1 Kumpite 8:39 - Zo Bible

³⁹ na tenna vantung panin za inlen ngaidam in. Tua ciengin amau’ gamtatna zosie tawh kizui-in amau’ lungsim na thei bangin hing bawl in. Azieh pen nangma beh in mihing lungsim na thei hi.

LAISIENGTHOU CL Bible (BSI)

³⁹ Na umna van akipat in Na ngaikhie inlen, ngaidam inlen, pan piin, Nang michin lungtang theipa’n aumdan uh dungzui in thuhin; Nangma bou in mihing lungtang na thei hi.

Zokam International Version

³⁹ tua ciangin na tenna mun vantung panin na za in. Maisak inla na sem in; mikim lungsim na theihsa ahi nungsang ama sepsa khempeuh tawh kizui-in ngahsak in (ahang in, nang bek in mihing lungsim na thei hi)

1 Kumpite 8:39 ပူးပေါင်းရင်းမြစ်များ

1 Kumpite 8:32

vantung panin za-in sem inlen, na nasemte tungah thukhenin a mawpa thuohsahin ama’ gamtatna ama lukhuh sah inlen, a dih mipa a dihna talangin a dihna tawh kizui-in thaman pie in.

1 Kumpite 8:36

vantung panin za inlen na nasemte, na mi Israel’ mawna ngaidam in; tuale lamate zui ding lampi hoi na hil ciengin na mite tungah a luo ding vua na piehsa leitang tungah guo zusah in.

1 Kumpite 8:38

mi khatguoh in hile, na mi Israel-te zosie in hile, a lungsim natna uh thei-in tami biehinn lamah amate in a khutte uh zahin bangbang thungetna hile bangbang thumna hile ang bawl uleh;

1 Kumpite 8:40

Tuaci’n ka pu ka pate tunga na piehsa leitang tungah a hin sung zosie uh amate in nang ang zatah ding uhi.

1 Khangthute 28:9

“Nang, ka tapa Solomon aw, na pa’ Pasien thei inlen, lungsim khat le lawpna lungtang tawh ama’ na sem in; azieh pen Topa in lungsim zosie sui a, gelna le ngaisutna zosie thei hi. Nang in ama na sui leh ama in nang ang mu ding a, ama na elngat leh ama in zong a tawntungin nang ang nuasie ding hi.

2 Khangthute 6:30

na tenna van panin za-in ngaidam inlen, amau’ gamtatna tawh kizui-in nangma in a lungsim uh na thei bangin bawlpieh in, azieh pen nangma beh in mihing’ lungsim na thei hi.

Phatna-late 130:4

Hinanle ang kizatah thei nadingin mawmaisahna nang tawh a om hi.

Phatna-late 139:1

Topa aw, nang in kei nei kan a, nei thei zo ta hi.

Phatna-late 28:4

Amau’ sepna le amau’ gamtat sietna dung zui-in amate thuhkia in; a khuta a sepna utawh kituohin amate thuhkia in; a nga ding vua kilawm thaman amate ngasah in.

Phatna-late 33:14

Ama in a kumpi tona panin leitunga teng mite zosie vil hi,

Jeremiah 17:10

Keima Topa in amau’ gamtatna le amau’ sep thaman zui-a a pie dingin lungsim ka sittel a, lungtang zong ka sui hi.

Jeremiah 32:19

na thugelte hoi mama a, na sepnate thupi mama hi; nang in mihingte’ opdan zosie na musuoh a, a opdante ule a sepna gate uh dung zui-in mi zosie tungah thaman na pie hi.

Ezekiel 18:30

Tua ahi ziehin, Israel innkuonte aw, na unpi-un na gamtatna utawh kizui-in na tung vuah thu kang khen ding hi, Topa Pasien in ci hi. Kisia unlen na khielna zosie uh panin hing kinuale un; tua ahi sihle khielna ziehin na kisietlaw ding uhi.

John 21:17

Ama in, “John’ tapa Simon aw, kei nei it ei mah?” ci-in a thumveina dong leuleu hi. “Nang in kei nei it ei mah?” ci-in thumvei a dawh ziehin Peter da mama a, tua ahi ziehin, “Topa, na zosie na thei a, ke’n nang kang it lam zong na thei hi,” a ci hi. Jesu in ama kungah, “Ka tuute na cing in.

Nasepte 1:24

Tua ciengin amate in thu ngenin, “Topa aw, nangma in mi zosie’ lungsim na thei hi.

Joshua 22:22

“Topa, pasien-te’ Pasien!, Topa, pasien-te’ Pasien! Ama in thei hi; Israel-te in zong thei ta uheh! Tam khu ledona ahi a, Topa upna pana ka peikhiel nading ule, Topa zuina pana ka piel nading vua maitam lam ka hi uleh tuni-in kote ei hinkhawi da heh; tua ahi sihle zong tua tungah meihal biehna ahi a, an tawh biehna ahi a, thunuam biehna ahi zongin pieh nadinga a lam ka hi uleh Topa mama in ei thuh taheh.

Kilaakna 2:23

tuale keima in tua numei’ tate ka satlia ding hi. Tua ciengin hlattuom pawlpite zosie in kei pen lungsim le lungtang a sui pa ka hi lam ei thei ding vua, khat ciet tungah na gamtatna utawh kituohin kang thuhkia ding hi.

Kilaakna 22:12

“En in, kang pei bai ta ding hi! Mi zosie a gamtatna uh tawh kizui-in a thuhkia dingin keima kungah ka thaman a om hi.

1 Samuel 16:7

Hinanle Topa in Samuel kungah, “A melpuoh ahi sihle a duong sanna lam en sin, azieh pen keima in ama ka nuol zo hi; bangzieh ahei cile Topa in mihingte’ mu bangin a mu sih hi; amate in a putham melpuoh dan en a, hinanle Topa in lungtang a en hi,” a ci hi.

1 Samuel 2:3

Kiphatsahna kam ham nawn sinlen, na kam sung panin kilietsahna pusuohsah nawn sin; bang zieh ahei cile Topa khu a thei Pasien hi a, gamtatnate ama tawh a kitawikhai hi.