1 Kumpite 2:6 - Zo Bible

⁶ Tua ziehin na pilna tawh kizui-in sem inlen, a samkang tawh hlamuongin Leinei gamah ama peisuhsah sin.

LAISIENGTHOU CL Bible (BSI)

⁶ Tuaziehin na pilna dungzui in bawl inlen, tualeh alu a samkang pou in, lungmuong tahin han ah lut sah sin.

Zokam International Version

⁶ Nangma pilna bangin amah thuk inla, lungnuam takin a lu-a sam kangsa in hankhuk a sung zuansak kei in.

1 Kumpite 2:6 ပူးပေါင်းရင်းမြစ်များ

Piancilna 42:38

Ahi vangin ama in, “A sanggampa si a, ama beh om ta bo ahi ziehin note tawh ka tapa a peisuh sih ding hi. Na khuolzin nading uh lampi-ah ama in sietna bang lo khat hing tuoh kha mawh leh note in Misikhuo-ah dana tawh ka samkang na tun ding uhi,” a ci hi.

Piancilna 9:5

Na hinna uh ahi sisan tangin sisan ma ka kal valon ding hi: Ganhing zosie tung le mihingte tungah ka kal ding a, mi khat ciet’ sisan tangin midang khat ciet’ sisan ka kal ding a, mihing hinna tangin mihing sisan ma ka kal ding hi.

Piancilna 9:6

Mihing sisan suo poma, mihing ma in tua mipa sisan a suo ding hi. Azieh pen Pasien in ama’ lim bangin mi a bawl hi.

2 Samuel 3:39

Sathau kinu kumpi ka hi vangin tuni-in kei ka tha zawngkhal mama hi. Zeruiah’ ta tam mite khu kei adingin a thuohha mama hi. Gitlo a bawlpa a gitlona bangin Topa in thuhkia taheh!” a ci hi.

1 Kumpite 2:7

Hizongle Gilead mi Barzillai’ tapate tungah thuman tahin gamta inlen, na sabuoi-a annete tawh ankuong imtonsah in; azieh pen na sanggampa Absalom kung panin ka tai lai-in tua bang thumanna tawh kei ei na bawl uhi.

1 Kumpite 2:9

Tua ahi ziehin ama maw nei lo bangin ngaisun tuon sin, azieh pen nang mi pil khat na hi hi; nang in ama na law dan ding na thei lel ding hi. A lu tunga a samkang khu sisan tawh Leinei gamah na peisuhsah hamtang ding hi,” a ci hi.

1 Kumpite 3:12

tu-in keima in na nget bangin nang kang pie ding hi. Keima in pilna le khentel theina lungsim nang kang pie tahtah hi; nang masangin nang tawh a kibang mi a om ngai sih a, na nua ciengin zong nang tawh kibang mi a om ngai ta sih ding hi.

2 Kumpite 22:20

Tua ahi ziehin na pu na pate utawh kang gawmton ding a, lungmuongtahin na han vuah kang kaikhawm ding hi; tami muna kang tunsah ding gimna zosie na mu kha sih ding uhi,” a ci hi. Amate in kumpipa kungah tua thu a puohkia uhi.

Phatna-late 37:37

Kaw baang lote ciemte in, mi thumante en in, azieh pen kilemna a deite adingin suonlehlah a om ding hi.

Paunakte 20:26

A pil kumpi in migilote tengkhie a, a tung vuah lengkang tawh a huol hi.

Paunakte 28:17

Mi khat in midang khat thatin sisan a suo leh, tua mithatpa pen a si dongin khuotai hi taheh; koima in ama huna pie sih heh.

Thuhilhna 8:11

Gitlo gamtatna tungah mallang taha thukhenna a kibawl lo ziehin mihing lungsim in sietna bawl ding ngen tang a sawm hi.

Isaiah 48:22

“Migilote adingin kilemna om lo hi, Topa in ci hi.

Isaiah 57:2

amate nopsahna sungah lut uhi; thutanga kalsuonte ahi uleh amau’ lupna tungah a tawlnga ding uhi.

Isaiah 57:21

Ka Pasien in migilote adingin lungnopna om lo hi, ci hi.

Isaiah 65:20

Tua sungah nausen a ngehsi a om nawn sih ding a, a vuoisi lo ding upa zong a om sih ding hi; azieh pen kum zakhat a a si mite a khansi-in kingaisun ding a, kum za cing lo-a a si mite samsiet thuohin kingaisun ding hi.

Misimna 35:33

Na tenna uh leitang na buasah sih ding uhi, sisan in leitang buasahin a sisan suohsah pa’ sisan longal tua leitang siensuo thei ding adang om lo hi.