1 Timothy 3:16 - Zo Bible

¹⁶ Upla huoi lo a lien mama i biehna thuthuhpi in: Tahsa-in ama hing kilangin, hlagau sungah dih hi, ci-in na kilah a, vantung mite in mu-in, Gentile-te lahah kitangko a, leitung muncin tengah ki-umin, minthanna tawh ama kilato hi.

LAISIENGTHOU CL Bible (BSI)

¹⁶ Tualeh Pasian ngaisahna thuguh khu niel guollou in athupi hi: Pasian tahsain ahing kilanga, Hagau in siem atang a, Vansawlsiengten a mu ua, Jentelte lah ah tangkoupi in aum a, leitung pumpi gintat in aum a, thupina a lahtou in a umta hi.

Zokam International Version

¹⁶ A lian mahmah nial nading a om lo pasian-mina thuthuk ahi: Amah e pumpi-in f hong kilang a, Kha in dik tangsakin vantung mite in mu uh a, minamte lakah a thu kihilhin leitungah ki-um a, minthanna tawh kilato hi.

1 Timothy 3:16 ပူးပေါင်းရင်းမြစ်များ

Isaiah 7:14

Tua ahi ziehin Topa mama in note tungah lim khat ang pie ding hi. En un, ngahnu khat gai-in tapa khat nei ding a, a min Immanuel kici ding hi.

Isaiah 9:6

Azieh pen eite adingin nausen khat ang suoh a, eite tungah tapa khat ei kipie hi; ama’ liengko tungah thuneina a om hi; ama pen, Lamdang Thu Kuppipa, Vanglien Pasien, Tawntung Pa, Kilemna Kumpipa, ci-in kiphuo hi.

Micah 5:2

Bethlehem Ephrathah aw, Judah bete lahah a neu pen na hi vangin, nang sung panin Israel a uh ding mipa khat ang pieng ding a, ama ang kipatna pen tangtawng ni masa lai ahi tabo hi.

Matthew 1:23

En un! Ngahnu khat gai-in tapa khat nei ding a, ama’ min dingin Emmanuel a phuoh ding uhi. A khietna in, “Eite tawh Pasien omton” cina ahi hi.

Matthew 13:11

Ama in, “Note tungah Vantung gam thusimte theitheina ang kipieh vangin amate tungah kipie lo hi.

Matthew 28:2

Tuale thakhatthu-in zil nahpi-in a kiling hi; bangzieh ahei cile vantung panin Topa’ vantungmi khat kumsuh a, hankhuh suongpi liamang dawhin a tungah a to hi.

Matthew 3:16

Jesu a ki-baptize zaw tui sung panin a pusuoto lien tahin thakhatin van kihong a, vakhu bangin Pasien’ Hlagau kumsuhin ama tungah tu hi.

Matthew 4:11

Tua ciengin dawimangpa in ama a peisan a, tuale thakhatin vantung mite pei-in ama an a vah uhi.

Mark 1:13

Senel gam sungah ni sawmli sung om a, Satan in ama a ze-et hi; tuale gamsate tawh omton a, vantung mite in ama kem hi.

Mark 16:19

Topa Jesu in amate kungah tua banga a gen zaw ciengin vantungah ama kilato a, Pasien’ zietlamah a to hi.

Mark 16:5

Han sungah a lut uleh a zietlam pang vua a to puontuol kang sil tangval khat mu-in a zausi gawp uhi.

Luke 2:32

Gentile-te tunga kihil nading khuovah le na mi Israel-te’ minthan nading ahi hi,” a ci hi.

Luke 20:44

Tua bangin David in ama pen Topa na ci hi; tuaci’n ama, a tapa bangci hi thei ding ahei,” a ci hi.

Luke 22:43

(Tua ciengin vantung panin ama kungah vantungmi khat kilang a, ama a thakhausah hi.

Luke 24:4

Tami thu ah lungmangin a op laitahun, a gei vuah puon telihleh a sil pasal ni thakhatin a ding hi.

Luke 24:51

Thupha a pieh laitahin amate kung panin ama kihem dawhin vantungah a kilato ta hi.

John 1:14

Tuale thu in mihing bangin pieng a, hepina le thuman thutah tawh kidimin eite lahah om a, Pa in a neisun Tapa khat’ minthanna bangin ama’ minthanna i mu zo ta uhi.

John 13:3

Pa in ama’ khut sungah na zosie pie-in ama pen Pasien kung pana ang pei hi a, Pasien kunga peikia ding ahi lam zong Jesu in thei ahi ziehin,

John 15:26

“Pa kung pana ang pei, thuman thutah Hlagau Siengtho ahi Pa kung panin na kung vua kang sawl ding Hupa ang pei ciengin kei tangin teci ang pang ding hi.

John 16:28

Pa kung pan hing pei-in leitungah kang tung zo hi; leitung nuasie-in Pa kungah khatvei ka peikia ding hi,” a ci hi.

John 17:5

Tuaci’n Pa aw, leitung pien masangin na kunga ka neisa minthanna tawh tu-in na omna munah ei minthangsah ta’n.

John 20:12

tua nu in Jesu luong kisielna a lu lamah khat, a keng lamah khat, puonpah silin a to vantungmi ni a mu hi.

John 6:62

Tua ahile Mihing Tapa a opna ngai-ah a kato a mu hi locin bang na ci ding vuoi?

Nasepte 1:19

Jerusalem-a teng zosie in tami thu a thei uhi. Tua logam pen amau’ hamin, ‘Akeldama’ a ci vua, ‘Sisan Lo’ a cinopna ahi hi.)

Nasepte 10:34

Tua ciengin amate kungah Peter thu gen a kipan hi: “ Pasien in mi khentuom nei lo hi, ci thu ka thei tahtah a,

Nasepte 14:27

Tua mun a tun ciengun hlattuom pawlpi mite a kaikhawm vua, Pasien in amate tungtawna a sep zosie le Gentile-te adinga upna kot a honpiehna thute a sut uhi.

Nasepte 20:28

Pasien in a Tapa’ sisan tawh a leisa ama’ hlattuom pawlpi a vah dingin, Hla Siengtho in note’ khut sunga ang koi na tuuhon zosie ule noma ma limtahin na kem un.

Rome-te 10:12

Bangzieh ahei cile Judah mi le Greek mi kikalah a kikhiehna a om sih hi. Tua Topa ma pen mi zosie’ Topa ahi a, ama’ min a lo mi zosie tungah phaltahin thupha a pie hi.

Rome-te 10:18

Ahi vangin amate in a za sih uh amah? ci-in ka dong leh amate in a za zo tahtah ta uhi. Bangzieh ahei cile, “A aw un leitung zosie zel zo a, a kammalte un leimong dong ban zo hi,” a ci hi.

Rome-te 16:25

Tu-in kum sawtveipi sung a kiselcip thuthuh kilahna tawh kizui-in keima in ka hil lungdamna thu le Jesu Khris’ thu tangkona tawh note ang thakhausah thei pa pen Pasien ahi a,

Rome-te 16:26

hizongle tawntung Pasien’ thupieh dung zui le kamsangte’ gielsa thute tungtawnin Gentile-te zosie tungah theisahin upna thu aman thei nadingun ama in tu-in tua thu a pholah zo hi.

Rome-te 3:4

Maimangsah vawt lo ding hi! “Na thukhenna-a na zawna ding le ka kammal ah dihna na tan nading ahi hi, ci-in a kigiel bangin, mi zosie in zuouthu gen nan ule, Pasien’ thumanna kilang taheh.

Rome-te 8:3

Cilesa zieha a thanem thukham in a bawl zawh lote, Pasien in a bawl zo hi; ama in mawna thoidam nadingin mawna kidim cilesa mel a puo ama’ Tapa ang sawlna tawh cilesa sunga om mawna tungah thu a khen hi.

Rome-te 9:5

Tanglai pupite zong amau-a’ ma ahi a, cilesa lam panin cilei Messiah zong amate sung pana ang pieng ahi hi. Na zosie a uh Pasien phat zingin om taheh. Amen.

1 Corinth-te 15:47

Mi masapen pa leitung pan ahi a, leivui tawh kibawl mi ahi hi; a nina pa pen vantung pan ahi hi.

1 Corinth-te 2:7

Ahi vangin kote in leitung pien masang peha eite minthan nadinga Pasien in a na sekholsa Pasien’ pilna, a thusim le a phuolsel thute ka gen uhi.

2 Corinth-te 1:19

Azieh pen Silvanus, Timothy le keima in note lahah kang hil uh Pasien’ Tapa Jesu Khris pen, “Ing heh,” ci-in, “Hi sih,” a cikia nianua pa hi lo hi; ama sungah, “Hi hi,” a ci vive ahi zaw hi.

Galatia-te 2:8

(Bangzieh ahei cile a tep kitansate dinga sawltahpi a suosah ahi Peter tungtawnin na a sem pa in kei tungtawnin zong na hing semin Gentile-te adingin ei sawl a,)

Galatia-te 4:4

Ahi vangin hun bukim ang tun ciengin Pasien in numei pana a pieng thukham nei-a a suoh a Tapa ang sawl hi.

Ephesa-te 1:9

Ama in Khris sunga a koisa ama’ hoisah dan tawh kizui-in ama’ deina thuthuhpi zong ei theisah zo ta hi.

Ephesa-te 6:19

Ka thu gen ciengin ka gen ding thu ei kipieh nading le lungdamna thuthuh hangtaha ka theisah thei nadingin kei adingin zong thu ei na ngetpieh un.

Colosse-te 1:23

Tua khu na zahsa uh lungdamna thu in note ang kamciem lametna panin kihei loin, na upna uh na zop suoh uleh cina hi a, vansin nei-a a om a kipiengsah zosiete tungah a kitangko hi. Keima Paul zong tam lungdamna thu’ nasem khat ka hi hi.

Colosse-te 1:27

Pasien in tami a minthang thuthuh haunate bangza-in lien ahei, ci Gentile-te le amate tungah a theisah dingin keima ei teel a, note sunga om Khris pen tua thuthuh a minthang lametna ahi hi.

Colosse-te 1:6

Na tung vua ang tung tua lungdamna thu in leitung buppi-ah a ga suongin a khan ma bangin, note in zong thuman thutah sungah Pasien’ hepina thu za-in na thei tahtah ni vua kipanin note lahah ga a ga zo ta hi.

Colosse-te 2:2

A lungsim sung vuah amate kihanthawnin itna sungah kipumkhat a, tuaci’n amate in hauna kicing theitelna bukim le, Khris mama ahi Pasien’ thu thuhpi theina a nei ding uh ka dei a,

2 THESSALONIKA 1:10

a misiengthote ziehin minthanna nga dingin ang pei ciengin note kunga ka teci pan uh a ki-up ziehin tua ni ciengin ama a umsa mi zosiete lahah lamdang kisa ding hi.

2 THESSALONIKA 2:7

Bangzieh ahei cile tua thukham palsatna thuthuh in na sem zo a, ahi vangin tu-a ama a khamcip pa a kihep masangsie-in ama in khamcip lai ding hi.

1 Timothy 3:9

amate in kitheina lungsim siengtho tawh upna thuthuh tukip ding uhi.

Hebrews 1:3

Ama in Pasien’ minthanna kilahna le Pasien’ hina bang lien puo a, a vanglien ama’ kammal tawh sil bangkim a tukip hi. Ama in mawnate adingin kisiensuona a bawl zaw ciengin sang pen muna om Vanglienpa’ zietlamah a to hi.

Hebrews 12:2

I upna a piengsah pa le a bukimsah pa, ama mai-a kikoi lungdamna ziehin zumna khawh a sa lo, singlamte tungah gimna thuohin Pasien’ topha zietlamah a to Jesu mittuhna’n nei vai.

Hebrews 7:7

A lienzaw pa in a neuzaw pa thupha a pieh pen niel thei ding hi lo hi.

Hebrews 8:1

Tu-in i gen nop bulpi pen tami ahi hi: Eite in vantunga Thupina kumpi topha zietlam-ah a to tua bang siempu lien khat i nei vua,

1 Peter 1:12

Vantung pana ang kisawl Hlagau Siengtho tawh note tunga lungdamna thu ang hil mite in na kung vuah tu-a ang kigensa thute ang hil lai-un, amau’ na sem hi loin note’ na sem ahi lam amate tungah a kilah zo hi, tam thute pen vantung mite nangawn in a mu nop uh thu ahi hi!

1 Peter 1:20

Ama pen leitung pien masangin a kisekholsa hi a, ahi vangin note adingin hun nukhia cienga ang kilahsah pan ahi hi.

1 Peter 1:21

Pasien tungah na upna ule na lametna uh a kingah thei nadingin, ama tungtawnin sina panin ama a thosah le minthanna a pie pa Pasien sungah muonna a nei na hi uhi.

1 Peter 3:18

Bangzieh ahei cile Pasien kungah note ang tut thei nadingin, midih ahi Khris in zong mawnate ziehin midih lote adingin a kimang den dingin khatvei gimna a thuoh hi. Ama in cilesa tawh sina a thuoh vangin hlagau tawh kihingsah kia zo hi.

1 Peter 3:22

Tua Jesu Khris pen vantungah a pei zo ta a, Pasien’ zietlamah omin ama’ thuneina nei-ah vantung mite, uhna neite, vanglietna neite zosie a om uhi.

1 John 1:2

Tami hinna pen ang kilang zo ta a, kote in mu-in tua thu teci a pang ka hi uhi.

1 John 3:5

Mawna lakhie dingin ama ang kilang hi, ci thu le ama sungah mawna om lo hi, ci thu na thei uhi.

1 John 3:8

Mawna a bawl poma dawimangpa’ ta ahi hi; bangzieh ahei cile a kipatcil a kipan dawimangpa pen mawna bawl ahi hi. Dawimangpa’ nasepte a susie dingin Pasien’ Tapa ang kilang hi.

Kilaakna 17:5

Tuale a talpang tungah: “A lien Babylon khuopi, numei pahtatte le leitunga a kidahhuoi nate’ nu,” ci-in a thuthuh min khat kigiel hi.

Kilaakna 17:7

Hizongle vantungmi in keima kungah, “Bang dinga lamdang na sah ahei? Tua numei le lutang sagi le ki sawm a nei, ama nu a puo gamsa tawh kisai thuthuh na kungah kang gen ding hi.

Kilaakna 7:9

Tam zaw ciengin ka khuodah leh mi namcin, be namcin, micin, le ham namcin panin koima’ simzawh lo mihonpi in puonpaa silin, a khut sung vuah lutu na a tawi vua, tuaci’n kumpi topha mai le Tuuno mai-ah a ding uhi.