1 Kumpite 10:22 - Zo Bible

²² Azieh pen kumpipa in Tarshish tembaw honpi khat nei a, tuipi tungah Hiram’ tembaw honte tawh a peiton vua, kum thum a cin sielin Tarshish tembaw honte khatvei ta pei-in kham, ngun, saiha, zawngmang, le utongte puoh zel uhi.

LAISIENGTHOU CL Bible (BSI)

²² Lengpan tuipi ah Hiram tembawh hon kithuopi ding summet bawlna tembawh hon anei hi. Tua summet bawlna tembawh hon ten kum thum hal in, sanate, dangkatate, saihate, zawngliente leh utongte puo in ahing kile zel uhi.

Zokam International Version

²² Kumpipa in tuipi a Hiram tembawpi tawh a tonkhawm sumbawl tembawpi h hon khat a nei hi. Tuate kum thumin khatvei ciah uh a, kham, ngun, saiha, le guldu le zawngmaw-te a pua uh hi.

1 Kumpite 10:22 ပူးပေါင်းရင်းမြစ်များ

Piancilna 10:4

Javan’ suonlehlahte: Elishah, Tarshish, Kittim, le Rodanim ahi hi.

1 Kumpite 10:18

Kumpipa in saiha tawh kumpi topha golpi khat zong bawl a, kham hoipente tawh tua topha zut hi.

1 Kumpite 10:21

Kumpi Solomon’ tuidawnna hai zosiete kham tawh kibawl ahi a, Lebanon Gamlah Inn sunga kizang kuong le beel zosie zong kham tawh kibawl vive hi a, ngun tawh kibawl khat beh om lo hi; Solomon hun lai-in ngun pen bangma-in kisim lo hi.

1 Kumpite 22:48

Jehoshaphat in Ophir kham sui-in a pei nadingin Tarshish tembawte a bawl hi; ahi vangin Ezion-geber ah tembawte a kisiet ziehin amate a pei thei sih uhi.

1 Kumpite 22:49

Tua ciengin Ahab’ tapa Ahaziah in Jehoshaphat kungah, “Tembawte tungah keima’ nasemte le nangma’ nasemte peitonsah in,” a ci hi, hinanle Jehoshaphat a nuom sih hi.

1 Kumpite 9:26

Kumpi Solomon in Edom gam sung San Tuipi dunga om Eloth kici mun nai-a Ezion-geber ah tembaw honkhat a bawl hi.

2 Khangthute 9:21

Azieh pen kumpipa’ tembawte Huram’ nasemte tawh Tarshish ah a pei uhi; kum thum sielin Tarshish tembawte khatvei tungin kham, ngun, saiha, zawngkute, le utongte puoh zel uhi.

Job 39:13

“A hlakui-ah a mul om sih nanle va-kalaohte in a hla hazapin a zap uhi.

Phatna-late 48:7

Tarshish tembawte a susie nisuona lam huipi bang uhi.

Phatna-late 72:10

Tarshish kumpite le tuikul neu-a kumpite in ama tungah sieh le kaihte pie uh hinlen, Sheba le Seba kumpite in letsongte puoh ta uheh.

Isaiah 2:16

Tarshish tembaw zosie le khut siema kibawl a etlawm na zosie tungah, ama in ngiemkoi hun ding ni khat a nei hi.

Isaiah 23:1

Tyre tawh kisai thuphuon. Tarshish tembawte aw, kapin mau un, azieh pen na kulpi uh kisusie zo hi. Cyprus panin ang pei lai-un amate in tam thu a za uhi.

Isaiah 23:10

Tarshish tembawte aw, noma’ gamah galkai un; tembaw khawlmun om nawn lo hi.

Isaiah 23:6

Tuipi gei-a teng mite aw, Tarshish kantanin kap un!

Isaiah 60:9

Topa na Pasien uh’ min le Israel’ Siengtho Pa ziehin na tapate, a ngun a khamte utawh gamlapi panin a puoh dingin, tuikul gam mite in kei ei ngah ding a, Tarshish tembawte a masa ding uhi. Bangzieh ahei cile ama in nang ang minthangsah zo hi.

Isaiah 66:19

tuale keima in amate lahah lim khat ka koi ding hi. Amate sung panin Tarshish mite kung, Put le thalpi kap a siem Lud-te kung, Tubal le Javan mite kung, le ka minthanna a za ngai lo le ka thupina a mu ngai lo tuipi gei gamlapi-a om mite kungah a suohta lai mite ka sawl ding hi; tuale amate in minamte lahah ka thupina a pulah ding uhi.

Ezekiel 27:12

Na neisa van a tam ziehin Tarshish-te in nang tawh summet a bawlton uhi; amate in na vante, ngun, sia, langva, le hangehte tawh a hleng uhi.

Ezekiel 27:15

Rhod mite in nang tawh summet a bawlton uhi; tuikul gam tampite nangma’ aituom vanzuana ahi uhi; amate in na lei dingin saiha le ning singte ang puo uhi.

Amos 3:15

Phalbi inn le khal inn ka phel ding a, saiha innte kisie-in inn thupite tawpmang ding hi, Topa in ci hi.

Jonah 1:3

Ahi vangin Topa opna panin Tarshish lamah a taimang dingin Jonah a dingkhie hi. Joppa lamah ama peisuh a, Tarshish a zuon ding tembaw khat mu hi; tuaci’n ama in tembaw sap pie-in a tungah kato a, Topa kung panin a taimang dingin amate tawh Tarshish khuo ah a pei hi.