1 Samuel 9:9 - Zo Bible

⁹ (Nidang lai-in Israel sungah mi khat in Pasien kungah thu dong dingin a pei ciengin, “Hing pei in, thumu pa kungah va pei ta vai,” ci hi; azieh pen tulai taha kamsang i cite pen nidang lai-in thumu pa kici hi.)

LAISIENGTHOU CL Bible (BSI)

⁹ (Nidang laiin Israelte lah ah, min Pasian adoh nop chiengun, tambangin achi uhi, “Hingpei vawi, Mutheipa kung ah vahaw tavai” achi ua, aziehpen tulai a guolnei kichi khu masang laiin Muthei ana chi uhi).

Zokam International Version

⁹ (Tuhun-a kamsangte, thumute kici ahi manin tua nungsiah Israel sungah Pasian tungah na khatpeuh a dot nop leh, "Hong pai in, thumupa kiangah pai ni," a ci uh hi.)

1 Samuel 9:9 ပူးပေါင်းရင်းမြစ်များ

Piancilna 25:22

A sunga nausen gel kibuonbuon uhi. Tuale ama in, “Tam bang ahi mawh leh bang dinga nungta bep ka diei?” a ci hi. Tuaci’n Topa dong dingin ama a pei hi.

2 Samuel 24:11

Zingmawngin David a thaw ciengin David’ thumu pa kamsang Gad tungah Topa’ thu tung a,

2 Kumpite 17:13

Hizongle Topa in kamsang zosie le thumu zosie tungtawnin Israel le Judah hilkhol a, “Na pu na pate uh ka thupiehsa thukhamte le ka nasem kamsangte tung tawna na kung vua thu kang puoh tawh kituohin na tatsietnate uh panin kihei-in ka thupiehnate le ka thukhamte zui un,” a ci hi.

1 Khangthute 21:9

Topa in David’ thumu pa Gad kungah thu gen a,

1 Khangthute 26:28

Shelomoth le a sanggamte in thumu pa Samuel, Kish’ tapa Saul, Ner’ tapa Abner, le Zeruiah’ tapa Joab in a apsa zosie le a ki-ap letsong zosie a kem uhi.

1 Khangthute 29:29

Tu-in Kumpi David’ nasep teng a bul panin a tawp tanin thumu pa Samuel Khang Sutna sung, kamsang Nathan’ Khang Sutna sung, le thumu pa Gad’ Khang Sutna sungah,

1 Khangthute 9:22

Kotcing dinga kiteel tam mite zosie a unpi-un zani le sawm le ni pha uhi. Amate ahile a khuota vua khangsimna-ah kisim uhi. David le thumu pa Samuel in tam panmun muonhuoite-ah amate na sudet uhi.

2 Khangthute 16:10

Tua ciengin thumu pa tungah Asa lungthah a, ama kolbulin thong sungah a khum hi, azieh pen tam thu ziehin ama tungah a lungthah mama hi. Tuale khum hun sung ma-in Asa in mi kimkhat tungah gimna hamsapite a pie hi.

2 Khangthute 16:7

Khum hun lai-in Judah Kumpi Asa kungah thumu pa Hanani pei-in ama kungah, “Nangma in Aram kumpipa suongin Topa na Pasien suong lo na hi ziehin Aram kumpipa’ galkapte in nang ang suohtasah hi.

Isaiah 29:10

Bangzieh ahei cile Topa in note tungah kimut duna hlagau a buosuh a, ama in no kamsangte’ mit ang sinpieh a, ama in no thumute’ lutang ang khumangpieh ta hi.

Isaiah 30:10

amate in thumute kungah, “Mu sih un,” a ci uhi; kamsangte kungah, “Thuphuon a man ei gen sih un; thunuom lam le kisolna mangmuna po ei genzaw un,

Amos 7:12

Tuale Amaziah in Amos kungah, “Thumu pa aw, pei-in Judah gamah taimang inlen, khum sungah na neh ding va kisui ta’nlen, khum sungah thu va hil ta’n;

1 Corinth-te 12:17

Pumpi zosie mittang hi sieng leh khuozah theina ding hei sungah a om ta ding ahei? Pumpi zosie khuozah theina hi sieng ta leuleu leh zong a gimnam zah theina ding hei sungah a om ta ding ahei?

Thukhente 1:1

Joshua a si zaw ciengin Topa kungah Israel-te in thu a dong vua, “Canaan-te sim dingin koi kuonto masa ding ka hi uh ahei?” a ci uhi.

Thukhente 18:5

Tua ciengin ama kungah, “Kang vaikuonna uh ka lawcing ding vuoi mah ci ka thei nadingun Pasien kungah ei dawhpieh in,” a ci uhi.

1 Samuel 9:10

Saul in naupangpa kungah, “Hoi hi; hing pei inlen va pei ta vai,” a ci hi. Tuaci’n Pasien’ mipa opna khuopi-ah a pei uhi.