh pen eite in mi zosie, a diehdiehin a um mite’ Hundampa tungah i lametna uh i koi ziehun, tami thu-ah na semin nahpi tahin i hanciem uhi.

2 Timothy 1:8

Tua ciengin i Topa’ thu tecipanna maizumpi loin, ama zieha thongkie ahi keima zong ei maizumpi sinlen, Pasien’ vanglietna tungah kingam kawmin lungdamna thu adinga ka genthei thuohna ah ei thuohpi zaw in.

2 Timothy 2:9

tua thu ziehin gimna ka thuoh a, tuolthat khat bangin kolbulna cieng nangawn ka thuoh hi. Hizongle Pasien’ thu kol kibul thei lo hi.

2 Timothy 4:5

Pilvang zing in, hamsatna thuoh bembom in, lungdamna thugen nasep sem inlen, tua na nasep a unpi-in muolsuo in.

Hebrews 11:36

Adangte in ahile simmawna le satna a thuoh vua, siakhau tawh kikhi-in thongkiehna nangawn a thuoh uhi.

Hebrews 13:17

Na lamkaite uh’ thu na mang unlen, amate tungah na ki-ap un, azieh pen amate ahile na hlagau ang vilpieh ahi vua, a nasepnate uh Pasien kunga a pulah ding uh ahi hi. Tami pen lunggimna tawh semsah sih unlen, lungdamna tawh semsah zaw un. Bangzieh ahei cile tua bang hi loin, da pipi-a a sep ciengun note adingin phattuomna a om sih ding hi.

Hebrews 13:23

I sanggam pa Timothy kihla zo ta hi, ci thu na thei un; a hunlapin ama ang tun khah leh note tawh i kimu ciengin ama tawh zong kang haw ding hi.

Kilaakna 2:10

Na gim thuoh dingte zau vawt sin. Pilvang in, dawimangpa in nang ang ze-et nadingin note kimkhat thong sungah hing khumin ni sawm sung gentheina na thuoh ding uhi. Si tanpha-in muonhuoi in, tua hile keima in hinna lukhu kang pie ding hi.