1 Kumpite 17:18 - Zo Bible

¹⁸ Tua zaw ciengin tua nu in Elijah kungah, “Pasien’ mipa aw, bang dinga nei langpan ahei? Ka mawna ei phawhsah ding le ka tapa sisah dinga ka kunga hing pei na hi hi!” a ci hi.

LAISIENGTHOU CL Bible (BSI)

¹⁸ Amanu’n Elijah kungah, “Aw nang Pasian mipa, ka tunga na lung himawna bang ahiei? ka khelnate hing theidoh sah ding leh ka tapa hing thalia pieh dinga hing pei na! hiei mah?” achi hi.

Zokam International Version

¹⁸ Tuanu in Elijah kiangah, "Pasian mipa aw, kei tungah bang lungkim-lohna nei na hi hiam? Ka mawhnate hong phawksak kik ding le ka tapa that dinga hong pai na hi hiam?" a ci hi.

1 Kumpite 17:18 ပူးပေါင်းရင်းမြစ်များ

Piancilna 44:16

Tuale Judah in, “Ka pu kungah bang thu ka gen thei ding uh ahei? Bang gen thei ding ka hi uh e? Ko le ko bangci kiphel thei ding ka hi uh ahei? Pasien in na nasemte’ khielna mu zo hi; tua ahile tam sunga om kote le a khut sunga hai kimuna pa zong, ka pu’ sila ka hi ta uhi,” a ci hi.

Piancilna 50:15

A pa uh si zo ci a thei ciengun Joseph’ sanggamte in, “Joseph in eite ei lungsim puohin ama tunga i bawlsa uh khielnate a unpi-in ei thuhkia mawh leh maw?” a kici uhi.

Piancilna 50:17

‘Joseph kungah tam bangin gen un: Na sanggamte in na tunga sietna ang bawl ziehun a khielnate uh maisah in, kang thum hi,’ a ci hi. Tua ahi ziehin tu-in hepina tawh na pa Pasien’ nasemte khielna ei maisah in,” a ci uhi. Amate in ama a hopi ciengun Joseph kap hi.

2 Samuel 16:10

Ahi vangin kumpipa in, “No Zeruiah’ tapate aw, kei le no bang kisai i hei? Topa in ama kungah, ‘David va samsie tan,’ a ci zieha ei samsiet ahile koi in, ‘Bang dinga na tuaci bawl ahei?’ ci thei ding ahei?” a ci hi.

2 Samuel 19:22

Ahi vangin David in, “No Zeruiah’ tapate aw, tuni-in kei ei langpang dinga bang hing kikumthaw na hi uh ahei? Israel gam sungah tuni-in mi khatpo kithat ding amah? Bangzieh ahei cile tuni-in Israel-te’ kumpipa ka hi lam thei buong sam hi lo ka mah?” a ci hi.

1 Kumpite 12:22

Ahi vangin Pasien’ mipa Shemaiah tungah Pasien’ thu a tung hi:

1 Kumpite 13:1

Gimnamtui hal dingin maitam gei-ah Jeroboam a din laitahin, Topa’ thu tawh Judah panin Bethel ah Pasien’ mipa khat a tung hi.

1 Kumpite 17:17

Tua zaw ciengin inn neinu, tua numei’ tapa a ci na hi; a natna na sie semsem ahi ziehin a huu tawpin a si hi.

1 Kumpite 17:19

Ahi vangin ama in tua nu kungah, “Na tapa ei pie in,” a ci hi. Ama in tua nu kang sung panin ama domto a, a giena innkhan tungnungah puoto-in a lupna tungah a siel hi.

1 Kumpite 18:9

Ama in, “Ahab’ khut sungah na nasempa tha dinga nei pieh nadingin ke’n bangci bangin mawna bawl ka hi ahei?

1 Kumpite 20:28

Pasien’ mipa khat in nai-in Israel kumpipa kungah, “Topa in tam bangin gen hi: Aram-te in, ‘Topa pen muoltung pasien ahi a, zanglei pasien hi lo hi,’ a ci ziehun nangma’ khut sungah tami a lien mi honpite zosie kang pie ding a, keima Topa ka hi lam nei thei ding hi,” a ci hi.

2 Kumpite 1:9

Tua ciengin kumpipa in ama kungah mihing sawmnga a uhpa a mihing sawmnga tawh a sawl hi. Muol dawn khat a na to Elijah kungah ama kato-in a kungah, “Pasien’ mipa aw, kumpipa in, ‘Hing peisuh heh,’ ci hi,” a ci hi.

2 Kumpite 3:13

Elisha in Israel kumpipa kungah, “Nang tawh bang kisai ka hei? Na pa’ kamsangte ahi sihle na nu’ kamsangte kungah kipei ta’n,” a ci hi. Ahi vangin Israel kumpipa in ama kungah, “Hi lo hi; Moab kumpipa’ khut sungah ko kumpi thum teng pieh dinga ei hlanpa khu Topa ahi hi,” a ci hi.

2 Khangthute 35:21

Ahi vangin Neco in palai sawl a, “Judah kumpipa aw, kei le nang bang kisai i hei? Tuni-in nang sim dinga ang kuon ka hi sih a, ka galte’ innkuon a sim dinga ang kuon ka hibo hi. Ka kinaw nadingin Pasien in keima thu ei pie zo hi. Ama in nang ang suhsiet lo nadingin keima kunga a om Pasien na langpanna khawl in,” cisah hi.

Job 13:23

Ka mawna le ka khielna bangza pha ahei? Ka khielnate le ka mawna ei theisah in.

Job 13:26

Azieh pen keima’ langkhatah ka thu a siehuoi-in na giel a, ka khangno lai-a ka khielnate a ga nei atsah hi.

Misimna 5:15

tua pa in siempu pa kungah a zi peipi ding hi. Tuale ama in tua nu adingin a kisam mangbuham ephah khat’ sawm-ah-khat peipi ding hi. Ama in tua tungah sathau sung loin gimnamtui zong koi lo ding hi. Bang ding ahei cile tam khu ginmawna zieha an tawh biehna ahi a, khielna phawkia nadinga an tawh biehna ahi hi.

Matthew 8:29

Ama gel thakhatthu-in a kiko vua, “Pasien’ Tapa aw, ko tawh bang kisai laizang na hei? A hun tun masanga ko ei bawlsie dinga ang pei na hi amah?” a ci uhi.

Mark 5:7

tuale ama in a aw nei za tawh, “Sangpen Pasien’ Tapa Jesu aw, kei bang ei law sawm na hei? Pasien’ min tawh kang thum hi, kei ei bawlsie sin,” ci-in awng hi.

Mark 6:16

Ahi vangin Herod in tua thu a zah ciengin, “A ngawng ka tansanpieh pa John ang thokia ahi hi,” a ci hi.

Luke 4:34

“Nazareth mi Jesu aw, ko guoh ei omsah lel ven! Ko bang ei law nuom na hei? Ko ei susie dinga ang pei na hi amah? Pasien’ Misiengtho Pa na hi lam kang thei hi,” a ci hi.

Luke 5:8

Ahi vangin Simon Peter in tua thu a mu bepin Jesu mai-ah khupdin a, Topa aw, mawnei mi khat ka hi ziehin kei kung panin peikhie in!” a ci hi.

Luke 8:28

Ama in Jesu a mu bepin a mai-ah bawhsuhin, “Sangpen Pasien’ Tapa Jesu aw, kei bang ei law sawm na hei? Nei bawlsiet lo nadingin kang thum hi,” ci-in a aw nei za tawh a kiko hi.

John 2:4

Jesu in, “Numei aw, nang le kei bang kisai laizang i hei? Ka hun a tung nai sih hi,” a ci hi.

Thukhente 13:6

Tua ciengin tua numei nu pei-in a pasal kungah, “Ka kungah Pasien’ mi khat ang pei a, a melpuoh pen Pasien’ vantungmi khat tawh kibangin dipkuot huoi mama hi; ama hei pana ang pei ci ka dong sih a, a min zong ei gen lo hi;

1 Samuel 16:4

Topa’ thupieh bangin Samuel gamta a, Bethlehem ah a ma a pei hi. Ama dawn dingin khuopi upate citun kawmin a pei vua, ama kungah, “Thuhoi-a hing kalsuon na hiei mah?” a ci uhi.