1 Samuel 12:17 - Zo Bible

¹⁷ Tuhun pen mangbu at laitah hi lo amah? Van ang tosah nading le guo ang zuhsah nadingin Topa kungah thu ka ngen ding hi; tuale noma adinga kumpi khat na ngetna ziehun Topa muna-ah na gitlo gamtatnate uh a lien mama ahi lam mu-in na thei ding uhi.

LAISIENGTHOU CL Bible (BSI)

¹⁷ Tuni khu bu lahni hilou ahiei mah? Mangpa ka han dinga Aman van ging leh guo ahing sawl dinga, tuachi’n leengpa na ngetna thu uah, Mangpa mitmu a sil na bawl khelna uh thupidan, nathei ding ua, tualeh namu ding uhi,” achi hi.

Zokam International Version

¹⁷ Tu-in mangbuh lak hun hi lo ahi hiam? Vanging le guah hong puak nadingin TOPA tungah ka ngen ding hi. Tuateh kumpi na nget uh ciangin TOPA muhna ah na gamtatsiatna uh na mutel ding uh hi," a ci hi.

1 Samuel 12:17 ပူးပေါင်းရင်းမြစ်များ

Phatna-late 99:6

Ama’ siempute lahah Moses le Samuel kihal a, a min-a a kilote lahah Samuel zong kihal hi. Topa kungah amate a kiko vua, ama in a dawng hi.

Paikhiatna 32:30

A zing ni-in Moses in mite kung ah, “Mawna lienpi khat na bawl zo uhi. Hinanle Topa kungah tu-in ka peito ding a, na mawna ziehun thoidamna ka bawl kha thei ding hi,” a ci hi.

Paunakte 26:1

Khal lai-a vuakie le anlah huna guozuh bangin mimawte adingin patawina kilawm lo hi.

Jeremiah 15:1

Tua ciengin Topa in keima kungah tam bangin a gen hi: Ka mai-ah Moses le Samuel hing ding nan uleh tam mite lamah ka lungtang a kihei tuom sih ding hi. Ka muna panin amate del dawh unlen peimangsah ta un!

Joshua 10:12

Topa in Israel-te khut sungah Amor-te a pieh ni-in Joshua in Topa hopi hi; tuale ama in Israel-te muna-ah, “Ni aw, nang Gibeon-ah, Hla aw, nang Aijalon kuomah khawlden in,” a ci hi.

1 Samuel 12:13

En un, noma’ teelsa, noma’ ngetsa kumpipa tanah a om hi; en un, Topa in na tung vuah kumpi khat koi zo hi.

1 Samuel 12:19

Mi zosie in Samuel kungah, “Na nasemte ka si lo nadingun Topa na Pasien tungah thu ei ngetpieh in; azieh pen ka mawnate uh banah koma adingin kumpi khat ka nget ziehun sietna ka belap lailai uhi,” a ci uhi.

1 Samuel 2:10

Topa! Ama a langpangte kivatmai ding hi; vantungah Sangpen Pa in vantosah ding hi. Leimongte dongin Topa in thu a khen ding hi; ama in a kumpipa tungah thahatna pie ding a, a sathau nupa’ vanglietna a tawisang ding hi,” a ci hi.

1 Samuel 7:5

Tua ciengin Samuel in, “Mizpah-ah Israel zosie a unpi-in khawm unlen, note dingin Topa tungah thu ka ngen ding hi,” a ci hi.

1 Samuel 8:6

Ahi vangin amate in, “Kote ei uh ding kumpi khat ei pie in,” a ci ciengun tam thu in Samuel lungkimsah lo hi. Samuel in Topa kungah thu ngen a,

1 Samuel 8:7

Topa in Samuel kungah, “Mite in na kunga ang gen uh thu zosie mang in; azieh pen nang ang nuol ahi sih a, amate tunga kumpi sem dingin kei ei nuol uh ahi zaw hi.