1 Samuel 30:14 - Zo Bible

¹⁴ Kote in zong Chereth-te’ Negeb gam, Judah-te’ gam le Caleb-te’ gam ka sim uhi; tuale Ziklag mei tawh ka hal uhi,” a ci hi.

LAISIENGTHOU CL Bible (BSI)

¹⁴ Kereth simlam gam leh Juda gam simlam leh Kaleb simlam gam zong ka sim ua, tualeh Ziglag khuo zong mei in kahal tumta, uhi,” achi hi.

Zokam International Version

¹⁴ Kereth-te a Negev le Judah-te gam teng le Caleb a Negev ka sim uh hi. Tuateh Ziklag ka hal uh hi," a ci hi.

1 Samuel 30:14 ပူးပေါင်းရင်းမြစ်များ

2 Samuel 8:18

Jehoiada’ tapa Benaiah in Chereth-te le Peleth-te tungah uh a, David’ tapate siempu ahi uhi.

1 Kumpite 1:38

Tuaci’n siempu Zadok, kamsang Nathan, Jehoiada’ tapa Benaiah, Chereth-te le Peleth-te peisuhin David’ laa-sakol tungah Solomon tuongsahin Gihon-ah a zawpi uhi.

1 Kumpite 1:44

kumpipa in ama tawh siempu Zadok, kamsang Nathan, Jehoiada’ tapa Benaiah, Chereth-te, le Peleth-te sawlin a kumpipa’ laa-sakol tungah ama a tuongsah zo ta uhi;

1 Khangthute 18:17

Jehoiada’ tapa Benaiah pen Chereth-te le Peleth-te tunga a uh ahi uhi; tuale David’ tapate pen kumpipa’ nasepna ah ulien pente ahi uhi.

Ezekiel 25:16

tua ahi ziehin Topa Pasien in tam bangin ci hi: Keima in Philistia-te langkhatah ka khut ka zah ding a, Kereth-te sumaimangin tuipi panga a omlaite ka susie ding hi.

Zephaniah 2:5

Tuipi gei-a a teng no Chereth-te in gimna na thuoh ding uhi! Philistia-te gam Canaan aw, Topa’ kammal in na langkhatah thu a gen hi; a teng ding koima khat zong a kinuasie lo dongin, nangma kang susie ding hi.

Joshua 14:13

Tua ciengin Joshua in ama thupha pie a, Jephunneh’ tapa Caleb tungah gouluo dingin Hebron a pie hi.

Joshua 15:13

Topa in Joshua a thupiehna tawh kizui-in ama in Judah mite lahah Jephunneh’ tapa Caleb tungah tanh khat ahi Kiriath-arba, Hebron a cina, (Arba pen Anak’ pa hi) a pie hi.

Joshua 21:12

Ahi vangin tua khuopi’ lote le a khuoneute pen Jephunneh’ tapa Caleb tungah a nei dingin kipie zo hi.

1 Samuel 25:3

Tua mipa’ min Nabal ahi a, a zinu’ min Abigail ahi hi. Tua numei in tei le melhoi thuo a, ahi vangin a pasal pen omdan thei lo le a gamtatsie khat ahi hi; ama pen Caleb-te khat ahi hi.

1 Samuel 30:1

Tu-in a ni thum ni-in Ziglak ah David le a mite a tun ciengun, Amalek-te in Negeb le Ziklag sim zo uhi. Amate in Ziklag simin mei tawh a haltum vua,

1 Samuel 30:13

Tua ciengin David in ama kungah, “Nang koite na hiei? Nang hei pan na hiei?” a ci hi. Ama in, “Amalek-te khat’ nasem ka hi a, Egypt tangval khat ka hi hi. Tu masang ni thum lai-in ka cina ahi ziehin ka pupa in ei nuasie hi.

1 Samuel 30:15

David in ama kungah, “Tam galsim pawl kungah nei zawpisuh diei mah?” a ci hi. Ama in, “Kei nei tha lo nading ahi a, ka pupa’ khut sunga nei ap lo nading ahi zongin Pasien’ minin kei tungah hing kiciem in. Tua hile amate kungah kang zawpisuh ding hi,” a ci hi.

1 Samuel 30:16

Ama in a zawpisuh ciengin Philistia-te gam le Judah gam pana a galvan lahte uh a tam seng ziehin mun zosie-ah kithethangin an ne tui dawnin lamin a na om uhi.