1 THESSALONIKA 2:14 - Zo Bible

¹⁴ Bangzieh ahei cile sanggamte aw, note na hi ule Judea gam sunga om, Khris Jesu sunga Pasien’ hlattuom pawlpite’ ette na suoh uhi, azieh pen amate in Jew mite’ bawlsietna a thuoh ma bangun note in zong na mipite’ bawlsietna na thuoh uhi.

LAISIENGTHOU CL Bible (BSI)

¹⁴ Unaute aw, Khrist Jesu a um Judia gam a Pasian hattuomte umdan zuimite na hi ua, amauten Judate lah a athuoh bangun, nouten zong na gammite uh lah ah na thuoh uhi.

Zokam International Version

¹⁴ Ahang in, no ka sanggamte aw, Christ Jesu sunga om, Judea gam sunga Pasian pawlpite etteh-a gamtate na suak uh hi. Tua pawlpite in Jew-te khut a thuak uh bangin note in zong nomau gam mite khut na thuak uh hi.

1 THESSALONIKA 2:14 ပူးပေါင်းရင်းမြစ်များ

1 THESSALONIKA 3:4

A tahtahin, note tawh i opton lai-in bawlsietna ka thuoh ding uh kang magensa uh ahi ta bo hi; na thei ma bangun tua bangin ang pieng mintah hi.

2 THESSALONIKA 1:4

Tua ahi ziehin note in na thuoh uh bawlsietna le gimna zosie-ah thuohzawhna le upna nei na hi ziehun komate ma zong Pasien’ hlattuom pawlpite lahah ka na kisiel uhi.

Galatia-te 1:22

Khris sunga a om Judea gam hlattuom pawlpite in ka melin kei ei thei nai sih uhi;

1 THESSALONIKA 1:6

Note in bawlsietna na thuoh vangun Hlagau Siengtho ziehin kipahna tawh Pasien’ thu na sang vua, kote le Topa’ ette mite na suoh uhi.

2 THESSALONIKA 1:1

Paul, Silvanus le Timothy-te in, i Pa Pasien le Topa Jesu Khris sunga a om Thessalonica khuo hlattuom pawlpite tungah lai kang hlah uhi.

1 THESSALONIKA 1:1

Paul, Silvanus, le Timothy-te in, Pa Pasien le Topa Jesu Khris sunga a om Thessalonica khuo hlattuom pawlpite tungah: Note tungah hepina le lungmuonna thupha ang om taheh.

1 Corinth-te 7:17

Bangbang hile mikim in Pasien’ hlatna tawh kituohin Topa’ sena bangin a hinkhuo uh zang ciet uheh. Tam thu pen keima in hlattuom pawlpi zosiete tunga ka pieh zui ding ngaina ahi hi.

Nasepte 17:13

Hinanle Beroea khuo-ah zong Paul in Pasien’ thu tangko zo hi, ci Thessalonica khuo-a Jew mite in a thei ciengun amate zong tuanah pei-in mipite holtuo-in a satsuo uhi.

Nasepte 11:19

Stephen tungah bawlsietna a tun ziehin a kithethangte in Phoenicia gam, Cyprus tuikul, le Antioch dongin a banzin vua, amate in Jew mite kung simlo koima kungah thu a hil sih uhi.

Nasepte 9:31

Tua hun sung tengin Judea gam, Galilee gam le Samaria gam zosie-a om hlattuom pawlpite in lungmuonna le kilamna a nga uhi. Topa zatahna sung le Hlagau Siengtho henepna sungah a nuntah ziehun amate a pung semsem uhi.

Nasepte 9:13

Ahi vangin Ananias in, “Topa aw, tam pa in Jerusalem-a na misiengthote tungah bangza tahin sietna bawl ahei ci thu mi tampite tung panin ka za zo hi.

Nasepte 9:1

Saul in tua hun sung tengin Topa’ nuazuite tha dingin galgihin husang na lai a, siempu lien pa kungah pei-in,

Nasepte 8:1

Tua ni-in Jerusalem ah hlattuom pawlpi bawlsietna lienpi kipan a, sawltahpite simlo mi zosie, Judea gam le Samaria gam mun zosie-ah a kithethang uhi.

Nasepte 8:3

Hinanle inn khat zaw inn khatah Saul lutin hlattuom pawlpi susie a, numei le pasalte kaiphitin thong sungah a khum hi.

Nasepte 13:50

Ahi vangin Jew mite in Pasien’ thu a hakat, a zatahhuoi numeite le khuopi sunga om makaite a hantawh vua, tuaci’n Paul le Barnabas bawlsiesahin a gam panun a notmang uhi.

Nasepte 14:2

Ahi vangin thu um lo Jew mite in Gentile-te holtuo-in a sanggamte ledo dingin lungsim hoi lo a guon uhi.

Nasepte 14:4

Ahi vangin khuo sunga teng mite a kiphalsuo vua, pawlkhat in Jew mite panpi-in adang pawlkhat in sawltahpite a panpi uhi.

Nasepte 14:5

Gentile-te le Jew mite in a uliente utawh sawltahpite bawlsie-in suong tawh se ding a hanciem vua,

Nasepte 14:19

Ahi vangin Antioch le Iconium khuo panin tua munah Jew mite pei-in mihonpi a thuzaw gawp uhi. Tua ciengin amate in suong tawh Paul a sep gawp vua, a si hi ta va ci-in khuo pulamah a kaiphit uhi.

Nasepte 18:12

Ahi vangin Gallio pen Achaia gam uhpa ahi ciengin Jew mite in kilungtuohin Paul a busim vua, thukhen zumah a tut uhi.

1 Corinth-te 10:32

Jew mite ahi a, Greek-te ahi a, Pasien’ hlattuom pawlpi ahi zongin lungkhamsah sih unlen,