1 Kumpite 2:4 - Zo Bible

⁴ Tua ciengin keima tawh kisai-in ama in: ‘Na tapate in a lungsim zosie ule a hinna zosie utawh keima mai-ah thuman tahin gamtat ding a lim ngaisut nah po uleh Israel kumpi topha tunga to ding mi na kitasam ngai sih ding uhi,’ ci-in a thugenna Topa in a kipsah ding hi.

LAISIENGTHOU CL Bible (BSI)

⁴ Mangpa’n keima tungtang thua, Na suohten alungtang zousie u’leh, ahinna zousie ua, ka mitmu a thutah a gamta dinga, aumdan ua apilvang u’leh Israel leengtoupha a tou ding mi akibansam sih ding hi chia agen khu, asutangtung ding hi.

Zokam International Version

⁴ tua hileh TOPA in: ‘Nangma suante in a nuntakzia uh a kidop uh a, a lungsim khempeuh uh leh a hinna khempeuh uh tawh ka mai-ah muanhuaitakin a kalsuan uh leh Israel-te kumpi tokhom ah mi khat a tut loh hun a om kei ding hi,’ ci-in kei tunga hong thuciam a zui ding hi.

1 Kumpite 2:4 ပူးပေါင်းရင်းမြစ်များ

Piancilna 17:1

Abram kum sawmkuo le kuo a phah ciengin ama kungah Topa kilah a, ama in, “Keima, Vanglien Pasien ka hi hi; ka mai-ah hoi gamtat inlen kawbaang sin.

Piancilna 18:19

Pha vawt sih vang. Azieh pen Topa in Abraham tunga a ciemsa thu a tunsah thei nading, ama zaw cienga a pieng a tate le a innkuonpite in dihna le thutang sepna tawh Topa’ lampi a zui nadingun a hil dingin ama ka teelzo hi,” a ci hi.

2 Samuel 7:25

Tuale Topa Pasien aw, tu-in na nasempa le a suonlehlahte tawh kisai-in a tawntungin na gensa thu kipsah in; na kamciemsa bangin bawl in.

1 Kumpite 1:48

‘Tuni-in keima muna-ah ka suonlehlahte khat ka kumpi topha tunga to dinga a pie Topa, Israel Pasien in thupha nga taheh,’ ci hi,” a ci hi.

1 Kumpite 11:36

Hinanle ka nasempa David in ka min koi nadinga ka teelsa khuopi Jerusalem-a keima’ mai-ah ama in meivah khat a nei den thei nadingin a tapa tungah minam khat ka pie ding hi.

1 Kumpite 3:14

Na pa David bangin ka lampite tawnin ka thukhamte le ka thupiehte na zui nah po leh na hinkhuo ka sawtsah ding hi,” a ci hi.

1 Kumpite 3:3

Solomon in Topa it a, a pa David’ thukhamte a zui hi; ama beh in munsangte-ah biehpiehna pie-in gimnamtui a hal hi.

1 Kumpite 6:12

“Na inn lam tami biehinn tawh kisai-in ka thukhamte zui-in ka ngaina kipte mang a, ka thupiehte zosie kemcingin tuate na zui leh, nang tungah keima in na pa David tunga ka kamciemna kang kipsah ding hi.

1 Kumpite 8:23

Ama in, “Israel Pasien Topa aw, tunga om vantungah hile, nei-a om leitungah hile, a lungsim zosie tawh na mai-ah gamta-in na nasemte tungah thuciemna a tudet le itna kip a lah, nangma tawh a kibang Pasien a om sih a,

1 Kumpite 8:25

Tua ahi ziehin Israel’ Pasien Topa aw, ama kungah, ‘Keima mai-ah nang na gamtat bangin na tapate in keima mai-ah a gamtat vua, a pei nading uh lampi a etsiem nah po uleh keima mai-ah Israel kumpi topha tunga a to ding mi na kitasam ngai sih ding uhi,’ ci-in nangma in na nasempa David na kamciem tukip in.

1 Kumpite 9:5

keima in na pa David kungah, ‘Israel kumpi topha tunga to ding mi na kitasam ngai sih ding hi,’ ci-a ka na ciemsa bangin Israel-te tungah na kumpi topha ka kipsah peisuoh ding hi.

2 Kumpite 20:3

“Topa aw, na mai-ah thuman le lungsim zosie tawh ka gamtatna, le na muna-ah a hoi ka sepzona thu tu-in ei phawh in, kang thum hi,” a ci hi. Hezekiah kaa citahin kap hi.

2 Kumpite 23:25

Ama’ mai-a Moses’ thukham dung zui-in a lungtang zosie, a hinna zosie, le a hatna zosie tawh Topa’ lamah a kihei ama tawh a kibang kumpi om lo a, ama’ nua-ah ama tawh a kibang kumpi khat beh khang nawn lo hi.

2 Kumpite 23:3

Khuompi gei-ah kumpipa ding a, tam laibu sunga kigiel thuciemna kammalte a sep nading, a lungtang le a hinna zosie tawh Topa nua a zui nading, a thupiehnate, a thupiehte, le a thukhamte a zui nadingin ama in Topa mai-ah thuciemna khat a bawl hi. Tua thuciemna sungah mi zosie a kihal uhi.

1 Khangthute 28:9

“Nang, ka tapa Solomon aw, na pa’ Pasien thei inlen, lungsim khat le lawpna lungtang tawh ama’ na sem in; azieh pen Topa in lungsim zosie sui a, gelna le ngaisutna zosie thei hi. Nang in ama na sui leh ama in nang ang mu ding a, ama na elngat leh ama in zong a tawntungin nang ang nuasie ding hi.

2 Khangthute 17:3

Ama in a pa’ gamtat masate a zui ziehin Topa in Jehoshaphat a ompi hi; ama in Baal pasien-te bie loin,

2 Khangthute 6:16

Tua ahi ziehin Israel Pasien Topa aw, ama tungah thu ciemin, ‘Nang in ka thu na man bangin na suonlehlahte in ka thukham sungah kalsuon in a gamtat a kidop nah uleh ka mai-a Israel kumpi topha tungah a to ding mi khat zong na kitasam sih ding hi,’ na cisa bangin na nasempa ka pa David tunga na thuciemsa hing sudet in.

2 Khangthute 7:18

na pa David tawh kiciemin, ‘Israel a uh ding mi na kitasam ngai sih ding hi,’ ka na ci ma bangin na kumpi topha kang kipsah ding hi.

Phatna-late 119:9

Tangvalte in amau’ gamtatna a sientho nadingin bangci kep ding uh ahei? Na kammal banga zuina tawh siengthosah thei ding hi.

Phatna-late 37:22

azieh pen Topa’ thupha piehte in gam a luo ding vua, ahi vangin ama’ samsiet mite ahile kisumaimang ding hi.

Phatna-late 37:9

Azieh pen migilote kisumaimang ding a, hizongle Topa a lamen mite in gam a luo ding uhi.

Phatna-late 39:1

“Ka leii tawh ka maw lo nadingin ka gamtatnate ka kikem ding hi; keima’ opna munah migilote a om laise kamtuomna tawh ka kam ka hum ding hi,” ka ci hi.

Jeremiah 33:17

Bangzieh ahei cile Topa in tam bangin ci hi: David’ suon sung panin Israel innkuonte’ kumpi topha tungah a to ding mi kitasam ngai lo ding hi.

Siampi Laibu 26:3

Ka thukhamte zui-in ka thupiehte na man vua, citah tahin tuate na tan uleh,

Zechariah 14:2

Jerusalem sim dingin minam zosie ka khawm ding a, khuopi kila-in innte kibulu ding a, numeite kibuon gawp ding hi; khuopi alang salin kikai ding a, ahi vangin khuopi sunga a omlai teng kisumaimang lo ding hi.

Matthew 22:37

“Ama in tua pa kungah, ‘Na Topa Pasien na lungtang zosie, na hinna zosie, le na lungsim zosie tawh na it ding hi,’ a ci hi.

Luke 1:6

A ni gelin Pasien mai-ah midih ahi vua, Topa’ thupiehte le zui ding ngaina zosie genbaang loin a zui uhi.

Thupiakkikna 10:12

Israel-te aw, tu-in Topa na Pasien un na tung panun bang ang kalh ahei? Na hoi nadingun na Topa na Pasien beh uh zatatin a lampite zosie zui-in, ama na it vua, na lungtang zosie ule na hinna zosie utawh Topa na Pasieh uh’ na semin,

Thupiakkikna 11:13

Tuni-a na tung vua kang gen a thupiehte zosie na man vua, Topa na Pasien uh na lungsim zosie uh, na hinna zosie utawh itin ama’ na na sep uleh,

Thupiakkikna 6:5

Topa na Pasien uh, na lungtang zosie, na hinna zosie le na hatna zosie utawh na it ding uhi.

Thupiakkikna 7:12

Note in tami ngaina kipte kukal tahin na zui uleh note tungah Topa na Pasien un na pu na pate uh tunga a na ciemsa thuciemna’ thumanna khu a tukip ding hi.

Jude 1:24

Tu-in na pua lo nading vua ang kem zo pa, mawsahna om loin ama’ minthanna munah kipahna tawh ang tut zo pa,