1 Khangthute 29:23 - Zo Bible

²³ Tua ciengin Solomon in a pa David’ kumpi za luo-in Topa’ kumpi topha tungah a to hi. Ama a dau pei a, Israel mi zosie in a thu a mang uhi.

LAISIENGTHOU CL Bible (BSI)

²³ Tuachi’n Solomon khu Mangpa Mangtoupha tungah apa David thahengin leengpa in atou a, alawchingtou zel hi, tuachi’n Israel mi zousie in athu a zui uhi.

Zokam International Version

²³ Tua ciangin TOPA kumpi tokhom a pa David munah kumpi in Solomon a tu hi. Amah lamzangin Israel khempeuh in a thu a mang uh hi.

1 Khangthute 29:23 ပူးပေါင်းရင်းမြစ်များ

1 Kumpite 1:13

Thakhatthu-in kumpi David kungah pei-in ama tungah, ‘Ka pu kumpipa in nasemnu tungah, “Keima’ zaluo kumpi ding khu na tapa Solomon ahi a, tuaci’n ama ka kumpi topha tungah a to ding hi,” ci-in hing kiciem hi lo na mah? Tua ahile bang dinga Adonijah kumpi suoh thei ahei?’ va ci ta’n.

1 Kumpite 1:30

nangma tungah Topa Israel Pasien’ min tawh kiciemin, ‘Na tapa Solomon in ka kumpi za luo ding a, keima tangin kumpi topha tungah a to ding hi,’ ka cisa ma bangin tuni-in zong ka cikia ding hi,” a ci hi.

1 Kumpite 1:35

Ama’ nua zui-in na peito ding uhi. Ama sungtumin ka kumpi topha tungah tosah un; keima tangin ama kumpi a suoh ding hi; azieh pen keima in Israel le Judah tungah a uh dingin ama ka koi zo hi,” a ci hi.

1 Kumpite 1:46

Tu-in kumpi topha tungah Solomon a to hi.

1 Kumpite 2:12

Tuaci’n a pa David’ topha tungah Solomon a to hi; tuale ama’ kumpi gam kiptahin kiphut hi.

2 Kumpite 11:19

Ama in galkap bute, Car-te, a cingte, le gam mi zosie, kaikhawm hi; tua ciengin Topa’ biehinn panin kumpipa zawpisuhin a cingte’ tunkot tawnin kumpipa’ inn a zuon uhi. Kumpite’ topha tungah ama a to hi.

1 Khangthute 22:11

Tu-in ka ta aw, ama in nang tawh kisai a gensa bangin Topa na Pasien’ biehinn lamna-ah na lawcin thei nadingin Topa in nangma hing ompi taheh.

1 Khangthute 28:5

Topa in tapa tampi ei pie ahi ziehin keima’ tapate zosie sung panin Israel tung, Topa’ kumpi topha tunga a to dingin ama in ka tapa Solomon a teel zo hi.

1 Khangthute 29:24

Makai zosie le mihat galhangte, le Kumpi David’ tapa zosie in zong Kumpi Solomon’ thu a mang dingin a kiciem uhi.

2 Khangthute 1:1

A kumpi gam sungah David’ tapa Solomon ama le ama kiptahin om hi; Topa a Pasien in ama ompi a, a lien mama-in ama a bawl hi.

2 Khangthute 1:8

Solomon in Pasien kungah, “Ka pa David tungah a lien le a kip itna na lah zo a, keima kumpi-in ama’ za nei luosah zo hi.

2 Khangthute 23:20

Ama in galkap bute, uliente, mipite a uhte le gam sung mi zosie a zawpi a, tuale amate in Topa’ biehinn panin tunkot tungnung zui-in kumpipa a peipisuh uhi. Amate in kumpi topha tungah kumpipa a tosah uhi.

2 Khangthute 9:30

Solomon in Jerusalem ah Israel zosie kum sawmli sung uh hi.

2 Khangthute 9:8

Na tungah lungkimin, Topa na Pasien adingin kumpi dinga ama’ kumpi topha tunga ang tosah Topa na Pasien in thupha nga taheh! Na Pasien in Israel it a, a tawntungin amate kipsah ding ahi ziehin, thutang le thuman na sep thei nadingin ama in amate tungah nang kumpi ang suohsah hi,” a ci hi.

Phatna-late 132:11

Topa in David tungah a thawn lo kiciemna khat bawl a, tua panin ama a kiheikia sih ding hi: “Keima in na kumpi topha tungah nangma sung panin a pieng na tapate khat ka koi ding hi.

Paunakte 1:1

Israel kumpi, David’ tapa Solomon Paunahte:

Rome-te 13:1

Mi zosie in uhna a nei mite’ thu mang uheh; azieh pen Pasien kung pan ci simlo thuneina a om thei sih a, uhna thuneite zong Pasien’ koi mite ahi bo hi.

Thupiakkikna 34:9

Moses in ama tungah a khut ngam zo ahi ziehin Nun’ tapa Joshua lungsim pilna tawh kidim hi; tuale Israel-te in ama’ thu a mang vua, Topa’ thupiehsa bangin a gamta uhi.