1 Samuel 15:23 - Zo Bible

²³ Bangzieh ahei cile ledona pen aisan mawna sangin neuzaw tuon lo a, lungkhauhna zong khielna le milim biehna ma tawh kibang ahi hi. Nang in Topa’ thu niel zo na hi ziehin, ama’n zong kumpi hina panin ang nuol ta hi,” a ci hi.

LAISIENGTHOU CL Bible (BSI)

²³ Aziehpen helna khu ai san siemte gitlounatoh kibang ahia, Thuman louna khu, sil bawl khiel na leh milim biehna khelna toh kibang ahi. Mangpa thu na deilou ziehin, Ama’n zong leengpa dingin ahing dei nawn sih hi,” a chi hi.

Zokam International Version

²³ Ai sanna hanga mawhna le lehdona a kibang hi a, milim bia a gamtatsiatna le kiphatsakna a kibang ahi hi. TOPA thu nial khin na hi manin amah in kumpi dingin nang hong nolh khin hi." ci-in a dawng kik hi.

1 Samuel 15:23 ပူးပေါင်းရင်းမြစ်များ

Piancilna 31:19

Tuumul heu dingin Laban a kuon laitahin Rachel in a pa’ innsung pasien-te na gu hi.

Piancilna 31:34

Tua laitahin Rachel in innsung pasien-te la-in kalaoh phaw kawmah koi-in a tungah a to hi. Laban in puonbuh sung teng zosie long a, ahi vangin tuate a mu sih hi.

2 Samuel 12:9

Ama muna-ah a sie gamta dingin bang dingin Topa thugen simmaw na hei? Namsau tawh Hit mi Uriah satlia-in na zi dingin ama’ zi na la a, Ammon-te’ namsau-in ama na that zo hi.

2 Samuel 7:15

Hinanle keima in na mai pana ka delmang Saul tung panin ka itna kip ka lahdawh bangin ama kung panin ka ladawh sih ding hi.

1 Khangthute 10:13

Tuaci’n a thuman lona ziehin Saul a si hi. A thupieh a zui lona ziehin Topa tungah ama a thuman lo a hi hi. Tua tham loin ama in dawilawm nei khat thu dong a,

1 Khangthute 28:9

“Nang, ka tapa Solomon aw, na pa’ Pasien thei inlen, lungsim khat le lawpna lungtang tawh ama’ na sem in; azieh pen Topa in lungsim zosie sui a, gelna le ngaisutna zosie thei hi. Nang in ama na sui leh ama in nang ang mu ding a, ama na elngat leh ama in zong a tawntungin nang ang nuasie ding hi.

Job 34:37

Azieh pen a mawna banah ledo lai a, ama in eite lahah a khut bengin, Pasien langpanna kammal tampitah a genbe lai hi,” a ci hi.

Phatna-late 107:11

azieh pen amate in Pasien’ thugente a ledo vua, Sangpen Pa’ lamlahnate a niel uhi.

Paikhiatna 22:18

Dawi-aitawi numeite na hinkhawi sih ding uhi.

Isaiah 19:3

amate sungah Egypt-te’ lungsim hawmsuoh ding a, keima in amau’ gelna ka suhsietpieh ding hi; amate in milimte le misi hlate, dawi siemte le mibum theite thu a kuppi ding uhi;

Isaiah 8:19

Tu-in mite in nangma kungah, “Phui samsama dawi thu gengen dawi aisan siemte le mi bumsiemte kungah thu dong un; mite in a pasien-te uh kungah thu a dawh ding uh kilawm lo a, thuhilna le theisahna dingin a hingte tangin

Jeremiah 16:12

note, na pu na pate uh sangin a siezaw-in na gamta vua, na unpi-un na gitlo lungtang uh zui tentunin ka thu na man nuom lo zieh uh ahi hi.

Jeremiah 28:16

Tua ahi ziehin Topa in tam bangin ci hi: Keima in lei maitang panin kang hemmang ding hi. Nang in Topa langpanna thu na gen zo tah ziehin kum ni sungin na si ding hi,” a ci hi.

Jeremiah 29:32

Topa in tam bangin ci hi: Keima in Nehelam khuomi Shemaiah le a suonlehlahte dan ka pie ding hi; ama in Topa langpanna thu gen zo ahi ziehin tam mite lahah a hinglai mi khat beh in ka mite tunga ka sil hoi bawl dingte a mu sih ding uhi, Topa in ci hi.

Hosea 13:11

Ka lungthah ziehin keima in kumpi khat kang pie a, ka thangpai ziehin keima in ama ka la dawhkia ta hi.

Hosea 3:4

Azieh pen hun sawtveipi sung kumpi le ulien, biehpiehna, biehna song, siempu puon le teraphim nei loin Israel-te a om ding uhi.

Siampi Laibu 20:27

Numei ahi a, pasal ahi zongin dawilawm nei mi ahi sihle bumtawi mi poma kithat ding hi; suong tawh amate kiseplia ding a, amau’ sisan pen amate tung ma-ah tu hi.

Siampi Laibu 20:6

Dawilawm neite le bumtawite lamah mi khatpo kihei-in tuate thu a dawh leh, keima in tua pa ka maisiet ding a, mite lah panin ama ka hemkhie ding hi.

Misimna 14:9

Topa langpan sih popo unlen; tua gama mite giing sih un, azieh pen eite dingin amate pen i neh ding uh an ahi bo uhi; a kung panun a kidalna uh kiladawh ahi ta a, Topa in eite ei ompi hi; amate giing sih un,” a ci uhi.

Nasepte 13:22

Saul a hepkhiet zaw ciengin ama in a kumpi dingun David ahisah hi. Ama’ thu a teci panna sungah ama in, ‘Ka deina zosie a sem dingin ka lungsim a su Jesse’ tapa David ka mu zo hi,’ a ci hi.

2 Corinth-te 6:16

Pasien’ biehinnpi in milimte tawh bang kithukimna nei ahei? Bangzieh ahei cile eite pen a hing zing Pasien’ biehinnpi i hi uhi. Pasien in, “Amate sungah tengin a lah vuah ka vah ding a, amau’ Pasien hi-in, amate keima’ mi ahi ding uhi.

Galatia-te 5:20

milim biehna, mibumna, mudana, kimat lona, thangsietna, lungthahna, kihauna, kilungtawh lona, kipawl khenna;

Thupiakkikna 9:24

Ama in note ang thei zaw a kipan Topa langpangin na ledo ngitnget uhi.

Thupiakkikna 9:7

Senel gamah Topa na Pasien uh phinin na lungthahsah dante uh phawh unlen mangngil sih un; Egypt gam panin na pei ni vua kipan tam mun na tun dongun Topa na ledo mielmuol uhi.

Joshua 22:15

Gilead gam sunga om Reuben-te, Gad-te, le Manasseh minam alangte kungah amate pei-in a kung vuah,

Kilaakna 21:8

Ahi vangin a meipuote, upna nei lote, a lampielte, tuolthatte, numei-pasal pahtatte, aisante, milim biete, le zuou thugen zosiete om nading mun pen sina ahi kaat tawh kihalna mun meilipi sung hi ding a, tua pen sina nina ahi hi,” ei ci hi.

Kilaakna 22:15

A pulamah uite, bum tawite, numei-pasal pahtatna bawlte, tuolthatte, milim biete, le zuouphuo nuomsa-in zuouthu gente zosie a om uhi.

1 Samuel 13:14

ahi vangin tu-in na kumpi gam kizomsuoh lo ding a, Topa in ama’ lunglamsu mi khat a sui zo hi. Topa ang thupieh na zui lo ziehin ama’ mite tungah a uh dingin Topa in ama a se zo ta hi,” a ci hi.

1 Samuel 16:1

Topa in Samuel kungah, “Saul ziehin bang tanvei da ding na hei? Israel tungah kumpi dingin ama ka nuol zo ta hi. Na sathau bung sungah sathau a dimin thal inlen dingdawh in; keima in Bethlehem-a Jessi kungah kang sawl ding hi, azieh pen a tate lah panin keima dingin kumpi khat ka koi zo ta hi,” a ci hi.

1 Samuel 2:30

Tua ziehin Israel-te’ Pasien Topa in a tangko hi: ‘Na innkuonpi le na pu na pate’ innkuonpite ka mai-ah a sungtum a pusuoh thei zing ding uhi,’ a ci hi; ahi vangin tu-in Topa in a tangko hi: ‘Tua bang hi thei nawn lo ding hi; bang ding ahei cile kei ei patawite ka patawi ding a, kei ei simmawte ka simmaw ding hi.

1 Samuel 28:3

Tu-in Samuel si zo a, ama ziehin Israel zosie a kap vua, ama’ khuopi Ramah ah ama a vui uhi. Saul in a gam sung panin dawilawm neite le bumtawite a notmang hi.