1 Kumpite 9:4 - Zo Bible

⁴ Nangma na hi leh, ka mai-ah na pa David gamtat bangin lungsim citah le thutang tawh na gamtat a, kang thupieh zosie semin ka thukhamte le ka ngaina kipte na zui nah leh,

LAISIENGTHOU CL Bible (BSI)

⁴ Tualeh nang zong Ka hing thupieh pouma dungzui a, bawl dinga, na pa David mabanga lungtang dih leh kitup taha, Ka masanga na um a, Ka thugousiete leh Ka vaihawm dante na zui leh;

Zokam International Version

⁴ Nang na hileh na pa bangin na lungsim citaka thutangin na kalsuan a, ka thupiakte khempeuh semin ka thukipte le ka thukhamte na zuih leh

1 Kumpite 9:4 ပူးပေါင်းရင်းမြစ်များ

Piancilna 17:1

Abram kum sawmkuo le kuo a phah ciengin ama kungah Topa kilah a, ama in, “Keima, Vanglien Pasien ka hi hi; ka mai-ah hoi gamtat inlen kawbaang sin.

Piancilna 20:5

Amama in keima kungah, ‘Ama ka sanggamnu hi,’ ei ci hi lo amah? Tuale amama in zong, “Ama ka sanggampa hi,” ei ci hi. Tua ahi ziehin lungsim siengtho le khut siengtho tawh tam banga gamta ka hi bo hi,” a ci hi.

2 Samuel 22:22

Bangzieh ahei cile Topa’ lampite ka zui zo ta a, keima in gitlo bawlin ka Pasien ka taisan sih hi.

1 Kumpite 11:38

Ka nasempa David bangin ka thukhamte le ka thupiehnate zui-in kang thupieh zosie mangin ka tawndante na zui a, keima’ muna-ah dihtaha na gamtat leh nangma tawh kang omton ding a, David dingin ka lampieh bangin nang dingin zong inndet khat ka lam ding a, keima in nangma tungah Israel kang pie ding hi.

1 Kumpite 11:4

Bangzieh ahei cile Solomon a vuoi ciengin a zite in pasien dangte lamah ama’ lungsim heipieh uhi; a pa David’ lungsim bangin ama’ lungsim Topa a Pasien tungah dih zo nawn lo hi.

1 Kumpite 11:6

Tuaci’n Topa muna-ah Solomon siet gamtat a, a pa David bangin Topa zui tahtah lo hi.

1 Kumpite 14:8

tuale David’ innkuonte panin kumpi gam balkehin nangma tungah kang pie hi; hinanle ka thupiehnate kemcingin a lungsim zosie tawh keima ei zui-in, ka muna-ah thuman beh tawh a gamta ka nasempa David tawh na kibang sih a,

1 Kumpite 15:5

bangzieh ahei cile Hit mi Uriah tungtang khat ci simlo Topa muna-ah David a dihin gamta a, a hin sung tungtawnin a thupieh khat popo panin ama piel lo hi.

1 Kumpite 3:14

Na pa David bangin ka lampite tawnin ka thukhamte le ka thupiehte na zui nah po leh na hinkhuo ka sawtsah ding hi,” a ci hi.

1 Kumpite 3:3

Solomon in Topa it a, a pa David’ thukhamte a zui hi; ama beh in munsangte-ah biehpiehna pie-in gimnamtui a hal hi.

1 Kumpite 3:6

Tuale Solomon in, “Nang in nasempa ka pa David tungah a lien le a kip itna na lah zo hi, bangzieh ahei cile nangma tungah muonhuoina, dihna, thumanna lungsim tawh ama a gamta hi; tuale nangma in ama adingin tami a lien itna kip na koipieh zo ta a, tuale tuni-in ama’ topha tunga a to ding tapa khat na pie zo hi.

1 Kumpite 6:12

“Na inn lam tami biehinn tawh kisai-in ka thukhamte zui-in ka ngaina kipte mang a, ka thupiehte zosie kemcingin tuate na zui leh, nang tungah keima in na pa David tunga ka kamciemna kang kipsah ding hi.

1 Kumpite 8:25

Tua ahi ziehin Israel’ Pasien Topa aw, ama kungah, ‘Keima mai-ah nang na gamtat bangin na tapate in keima mai-ah a gamtat vua, a pei nading uh lampi a etsiem nah po uleh keima mai-ah Israel kumpi topha tunga a to ding mi na kitasam ngai sih ding uhi,’ ci-in nangma in na nasempa David na kamciem tukip in.

2 Kumpite 20:3

“Topa aw, na mai-ah thuman le lungsim zosie tawh ka gamtatna, le na muna-ah a hoi ka sepzona thu tu-in ei phawh in, kang thum hi,” a ci hi. Hezekiah kaa citahin kap hi.

2 Khangthute 17:4

Israel-te’ tawndan bangin tawn a, a pa’ bieh Pasien sui-in a thupiehnate a zuizaw hi.

Phatna-late 101:2

Keima in nuol baang lo lampi ka sin ding hi. Tua khu bang hunin nga ding ka hei? Lungsim citahna tawh ka inn sungah ka kalsuon ding hi;

Phatna-late 128:1

Topa zatahin ama’ lampite a zui mi zosie thupha nga ahi uhi.

Phatna-late 15:2

Gen baang loin kalsuon a, thuman tawh gamta-in, a lungsim sung vuah thuman a gen mite;

Phatna-late 26:1

Topa aw, ka dihna ei talang in, azieh pen citah tahin ka kalsuon a, lungkaa loin Topa ka muong hi.

Phatna-late 26:11

Ahi vangin kei ka hi leh, citahna tawh ka kalsuon hi; ei tankhie inlen, hepi in.

Phatna-late 78:72

Ama in thuman lungsim tawh amate a cing a, a khutsiemna tawh amate lam a pui hi.

Paunakte 10:9

Citahna lampi a zui poma lungnuomin kalsuon ding a, gitlona lampi a zui poma kiphawhkhie veve ding hi.

Paunakte 20:7

Midihte citahna tawh a kalsuon vua, amate nua a zui tate mi nuomsa ahi uhi!

Paunakte 28:18

Citahna tawh a kalsuonte kihun ding a, lampi kawi a zui poma Guom sungah kiesuh ding hi.

Ezekiel 18:9

ka thukhamte a zui a, ka ngaina kipte limtahin tangin muonhuoi tahin a gamtat leh, tua bang mi pen midih ahi hi; ama pen a hing valon ding hi, Topa Pasien in ci hi.

Zechariah 3:7

“Vanglien Topa in tam bangin ci hi: Ka lampite tawnin ka deinate na zui leh, ka inn uhin ka huong sung teng na sai ding a, tam sunga a ding mite lahah sungtum pusuo theina thu na nei ding hi.

Luke 1:6

A ni gelin Pasien mai-ah midih ahi vua, Topa’ thupiehte le zui ding ngaina zosie genbaang loin a zui uhi.

Thupiakkikna 28:1

Topa na Pasien uh’ thu na man vua, keima in tuni-a na tung vua kang gen ama’ thupiehte zosie limtaha na zui uleh, Topa na Pasien un leitunga minam zosiete tungah ang koi ding a,