2 Corinth-te 3:8 - Zo Bible

⁸ Hlagau nasepna khu bangza tahin minthanna tawh ang tungzaw kan lai ding ahei?

LAISIENGTHOU CL Bible (BSI)

⁸ Hagau nasepna khu bangchi’n athupi zaw lou thei diei?

Zokam International Version

⁸ Kha nasepna minthang zawtham lo ding ahi hiam?

2 Corinth-te 3:8 ပူးပေါင်းရင်းမြစ်များ

Isaiah 11:2

Ama tungah Topa’ hlagau ahi, pilna hlagau le theitelna hlagau, ngaisut theina hlagau le thahatna hlagau, theina hlagau le Topa zatahna hlagau a om ding hi.

Isaiah 44:3

Bangzieh ahei cile keima in a dangta leitang tungah tui ka sung ding a, leigaw tungah luitui ka luongsah ding hi; na suonlehlahte tungah ka hlagau ka sung ding a, na tu na tate tungah ka thupha ka sung ding hi.

Isaiah 59:21

Keima adingin tam pen amate tawh ka thuciemna ahi hi, Topa in ci hi: Note’ tunga a om ka hlagau le na kam sung vua ka guonsa ka kammalte, na kam utawh kikhen lo ding a, ahi sihle na tate’ kam, a suonlehlahte’ kam tawh tu le kumtawnin kikhen lo ding hi, Topa in ci hi.

John 1:17

Moses tungtawnin thukham na kipie hi; Jesu Khris tungtawnin hepina le thuman thutah ang pei hi.

John 7:39

Tu-in ama in tam bang a ci ciengin ama a um mite in a nga ding uh Hlagau thu gen ahi hi; azieh pen Jesu kipatawi nai lo ahi ziehin Hlagau a om nai sih hi.

1 Corinth-te 3:16

Note pen Pasien’ biehinnpi na hi vua, na sung vuah Pasien’ Hlagau a ten lam na thei sih uh amah?

2 Corinth-te 11:4

Azieh pen mi khatpo ang pei-in kang hilsa uh ahi lo adang Jesu’ thu ang hil a, ahi sihle note in na ngasa uh ahi lo adang hlagau khat nga-in, ahi sihle na sansa uh lungdamna thu ahi lo adang lungdamna thu khat ang hil ciengin na sang paipai uhi.

2 Corinth-te 3:17

Tu-in ahile Topa pen Hlagau ahi a, Topa’ Hlagau opna munah suotahna a om hi.

2 Corinth-te 3:6

Ama in thuciem tha nasem siemte ei suohsah zo a, tua pen lai-a kigiel thukham tawh hi loin Hlagau tawh hinna ei pie zo hi.

2 Corinth-te 3:7

Tu-in a muol thei ama’ maitang pana ang kikhaw a minthanna vang ziehin Israel mite in Mose’ maitang a etcien thei lo za a, sina a piengsah nasepna ahi suongpehte tunga kigielkuoh laimalte bawn minthanna tawh ang tung ahile,

2 Corinth-te 3:9

Azieh pen mawsah thukhenna nasep bawn tua za-in minthang ahile, dih tanna nasepna khu nah minthan zaw kan lai ven izaw!

Galatia-te 3:14

Tua pen Gentile-te kungah Khris Jesu sunga om Abraham’ thuphate a tun thei nading le upna tungtawnin eite in Hlagau’ kamciem i nga thei nading uh ahi hi.

Galatia-te 5:5

Bangzieh ahei cile kote in upna tawh a kinga dihna pen Hlagau tungtawnin lametna tawh lawptahin ka nga uhi.

Ephesa-te 2:18

Bangzieh ahei cile ei minam nite in ama tungtawnin Hlagau khat sungah Pa kung lut theina thu i nei uhi.

2 THESSALONIKA 2:13

Ahi vangin Topa’ ang it sanggamte aw, Hlagau kisiensuona tungtawn le thuman thutah na upna uh tungtawnin hutdamna nga nadinga ga masa dingin Pasien in note ang teel ziehin, note adingin Pasien kungah lungdam ka ko zing ding uh ahi hi.

1 Peter 1:2

Pa Pasien in a sekholsa le a teelsa mite, Jesu Khris’ thu a mang ding le a sisan tawh a kithe dinga Hlagau Siengtho in a siensuosa mite tungah: Hepina le kilemna a kicingin hing om taheh.