1 Samuel 18:17 - Zo Bible

¹⁷ Tua ciengin Saul in David kungah, “Tanah ka tanu a tapen Merab a om hi; na zi dingin ama kang pie ding hi; kei adingin hangsan lel inlen Topa’ gal do in,” a ci hi. Azieh pen Saul in, “Ama tungah ka khut ka hlang sih ding hi; Philistia-te in kisep ta uheh,” ci-in ngaisun hi.

LAISIENGTHOU CL Bible (BSI)

¹⁷ Tuachi’n Saul in David kungah, “Ka tanu upazaw Merab tanah aum hi, amanu na zi dingin ka hing peding hi; kei dingin hangsan tahin um phot mai inlen, Mangpa kidouna dou in,” achi hi. Aziehkhu Saul in “Atungah keiman khut halouin Philistin miten atung ah khut hazaw uheh,” achina ahi.

Zokam International Version

¹⁷ Saul in David kiangah, "Ka tanu upazaw Merab hiah a om hi. Nang tawh kong kitengsak ding hi; TOPA galte hangtakin do inla ka na sem lel in," a ci hi. Saul in, "Ama tungah ka khut ka liik kei ding hi Philistia-te in sem lel uh hi," ci-in a ngaihsutna ahi hi.

1 Samuel 18:17 ပူးပေါင်းရင်းမြစ်များ

2 Samuel 11:15

A laihlah sungah, “Galhanna pen munah Uriah a madawhin pangsah inlen, ama kivatpua-in a si thei nadingin ama kung panin nangma nuakin in,” ci-in a giel hi.

2 Samuel 12:9

Ama muna-ah a sie gamta dingin bang dingin Topa thugen simmaw na hei? Namsau tawh Hit mi Uriah satlia-in na zi dingin ama’ zi na la a, Ammon-te’ namsau-in ama na that zo hi.

2 Samuel 6:16

David khuopi sungah Topa’ singkuong a tun lai tahin tawlet panin Saul’ tanu Michal khuodah a, tuale ama in Topa mai-ah David Kumpipa lamin a dieng vazawh a mu hi; tuale ama nu in a lungsim sungah a simmaw dap mama hi.

Phatna-late 12:2

Amate khatlekhat a kisol uhi; amate in phatsolna kamzol le lungsim nam ni tawh thu a gen uhi.

Phatna-late 55:21

Thawbat sangin kamham nalzaw a, ahi vangin a lungtang ah gal bawlna a om hi; a kamham pen sathau sangin zolzaw a, hinanle tuate pen namsau dawhsa bang ahi bo hi.

Paunakte 26:24

Galte in lungsim tah gen loin amau’ sungah mi sol nopna beh a om hi;

Paunakte 26:25

a lungsim sungah a huothuoi thu sagi tah kiphuol ahi ziehin, galpa khat in kam nem tawh ang hopi ciengin um malmal sin;

Paunakte 26:26

a ngianku tawh mudana phuol nanle mi hon lahah galpa’ gitlona kipholah veve ding hi.

Misimna 21:14

Tua ahi ziehin Topa’ Gal Dona Laibu sungah, “Suphah gama Wahep khuo le a luite. Arnon gun

Misimna 32:20

Tuaci’n Moses in a kung vuah, “Tam bangin note gamta-in, gal do dingin galhiem tawi-in Topa mai-ah na pei vua,

Misimna 32:27

hinanle ka pu ei thupieh bangin na nasemte in galhiem tawi-in Topa ading gal sim dingin ka galkai ding uhi,” a ci uhi.

Misimna 32:29

Moses in a amate kungah, “Gad-te le Reuben-te, galvante silin gal sim dingin Topa mai-ah a kithawisa poma in note Jordan gun hing galkaipi-in na mai vuah gal ang zawpi ding vua, tua ciengin note in zong amau’ nei dingin Gilead gam na pie ding uhi;

Thupiakkikna 17:7

Tecite in a kithat ding pa tungah a khut uh a hlang masa ding vua, tua zaw ciengin mipi zosie in a khut uh a hlang ding uhi. Tuaci’n note lah panin sietna na hemkhie ding uhi.

1 Samuel 14:49

Tu-in Saul’ tapate Jonathan, Ishvi, le Malchishua ahi uhi; tuale a tanu nite: a uzaw’ min Merab ahi a, a naunu’ min Michal ahi hi.

1 Samuel 17:25

Israel-te in, “Tami ang peito pa na mu vuoi? Israel-te a tawh dinga ang peito tahtah ahi hi. Kumpipa in ama a that zo mipa tungah sum tampi tawh patawi-in a tanu tawh kinungsah ding a, Israel sungah ama’ innkuonte suotahna a pie ding hi,” a ci uhi.

1 Samuel 17:36

Na nasempa in humpi le vompi a nipi-in a that ngai zo ta hi; ama in hingzing Pasien’ galkapte a tawh viel ziehin a tep kitan lo tami Philistia-pa zong tuate khat tawh kibang lel ding hi,” a ci hi.

1 Samuel 17:47

Topa in namsau le teipi tawh a hutkhiet lo lam tam muna kikhawm mi zosie in a theithei nading uh ahi hi; bang zieh ahei cile galdona pen Topa a’ hi a, ama in ka khut sung vuah note ei pie ding hi,” a ci hi.

1 Samuel 18:21

Saul in, “Ama adingin thaang ahi thei nading le ama tungah Philistia-te’ khut a tuh thei nadingin ama tungah tua nu piesah vang,” ci-in ngaisun hi. Tua ziehin Saul in David kungah a ni veina genin, “Tu-in nang ka mahpa ding na hi ta hi,” a ci hi.

1 Samuel 18:25

Tua ciengin Saul in, “David kungah tam bangin na gen ding uhi, ‘Kumpipa in a galte tungah phu a lah thei nadingin Philistia-te’ vuntep zakhat ci simlo bangma moman a dei sih hi,’ na ci ding uhi,” a ci hi. Tu-in Saul in Philistia-te’ khut lumin David a sisah sawm hi.

1 Samuel 18:27

David tho-in a mite tawh kuon a, Philistia-te mi zakhat a that uhi. Kumpipa’ mahpa suo thei nadingin kumpipa tungah a kima kipie ding amau’ vuntepte David in a va puoh ta hi. Tuale Saul in a zi dingin a tanu Michal ama a pie hi.

1 Samuel 25:28

Na nasempa’ gamtat khielna ei maisah in, kang thum hi; azieh pen ka pu in Topa’ galte na do ziehin Topa’ in ka pu innkuon hing kipsah tahtah ding a, na hin laisie-in nang sungah sietna a kimu sih ding hi.

1 Samuel 30:26

Ziklag ah David a tun ciengin ama in a na lahte pawlkhat Judah upa a guolte kungah hlah a, “Topa’ galvan kilate sung pan noma dinga letsong kang puoh ahi hi,” a ci hi;