1 Samuel 22:10 - Zo Bible

¹⁰ Topa kungah ama adingin thu a dawhpieh a, neh le tah pie-in Philistia-pa’ namsau zong ama a pie hi,” a ci hi.

LAISIENGTHOU CL Bible (BSI)

¹⁰ Tualeh aman Mangpa kungah adoh pieh a, neh ding apie a, tualeh Philistin mi Goliath namsau zong ape nalai hi,” achi hi.

Zokam International Version

¹⁰ Ahimelech in ama adingin TOPA thu dotsak a, lam-an le Philistia-pa Goliath’ namsau a pia hi," a ci hi.

1 Samuel 22:10 ပူးပေါင်းရင်းမြစ်များ

Misimna 27:21

Ahi vangin Topa mai-ah Urim tawh ama dinga thu a dawhpieh ding siempu Eleazar mai-ah ama a ding ding hi; ama’ thu tawh ama le a oppi Israel-te zosie, le mihon vannuoi pusuoh ding a, ama’ thu ma tawh a sungtum ding uhi,” a ci hi.

1 Samuel 10:22

Tuaci’n amate in, “Tua mipa tam sungah ang pei amah?” ci-in Topa a dongkia uhi. Tuale Topa in, “En un, ama vanlom lahah kiphuol hi,” a ci hi.

1 Samuel 21:10

Tua ni-in David dingin Saul kung panin tai a, Gath kumpipa Achish kungah a pei hi.

1 Samuel 22:11

Kumpipa in Ahitub’ tapa Ahimelech le a pa’ innkuonte ahi Nob khuo-a siempu zosie hlansah hi; tuale amate a unpi-un kumpipa kungah a pei uhi.

1 Samuel 22:13

Saul in ama kungah, “Bang dingin nang le Jessi’ tapa kidap kupin kei ei do na hi uh ahei? Ama in tuni-a a bawl bangin kei ei ledo-in ei na buh thei nadingin an le tui le namsau pie-in bang dingin Topa kungah ama ading thu dawhpieh na hei?” a ci hi.

1 Samuel 22:15

Ama dingin Pasien kungah thu ka dawhpieh tuni a masa pen ahi amah? Hi vawt lo hi! Kumpipa in a nasemte tungah hile ka pa’ innkuonte khatpo tungah hile mawsah sin; azieh pen na nasempa in tam thute khat popo-ah a tam hile a tawm hile bangma a thei sih hi,” a ci hi.

1 Samuel 23:12

Tua ciengin David in, “Keilah mite in Saul’ khut sungah kei le ka mite ei ap ding uh amah?” a ci hi. Topa in, “Ang ap ding uhi,” a ci hi.

1 Samuel 23:2

David in Topa dong a, “Pei-in Philistia-te ka bulu diei mah?” a ci hi. Topa in David kungah, “Pei in Philistia-te bulu inlen, Keilah hunkhie in,” a ci hi.

1 Samuel 23:4

Tua ciengin David in Topa dong phakia hi. Topa in ama dawng a, “Ingheh, Keilah ah peisuh in; bang ding ahei cile na khut sungah Philistia-te kang pie ding hi,” a ci hi.

1 Samuel 30:8

David in zong Topa thu dong a, “Tam mihonte ka del diei mah? Amate ka pha zo na diei mah?” a ci hi. Ama in dawng a, “Del in; bangzieh ahei cile amate na nuaphah valon ding a, na hunkhie zo tahtah ding hi,” a ci hi.