1 Kumpite 11:1 - Zo Bible

¹ Kumpi Solomon in Pharaoh’ tanu banah gamdang numei tampi deigaw hi: Moab-te, Ammon-te, Edom-te, Sidon-te, le Hit numeite ahi hi.

LAISIENGTHOU CL Bible (BSI)

¹ Leengpa Solomon in namdang numei tampi adeigaw a, Pharaoh tanu bang, Moab numei bang Ammonte, Edomte, Sidonte, Hit numeite adeigaw a.

Zokam International Version

¹ Solomon in Pharaoh tanu banah gamdang numei tampi - Moab-te, Ammon-te, Edom-te, Sidon-te le Hit-te a ngaih beh lai hi.

1 Kumpite 11:1 ပူးပေါင်းရင်းမြစ်များ

1 Kumpite 11:8

Ama in gimnamtui halin amau’ pasien-te tungah biehpiehna a pie a gamdang zi zosie dingin tua bang ma-in a bawl hi.

1 Kumpite 14:21

Tu-in Solomon’ tapa Rehoboam in Judah uh hi. Gam a uh patin Rehoboam kum sawmli le khat pha a, ama’ min koi nadinga Topa in Israel minam zosie sung pana a teel khuopi Jerusalem-ah kum sawm le sagi sung uh hi. A nu’ min Naamah ahi a, Ammon-te ahi hi.

1 Kumpite 14:31

A pu a pate tawh Rehoboam lumtonin David khuopi ah a pu a pate tawh kivuiton hi. A nu’ min Naamah ahi a, Ammon-te ahi hi. A tapa Abijam in ama’ za luo hi.

1 Kumpite 16:31

Ama adingin Nebat’ tapa Jeroboam’ mawnate zui ding pen a bai tawh a kibah ma bangin, ama in Sidon-te’ Kumpi Ethbaal’ tanu Jezebel zi-in la a, ama pei-in Baal’ na semin bie hi.

1 Kumpite 3:1

Kiten kipina vai ziehin Egypt kumpi Pharaoh tawh Solomon in kipawlna a bawl uhi; ama in Pharaoh’ tanu la a, ama’ inn, Topa’ inn le Jerusalem kimvelah kulpi lam a man masang, David khuopi sungah tua nu a peipi hi.

Ezra 10:44

Tam teng zosie gamdang zi nei ahi vua, tuaci’n amate in a zite uh a tate utawh a khultha uhi.

Ezra 9:1

Tam thu teng a kisep zaw ciengin uliente in keima kungah ei nai vua, “Israel mite, siempute, le Levi-te in khum gama mipi kidah ahi Canaan-te, Hit-te, Perez-te, Jebus-te, Ammon-te, Moab-te, Egypt-te, le Amor-te kung panin amau le amau a kituomkoih sih uhi.

Ezra 9:2

Azieh pen amahaw’ tanute pawlkhat amate ding le a tapate vua dingin zi-in a la vua, tua bangin a siengtho cihlahte pen tua gam sung mite tawh a kisisawhal ta vua, tami citah lona-ah uliente le lamkaite makai ahi hi,” ei ci uhi.

Paikhiatna 34:16

Na tapate uh’ zi dingin a tanute uh la-in, tuale a pasien-te utawh pahtatna a bawl a tanute un na tapate uh pen a pasien-te utawh ang pahtatsah kha ding uhi.

Paunakte 2:16

A thangtat numei pan le kamhlum no tawh angkawm numeite pan,

Paunakte 22:14

A thangtat numei khat’ kam pen dum thuhpi khat ahi hi; tua dum sungah Topa' lungthahna a tuhna mipa a kiesuh hi.

Paunakte 23:33

Na mit in na lamdangte na mu ding a, na lungsim in letatna thu vive a gen ding hi.

Paunakte 31:3

Numeite tungah na thatang teng zang sinlen, na lampi-ah kumpite a susie mite lutsah sin.

Paunakte 6:24

mi dangte’ zi pan le numei pahtatte’ kamzol panin nangma ang kem ding hi.

Paunakte 7:5

Tua hile tua thute in numei thangtatte le kamzol a zang numei pahtatte’ kamsiemna panin ang kem ding hi.

Siampi Laibu 18:18

A sanggamnu suon dingin na nuphal nu zi-in na la sih ding a, a sanggamnu hin lai pima-in ama na luppi sih ding hi.

Thupiakkikna 17:17

A lungsim a kiheimang lo nadingin ama dingin zi tampi a lahbe sih ding; ama dingin ngun le kham zong a valkai-in a khol sih ding hi.