2 Corinth-te 5:10 - Zo Bible

¹⁰ Bangzieh ahei cile Khris’ thukhenna topha mai-ah eite zosie i unpi-un i kilaa valon ding vua, tuaci’n i pumpi-a i bawlsa i gamtatna utawh kizui-in a sie ahi a, a pha ahi zongin a nga ciet ding i hi hi.

LAISIENGTHOU CL Bible (BSI)

¹⁰ Aziehpen michin tahsa a aum sunga asilbawlte asie apha abawl dungzui a asepman anga theina dinga Khrist vaihawmna toupha mai ah ding teitei ding ihi uhi.

Zokam International Version

¹⁰ Ahang in, eite khempeuh Christ thukhenna tokhom mai-ah i ding pelmawh ding hi. Tua ciangin mi khempeuh in asia ahi zongin apha ahi zongin, pumpi-a a om sunga a hihsate hangin amau ngah dinga kituakte a sang ding uh hi.

2 Corinth-te 5:10 ပူးပေါင်းရင်းမြစ်များ

Piancilna 18:25

Mi thumante, migilote tawh a kibah nadingin mi thumante le migilote thatton ding ci bang silte bawl vawt sin! Tua bangin na bawl poma sih ding hi! Leitung pumpi thukhenpa in a dihin khen lo ding amah?” a ci hi.

1 Kumpite 8:32

vantung panin za-in sem inlen, na nasemte tungah thukhenin a mawpa thuohsahin ama’ gamtatna ama lukhuh sah inlen, a dih mipa a dihna talangin a dihna tawh kizui-in thaman pie in.

1 Kumpite 8:39

na tenna vantung panin za inlen ngaidam in. Tua ciengin amau’ gamtatna zosie tawh kizui-in amau’ lungsim na thei bangin hing bawl in. Azieh pen nangma beh in mihing lungsim na thei hi.

Job 34:11

Azieh pen a sepna utawh kituohin ama in thuhkia ding a, a gamtatna utawh kituohin amate kungah a tungsah ding hi.

Phatna-late 62:12

Topa aw, itna kip nangma-a’ ahi hi. Azieh pen nangma in a sepna utawh kituohin amate na thuhkia hi.

Thuhilhna 11:9

Khangnopa aw, na khangdawn lai-in lungdam inlen, na khangno hun sungin na lungnop bangbangin om in. Na lunglam le na mit in hoi a sahna lam zui in, ahi vangin tamte zosie ziehin Pasien in na tungah thu ang khen ding ahi ci thu thei in.

Thuhilhna 12:14

Azieh pen a sie hile a pha hile a kiguhsep na zosie nangawn tungah Pasien in thu ang khen ding hi.

Ezekiel 18:30

Tua ahi ziehin, Israel innkuonte aw, na unpi-un na gamtatna utawh kizui-in na tung vuah thu kang khen ding hi, Topa Pasien in ci hi. Kisia unlen na khielna zosie uh panin hing kinuale un; tua ahi sihle khielna ziehin na kisietlaw ding uhi.

Matthew 16:27

“Azieh pen a Pa’ minthanna vang le a vantung mite tawh Mihing Tapa ang pei ding a, tua ciengin ama in a sepna utawh kizui-in mi zosie a thuhkia ding hi.

Nasepte 10:42

Ama pen misite le a hinglai mite thu khen dingin Pasien in a sekhol pa ahi hi, ci thu mite tunga tangko ding le teci pang dingin Pasien in kote thu ei pie zo hi.

Nasepte 17:31

Bangzieh ahei cile ama in a sesa mipa tungtawnin dihna tawh thu a khen nading ni khat a sekhol zo hi. Misite lah panin ama a thawsahkiana tawh tami thu a man a hina mi zosie tungah hla muonna a pie zo hi,” ci-in a gen hi.

Rome-te 2:16

keima’ lungdamna thu dung zui-in Jesu Khris tungtawnin Pasien in mi zosie’ phuolsel ngaisutnate a khen ni ciengin tam bangin a khen ding hi.

Rome-te 6:19

Na tahsa hindan uh a zawngkhal ziehin mihing’ ham banga kang gen ahi hi. Bangzieh ahei cile nidang lai-in siengtho lona le gitlona a bawl semsem dingin na pumpi nate na pieh bang lien ma-un, tuaci’n tu-in a siengtho hinkhuo adingin dihtanna lamah sal bangin na pumpi nate na pie un.

1 Corinth-te 4:5

Tua ahi ziehin khuomiel sungah tu-a sil kiphuoldapte khuovah sung a tut ding le lungsim sunga gelnate a pholah dingin Topa ang pei ding hun masangin thu na khen sih un. Tua hun ciengin Pasien kung panin mikim in phatna a nga ciet ding hi.

2 Corinth-te 7:3

Note mawsah nopna tawh tami thu a gen ka hi sih hi, azieh pen i si leh sitonin i hin lezong a hington dingin ka lungsim sung vuah na om uhi, ci-in masang lai-in kang gen zo ta hi.

Ephesa-te 6:8

Silate i hi a, sila lote i hi zongin, Topa kung panin na hoi i sep poma a kibangin i ngakia ding uhi, ci i thei uhi.

Hebrews 9:27

Mihingte adingin ahile khatvei si ding pen sesa ahi a, tua zaw ciengin thukhenna a om ding hi.

1 Peter 4:5

Ahi vangin amate in a hinglaite le a sisate’ thukhen dinga a kigingsa-a om pa mai-ah thudawhna a thuoh ding uhi.

Kilaakna 2:23

tuale keima in tua numei’ tate ka satlia ding hi. Tua ciengin hlattuom pawlpite zosie in kei pen lungsim le lungtang a sui pa ka hi lam ei thei ding vua, khat ciet tungah na gamtatna utawh kituohin kang thuhkia ding hi.

Kilaakna 22:12

“En in, kang pei bai ta ding hi! Mi zosie a gamtatna uh tawh kizui-in a thuhkia dingin keima kungah ka thaman a om hi.

1 Samuel 2:10

Topa! Ama a langpangte kivatmai ding hi; vantungah Sangpen Pa in vantosah ding hi. Leimongte dongin Topa in thu a khen ding hi; ama in a kumpipa tungah thahatna pie ding a, a sathau nupa’ vanglietna a tawisang ding hi,” a ci hi.

1 Samuel 2:3

Kiphatsahna kam ham nawn sinlen, na kam sung panin kilietsahna pusuohsah nawn sin; bang zieh ahei cile Topa khu a thei Pasien hi a, gamtatnate ama tawh a kitawikhai hi.