1 THESSALONIKA 3:3 - Zo Bible

³ tua pen bawlsietnate ziehin koima na linglawn lo nading uh deina ahi hi. Kote ka hi ule tam bang bawlsietna a thuoh dinga laitansa ka hi lam uh na theisa uh ahi hi.

LAISIENGTHOU CL Bible (BSI)

³ Tam genthei thuohna zieh a koima akilin louna dingin, tam silte thuoh ding mawng a guot ihi uh chi noute mama in na thei uhi.

Zokam International Version

³ Tua in hih zia-etnate hanga kuamah a linglawn loh ding deihna ahi hi. Kote zia-etna thuak dinga laitansa ka hilam uh na theih luatsa uh ahi hi.

1 THESSALONIKA 3:3 ပူးပေါင်းရင်းမြစ်များ

Job 23:14

Azieh pen kei dinga a sesate ama in ang bukimsah ding a, ama’ lungsim sungah tua bang tampi a om hi.

Phatna-late 112:6

Bangzieh ahei cile midihte kiling ngai lo ding hi; kumtawnin amate a kiphawh zing ding hi.

Luke 21:12

“Ahi vangin tam thute ang tun masangin keima’ min ziehin amate in note hing manin ang bawlsie ding uhi; amate in kikhopna innte le thong sungah ang ap ding vua, keima’ min ziehin kumpite le gam-uhte mai-ah ang kipeipi ding uhi.

John 16:2

Amate in kikhopna inn panin note ang nawmang ding uhi. A tahtahin, no ang thatte in tua banga a bawlna uh ziehin Pasien bie-a a kingaisut ding uh hun ang tung ding hi.

John 16:33

Note in keima sungah lungnopna na nei thei nadingun na kung vua tami thu kang gen ahi hi. Note in leitungah gimna na thuoh ding uhi. Ahi vangin kihangsansah un; keima in leitung ka zozo hi!” a ci hi.

Nasepte 14:22

Khum tahah nuazuite thakhausahin upna sungah a amate a kip den nadingun a hanthawn vua, “Pasien’ manggam sungah i lut thei nadingin bawlsietna tampi i thuoh ding uh kul hi,” a ci uhi.

Nasepte 2:25

Bangzieh ahei cile ama tawh kisai David in a genna-ah, ‘Ka masangah Topa a op den lam ka mu hi, azieh pen ei kilawthing thei lo na dingin ka zietlamah ama a om hi;

Nasepte 21:11

Kote kungah ama hing pei a, Paul’ kawnggah la-in tua tawh a khut le a kengte a khi zaw ciengin, “Hlagau Siengtho in, ‘Jew mite in Jerusalem khuo ah tami kawnggah nei pa tam bangin khi-in Gentile-te khut sungah pie ding uhi,’ ei ci hi,” a ci hi.

Nasepte 21:13

Tua ciengin Paul in, “Bang dingin note tam bangin kapin ka lungsim kitapkhap nadingin gamta na hi uh ahei? Bangzieh ahei cile hencipna hi khop loin Topa Jesu’ min adingin Jerusalem ah sina nangawn a thuoh dinga a kithawisa ka hi hi,” ci-in a dawng hi.

Nasepte 9:16

Ama in keima’ min ziehin bangza-in gimna thuoh ding ahei, ci pen kei mama in ama ka lah ding hi,” a ci hi.

Rome-te 5:3

Tua tham loin i thuoh gimnate vuah zong eite i kipah veve vua, tua gimnate in thuoh zawhna piengsahin,

1 Corinth-te 15:58

Tua ahi ziehin kang itte aw, kiptahin dingin kilawh sih unlen, note in Topa sunga na nasepna uh a mawhna a hi lo lam thei na hi ziehun Topa’ nasepna ah a hoi thei penin ma na pang zing un.

1 Corinth-te 4:9

Ko sawltahpite ka hi ule sina thukhenna thuoh dingte bangin Pasien in mi zosie lahah a zaneu penin ei koi zo tawh kibang ka sa hi, bangzieh ahei cile kote pen leitung mite, vantung mite le mihingte adingin guolnopna pawi sunga etnop ka suoh ta uhi.

Ephesa-te 3:13

Tua ahi ziehin note adinga ka thuohnate uh ziehin keima in na lungkieh lo nadingun thu kang ngetpieh hi; tuate pen note’ minthanna ahi hi.

Philippi-te 1:28

No ang langpangte ziehin zong zau vawt sih un. Tam pen amate adingin a kisietna uh a talang thu khat ahi a, hizongle tua pen note’ kihutdamna ahi zaw hi. Tam pen Pasien’ nasepna ahi hi.

Colosse-te 1:23

Tua khu na zahsa uh lungdamna thu in note ang kamciem lametna panin kihei loin, na upna uh na zop suoh uleh cina hi a, vansin nei-a a om a kipiengsah zosiete tungah a kitangko hi. Keima Paul zong tam lungdamna thu’ nasem khat ka hi hi.

1 THESSALONIKA 5:9

Bangzieh ahei cile eite pen Pasien in a thangpaina thuoh dinga ei laitan ahi sih a, i Topa Jesu Khris tungtawnin hutdamna nga dinga ei laitansa i hizaw uhi.

2 THESSALONIKA 1:4

Tua ahi ziehin note in na thuoh uh bawlsietna le gimna zosie-ah thuohzawhna le upna nei na hi ziehun komate ma zong Pasien’ hlattuom pawlpite lahah ka na kisiel uhi.

2 Timothy 1:8

Tua ciengin i Topa’ thu tecipanna maizumpi loin, ama zieha thongkie ahi keima zong ei maizumpi sinlen, Pasien’ vanglietna tungah kingam kawmin lungdamna thu adinga ka genthei thuohna ah ei thuohpi zaw in.

1 Peter 2:21

Tam ding ma-a note ang kihlan ahi hi. Azieh pen Khris in note adingin na thuoh zo a, tuaci’n ama’ ketot teng na zui thei dingun ette ding lim ang nuasie hi.

Kilaakna 2:10

Na gim thuoh dingte zau vawt sin. Pilvang in, dawimangpa in nang ang ze-et nadingin note kimkhat thong sungah hing khumin ni sawm sung gentheina na thuoh ding uhi. Si tanpha-in muonhuoi in, tua hile keima in hinna lukhu kang pie ding hi.

Kilaakna 2:13

“Satan’ kumpi topha opna muna a teng na hi lam kang thei hi. Hinanle ka min na pomdet a, Satan opna mun note lahah a kithat ka teci, ka mi muonhuoi pa Antipas khan lai nangawnin kei nei upna na niel sih hi.