1 Kumpite 18:31 - Zo Bible

³¹ Elijah in, “Na min Israel kici ding hi,” ci-a Topa’ thu tunna Jacob’ tapa minam a phaza zui-in suong sawm le ni a la hi;

LAISIENGTHOU CL Bible (BSI)

³¹ Tualeh na min “Israel ahi ding” chia Mangpa thu tunna Jakob tapate nam za suong sawm leh ni ala a.

Zokam International Version

³¹ TOPA thu a tun lai-a, "Na min Israel hi ding hi," a cihna Jacob suan beh sawm le nihte beh khat aitangin suang khat, suang sawm le nih Elijah in a la hi.

1 Kumpite 18:31 ပူးပေါင်းရင်းမြစ်များ

Piancilna 32:28

Tua ciengin mipa in, “Na min Jacob kici nawn loin Israel kici ta ding hi, azieh pen Pasien le mite tawh kibuonin na zo hi,” a ci hi.

Piancilna 32:29

Tua ciengin Jacob in ama dongin, “Hepina tawh na min ei gen in,” a ci hi. Ahi vangin ama in, “Bang dinga ka min nei dawh ahei?” a ci hi. Tua munah ama in Jacob thupha a pie hi.

Piancilna 33:20

Ama in khum munah maitam khat tung a, a min El-Elohe-Israel a phuoh hi.

Piancilna 35:10

Pasien in ama kungah, “Na min Jacob ahi hi; Jacob ang kici nawn sih ding hi, na min Israel hi ta ding hi,” a ci hi. Tuaci’n ama Israel kici hi.

2 Kumpite 17:34

Amate in tuni dongin nidanga a zah uh amau’ ngainate a zomsuoh lai uhi. Amate in Topa bie loin Topa in Israel ci-in a minvaw Jacob tate tunga a thupiehsa thukhamte, ngaina kipte, zui ding ngainate, le a thupiehte a zui sih uhi.

Ezra 6:17

Tami Pasien’ biehinnpi apna-ah bawngtang zakhat, tuutang zani, le tuuno zali biehna-in a go vua, a minam phaza tawh kizui-in Israel zosie’ mawna zieha biehna adingin keeltang sawm le ni a pie uhi.

Paikhiatna 24:4

Tuale Topa’ thugen zosie Moses in a giel hi. Ama zingmawngin thobai-in muol bulah maitam khat lam a, Israel minam sawm le nite tawh kituohin khuom sawm le ni phut hi.

Isaiah 48:1

Israel min tawh a kilo, Judah laigui pana a pieng; Topa’ min tawh kiciem napi thuman thutah tawh Israel Pasien kunga thu a ngen lo Judah innkuon aw, tam thu ngai un.

Jeremiah 31:1

Khum hun ciengin Israel innkuonte zosie’ Pasien ka hi ding a, amate ka mi ahi ding uhi, Topa in ci hi.

Ezekiel 47:13

Topa Pasien in tam bangin gen hi: Tamte pen Israel minam sawm le nite lahah amau’ gouluo dinga na hawmpieh gamgite ahi hi. Joseph in tanh ni nga ding hi.

Ephesa-te 2:20

innkiu suongpi Jesu Khris mama tawh khuombul ahi sawltahpite le kamsangte tunga a kilam na hi uhi.

Joshua 4:20

Jordan pana a puoh uh suongtum sawm le nite, Joshua in Gilgal-ah phut a,

Kilaakna 21:12

A gol mama kul sangpi nei a, tunkot sawm le ni nei-in, tua tunkotte ah vantungmi sawm le ni om a, tunkotte tungah Israel minam sawm le nite’ min kigiel hi.