1 Samuel 10:19 - Zo Bible

¹⁹ Hinanle na gentheina ule na cimawnate pan vua note ang hunkhie na Pasien uh tuni-in nuolin, ‘Hi sih! ko tungah kumpi khat koi in,’ na ci uhi. Tua ahi ziehin tu-in na minam zui ule na be uh zui-in Topa mai-ah kilah un,” a ci hi.

LAISIENGTHOU CL Bible (BSI)

¹⁹ Hinanleh tunia na gentheina zousie u’leh na chimawna zousie ua hing hundohpa na Pasian uh na dei nawn sih ua, akungah leengkhat hing bawl piehin nachi zawta uhi. Tuaziehin tuin anam anam leh aphung aphung in Mangpa masang ah hing kilang un,” achi hi.

Zokam International Version

¹⁹ Ahi hangin note in tu-in na tuahsiatna uh le na lungdonna panun hong hon na Pasian uh na nial uh hi. Tuateh, ‘Hi lo hi, ko tungah hong uk ding kumpi khat hong koih in,’ na ci lai uh hi. Tua ahi ciangin tu-in a behbeh a bawng’bawng’in TOPA maiah kilaak un," a ci hi.

1 Samuel 10:19 ပူးပေါင်းရင်းမြစ်များ

Paunakte 16:33

Puontuol tungah ai kisan nanleh Topa beh in khensatna pie hi.

Micah 5:2

Bethlehem Ephrathah aw, Judah bete lahah a neu pen na hi vangin, nang sung panin Israel a uh ding mipa khat ang pieng ding a, ama ang kipatna pen tangtawng ni masa lai ahi tabo hi.

Misimna 11:20

na nahkua hawm vua a let masangsie le na luohsuo dong ciengun hla khat sung tungtawn sa na ne ding uhi. Bangzieh ahei cile note in na lah vua om Topa nuolin ama’ mai-ah na kap vua, “Bang dinga Egypt i nuasie uh ahei?” na ci uhi,’ ci-in,” a ci hi.

Misimna 17:2

Israel-te hopi inlen amau’ pupa innkuon sunga makai zosie tung panin amau’ pupa innkuon khat ciet dingin ciengkhut khat, ciengkhut sawm le ni la inlen, a ciengkhut ciet vuah a min ciet uh giel in.

Thupiakkikna 17:14

Topa na Pasien un ang pieh ding gam luo-in na ten zaw uh, “I kimvela om minam zosiete bangin ei uh ding kumpi khat i koi ding hi,” na ci ciengun,

Joshua 24:1

Tua ciengin Joshua in Shechem-ah Israel minam zosie a kaikhawm a, a upate, a makaite, a thukhente, le a vaihawmte hlan hi; tuale Pasien mai-ah amate ciet a kipulah uhi.

Thukhente 8:23

Gideon in a kung vuah, “Note kang uh sih ding a, ka tapa in zong ang uh sih ding hi; Topa in note ang uh ding hi,” a ci hi.

1 Samuel 10:20

Tua ciengin Samuel in Israel minam zosie a nai-ah a zawpi a, aisanna tawh Benjamin minam kila hi.

1 Samuel 12:12

Hizongle note sim dingin Ammon kumpipa Nahash ang kuon na mu ciengun, Topa na Pasien uh pen na kumpi uh hi napi note in kei kungah, ‘Hi sih, kumpi khat ma in ei uh ding hi bo,’ na ci uhi.

1 Samuel 14:23

Tuaci’n Topa in khum ni-in Israel-te galzawna a ngasah hi. Beth-aven kal dongin galkidona om a, Saul tawh a omton galkapte a kigawmin tul sawm bang pha hi. Ephraim muoltung gam dongin galkidona kizel hi.

1 Samuel 14:38

Saul in, “No mipi makaite aw, na unpi-un tanah hing pei un; tuni-in tam mawna bang hing ci pien ahei ci guizui vai.

1 Samuel 3:21

Shiloh ah Topa’ kilah peisuoh hi, bangzieh ahei cile Topa’ kammal tungtawnin Shiloh ah Samuel kungah Topa amama kilah hi.

1 Samuel 4:1

Tuale Israel mi zosie tungah Samuel’ kammal a tung hi. Khum hun lai-in Israel-te do dingin Philistia-te a kikhawm vua, Israel-te zong amate do dingin kuon uhi; amate in Ebenezar ah giephuol satin Philistia-te in Aphek ah giephuol a sat uhi.

1 Samuel 8:19

Ahi vangin mite in Samuel’ thugen a mang sih uhi; amate in, “Hi lo e! Ka tung vua ei uh ding kumpi khat nei ding pen ka khensatsa uh ahi bo hi,

1 Samuel 8:5

tuale ama kungah, “Nang na vuoikawn ta a, na tapate in lah na tawndante a zui sih uhi; tua ciengin mi namdangte ma bangin kote ei uh ding kumpi khat ei guon in,” a ci uhi.