1 Kumpite 2:3 - Zo Bible

³ Moses’ thukham sunga kigiel bangin Topa na Pasien’ thuhilnate kemcingin a lampite tawn inlen, a thukhamte, a thupiehte, a biehna ngainate, le a teci pannate zui siem in. Tua bangin bawl po lacin na sepna zosie le na kiheina zosie-ah na dau ang pei ding hi.

LAISIENGTHOU CL Bible (BSI)

³ Na sil bawl pouma leh na kiheina lam tenga na lamzan theina dingin, Mosi dan a kigiel bangin Mangpa na Pasian in alampite zuiding leh athupiehte, atawndan thuguotte, avaihawmna dante leh athutheisahte pom dinga athupiehte zui in.

Zokam International Version

³ TOPA na Pasian in hong kalh thute zui in: A lampite tawn inla hong thukipte le thuneihnate, a thukhamte le hong kalh thute Moses Thu kham sunga kigelh bangin kem in; tua hileh nasepna peuh le na paina peuh ah na lawhcing ding hi.

1 Kumpite 2:3 ပူးပေါင်းရင်းမြစ်များ

2 Samuel 8:14

Ama in Edom ah khuocingte a koi hi; ama in Edom gam mun zosie-ah khuocingte koi a, tuale Edom-te zosie David’ nasemte a suoh uhi. Tuale a peina popo-ah Topa in David guolzawna a pie hi.

2 Samuel 8:6

Tua ciengin David in Damascus gama Aram-te lahah khuocingte koi hi; tuale Aram-te pen David’ nasemte a suoh vua, sieh le kaih a pie uhi. Topa in a peina popo-ah David guolzawna a pie hi.

1 Kumpite 3:3

Solomon in Topa it a, a pa David’ thukhamte a zui hi; ama beh in munsangte-ah biehpiehna pie-in gimnamtui a hal hi.

2 Kumpite 18:7

Ama tawh Topa a om hi; a peina popo-ah ama lawcing hi. Ama in Assyria kumpipa ledo a, ama’ na a sem sih hi.

1 Khangthute 29:19

Ama in na thupiehnate, na thu khensatte, le na thukhamte zosie zui-in tuate zosie a sem a, keima in ama ka piehsa biehinn a lam thei nadingin ka tapa Solomon tungah lawpna lungsim guon in,” a ci hi.

Phatna-late 119:111

Nangma’ thukipte khu tawntung ka gouluo ding ahi a, tuate keima’ lungdamna ahi hi.

Phatna-late 119:138

Na koisa na thukipte man a, a unpi-in muontah hi.

Phatna-late 119:2

Ama’ thupiehte zui-in lungsim tahpi tawh ama a suite thupha nga ahi a,

Phatna-late 19:7

Topa’ thukham bukim a, hlagau a thasuosah hi; Topa’ thukhennate a man hi a, mimawte pilsah hi;

Thuhilhna 12:13

Thu khupna-ah thu zosie kiza sieng zo hi; Pasien zatah inlen a thupiehte zui in; bang ding ahei cile tua khu mi vannuoi’ sep ding nasep ahi hi.

Siampi Laibu 8:35

Kikhopna puonbuh lutna-ah ni sagi sung, sun le zanin na om den ding vua, na si lo nadingun Topa’ thupiehte na zui ding uhi; azieh pen tua bang dingin keima tungah thu ei kipie zo hi,” a ci hi.

Malachi 4:4

Israel zosie adingin Horeb ah ama ka thupieh, ka nasempa Moses’ thuhilnate ahi thukhamte le biehna ngaina kipte phawh un.

Thupiakkikna 29:8

Amau’ leitang i la vua, Reuben-te, Gad-te le Manasseh minam alangte tungah luo dingin i pie hi.

Thupiakkikna 29:9

Tua ahi ziehin na sepna uh bangkim ah na lamzan thei nadingun tami thuciemna kammalte limtahin zui un.

Thupiakkikna 4:1

Tuaci’n Israel-te aw, tu-in note nungta-in, Topa na pu na pate uh’ Pasien in note ang pieh ding leitangah lutin na luo thei nadingun kang hil thukhamte le ngaina kipte mang unlen zui un.

Thupiakkikna 4:45

Tami ngainate, thukipte, le thukhamte pen Egypt pan Israel-te a peikhiet ciengun Moses in hopi-in a gen thute ahi a,

Thupiakkikna 4:5

En un, Topa ka Pasien in kei ei thupieh bang lienin lutin na lah ding uh gam sungah na zui ding uh thukhamte le ngaina kipte kang hil zo ta hi

Thupiakkikna 4:8

Tuni-in na mai vua kang koipieh thukham bucing bangin a dih thukham le ngaina kip a nei minam lien adang hei-ah om ahei?

Thupiakkikna 5:1

Moses in Israel-te zosie hlan a, amate tungah tam bangin a gen hi: Israel-te aw, tuni-in keima in na kung vua kang gen ding thukhamte le ngaina kipte za un; tuate sinin limtahin na zui ding uhi.

Joshua 22:5

Topa’ nasem Moses in ang pieh thupiehna le thuhilna ahi, Topa na Pasien uh it ding, a lampi zosie zui ding, a thupiehnate zui ding, ama bel ding le na lungsim zosie ule na hinna zosie utawh ama’ na nasep ding uh limtahin ngaisun un,” a ci hi.

Joshua 23:6

Tua ahi ziehin Moses’ thukham laibu sunga kigielte zosie limtahin zui-in semin, ziet le vei-ah piel sih unlen,

1 Samuel 18:14

A sepna bangkimah David a lawcing hi; azieh pen Topa in ama a ompi hi.

1 Samuel 18:30

Tua ciengin gal do dingin Philistia galkapmangte a kuonkhiet simin Saul’ nasem zosie sangin David in guol a zozaw hi. Tua ahi ziehin David a minthang semsem hi.

1 Samuel 18:5

Saul’ sawlna khat popo-ah David pei-in a matun ahi ziehin Saul in a galkapte a uh dingin ama a koi hi. Mi zosie, Saul’ nasemte nangawn zong a lungkim uhi.