1 Khangthute 28:9 - Zo Bible

⁹ “Nang, ka tapa Solomon aw, na pa’ Pasien thei inlen, lungsim khat le lawpna lungtang tawh ama’ na sem in; azieh pen Topa in lungsim zosie sui a, gelna le ngaisutna zosie thei hi. Nang in ama na sui leh ama in nang ang mu ding a, ama na elngat leh ama in zong a tawntungin nang ang nuasie ding hi.

LAISIENGTHOU CL Bible (BSI)

⁹ “Tualeh nang ka tapa Solomon na pa Pasian thei inlen, na lungtang hoi bukim leh lungsim kilawp tahin ana sem in; Mangpa’n lah lungtang zousie a enchien a, lungsim a ngaituonate zousie athei sieng hi; Ama na sui leh na mu dinga, hinanleh Ama na taisan leh kumtawn in nang ahing nuasie ding hi.

Zokam International Version

⁹ Tuateh nang ka tapa Solomon aw, na pa’ Pasian thei in, TOPA in lungsim khempeuh zonga ngaihsutna zui-a gamtatnate theitel ahi manin na lungsim neihzahin ki-ap inla lungsim utsa in ama na sem in. Amah na zon leh na mu ding hi; amah na taisan leh amah in a tawntungin nang hong nolh ding hi.

1 Khangthute 28:9 ပူးပေါင်းရင်းမြစ်များ

Piancilna 28:13

A gei-ah Topa ding a, “Kei pen na pu Abraham’ Pasien le Isaac’ Pasien, Topa ka hi hi; nang le na suonlehlahte tungah a tunga na lupna leitang kang pie ding hi;

Piancilna 6:5

Leitungah mihing gitlona lien mama a, tuaci’n Topa in mihing lungsim ngaisutna poma a sie ngentang ahina thu a mu hi.

Piancilna 8:21

Tuale Topa in tua gimnamtui a zah bepin a lungsim sungah, “Mihing ziehin leitang ka samsie nawn sih ding hi. Azieh pen mihing’ lungsim ngaisutnate naupang ahi lai vua kipanin a gilo ahi tabo hi. Tu-a ka bawl bangin hinna nei zosie zong ka susie nawn sih ding hi.

1 Kumpite 3:6

Tuale Solomon in, “Nang in nasempa ka pa David tungah a lien le a kip itna na lah zo hi, bangzieh ahei cile nangma tungah muonhuoina, dihna, thumanna lungsim tawh ama a gamta hi; tuale nangma in ama adingin tami a lien itna kip na koipieh zo ta a, tuale tuni-in ama’ topha tunga a to ding tapa khat na pie zo hi.

1 Kumpite 8:39

na tenna vantung panin za inlen ngaidam in. Tua ciengin amau’ gamtatna zosie tawh kizui-in amau’ lungsim na thei bangin hing bawl in. Azieh pen nangma beh in mihing lungsim na thei hi.

1 Kumpite 8:43

nangma in na tenna vantung panin za inlen, tua gamdang mipa in nang tunga ang ngetna zosie tawh kizui-in bawl in. Na mi Israel bangin leitung mi zosie in na min hing thei-in ang zatah nading le ka lamsa tami biehinn nangma’ min tawh a kilo zo ahina amate in a thei nading uh ahi hi.

1 Kumpite 8:61

Tua ahi ziehin Topa i Pasien tungah noma ma ki-ap unlen tuni-a bangin a thukhamte zui-in a thupiehnate mang un,” a ci hi.

2 Kumpite 20:3

“Topa aw, na mai-ah thuman le lungsim zosie tawh ka gamtatna, le na muna-ah a hoi ka sepzona thu tu-in ei phawh in, kang thum hi,” a ci hi. Hezekiah kaa citahin kap hi.

2 Kumpite 21:22

ama in a pu a pate’ Pasien ahi Topa nuasie a, Topa’ lampi zui lo hi.

2 Kumpite 22:2

Topa muna-ah a manin gamta a, a pa David’ lampi zosie zui hi; zietlamah hile veilamah hile ama piel lo hi.

1 Khangthute 22:19

Tu-in Topa na Pasien uh a sui dingin na lungsim ule na lungtang uh kipsah un. Topa’ min dinga kilam biehinn sungah Topa’ thuciemna singkuong le Pasien’ vanzah siengthote a kipeipi thei nadingin pei unlen Topa Pasien’ biehinn lam un,” a ci hi.

1 Khangthute 28:8

Tua ziehin tu-in tami gam hoi tangin na nua vua na tate uh tungah gamh-in na nuasie tawntung thei nadingun Topa mai-a kikhopna ahi Israel zosie’ muna le i Pasien’ zahna-ah na Topa Pasien thupiehna zosie zui-in sui un.

1 Khangthute 29:9

Tua ciengin tam mite in phalna tawh a pieh ziehun mite kipah mama hi. Bangzieh ahei cile lung khat suongin Topa kungah suohta tahin a pie uhi; Kumpi David zong nahpi tahin a lungdam hi.

2 Khangthute 12:5

Tua ciengin Shishak ziehin Jerusalem-a a kikhawm Rehoboam le Judah uliente kungah kamsang Shemaiah pei-in amate kungah, “Topa in tam bangin a gen hi: Note in kei nei nuasie uhi. Tuaci’n ken zong Shishak’ khut sungah note kang nuasie ta hi,” a ci hi.

2 Khangthute 15:2

Asa tawh kimu dingin ama pusuohin ama kungah, “Asa, Judah le Benjamin-te zosie aw, ka thugen ngai un. Ama tawh na om laisie uh note tawh Topa ang om hi. Ama na sui uleh ama na mu ding vua, ahi vangin ama na nuasie uleh ama in zong note ang nuasie ding hi.

2 Khangthute 6:30

na tenna van panin za-in ngaidam inlen, amau’ gamtatna tawh kizui-in nangma in a lungsim uh na thei bangin bawlpieh in, azieh pen nangma beh in mihing’ lungsim na thei hi.

Ezra 8:22

Bangzieh ahei cile kumpipa kungah ka Pasien un ama a suite zosie hepi a, a hi vangin ama a nuasie zosiete tungah a zauhuoi a lungthahna tungsah hi, ka na cisa uh ahi ziehin lampi-ah kote ei hun dingin galkapte le sakol galkapte ama kunga ka nget ding ka mai a zum hi.

Phatna-late 101:2

Keima in nuol baang lo lampi ka sin ding hi. Tua khu bang hunin nga ding ka hei? Lungsim citahna tawh ka inn sungah ka kalsuon ding hi;

Phatna-late 139:2

Nang in ka suh ka to na thei hi; ka ngaisutnate nang in gamlapi panin na thei hi.

Phatna-late 17:3

Ka lungtang sittel inlen, zanin ka kungah hing haw-in, ei ze-et lacin ka sungah gitlona na mu sih ding hi; ka kam in zong bangma a genkhiel sih hi.

Phatna-late 18:2

Topa pen ka suongpi, ka kulpi le keima ei hunkhie pa ahi a, ka Pasien, ka kibuhna ka suongpi, ka lum, ka kihutdama ki, le ka munkip ahi hi.

Phatna-late 7:10

Pasien khu ka kidalna lum ahi a, lungsim dih mite a hundam pa ahi hi.

Phatna-late 7:9

Lungsim le lungtang a sittel a thuman Pasien aw, migilote’ gitlona tawpsah inlen, mi thumante sukip in.

Phatna-late 89:26

Ama in kei kungah, ‘Nangma ka pa, ka Pasien le ka kihutdamna Suongpi na hi hi!’ ei ci ding hi.

Phatna-late 89:38

Ahi vangin nangma in tu-in ama nawlkhinin na nuol zo hi; na sathau nu pa tungah na thangpai mama hi.

Phatna-late 9:10

Topa aw, nang ang suite na nuasie lo ziehin, nangma’ min a theite in nang ang muong uhi.

Paikhiatna 15:2

Topa khu ka zaitha le ka thahatna ahi a, ama ka hutdamna a suoh zo hi. Ama ka Pasien ahi a, ama ka phat ding hi. Keima in ka pa’ Pasien phatin ama ka liensah ding hi.

Paikhiatna 3:16

Pei-in Israel upate khawm inlen a kung vuah, “Topa, na pu na pate uh’ Pasien, Abraham’ Pasien, Isaac’ Pasien le Jacob’ Pasien keima tungah ang kilah zo hi. Egypt gam sungah na tung vua ang kibawlna ka mu zo hi.

Paunakte 17:3

Sia a kihuontuina-ah ngun kihalin, meikhuh sungah kham kisittel a, ahi vangin Topa in mihing lungtang sittel hi.

Paunakte 3:6

Na vai zosie-ah ama phawh in, tua hile ama in na lampite ang zangsah ding hi.

Paunakte 4:4

ama in thu ei hil a, ka kungah, “Na lungsim in ka thugente tukipsah in; kang thupiehte zui-in hing in.

Isaiah 1:28

Hizongle mi ledote le mawneite kisuhsiet tha ding a, Topa taisante ahile kimangthaisah ding hi.

Isaiah 38:3

“Nangma mai-ah thumaanna le lungsim zosie tawh gamta-in nangma muna-ah sil hoi ka bawl lam tu-in ei phawh in, kang thum hi, Topa aw,” a ci hi. Tuale Hezekiah nahpi tahin kap hi.

Isaiah 45:19

Keima in khuomielna gam sungah thu ka dapgen sih hi; Jacob’ suonlehlahte kungah, “Buoina lahah kei ei sui in,” zong ka ci sih hi. Keima Topa in thuman ka gen a, thudih ka tangko hi.

Jeremiah 11:20

Ahi vangin thu mantaha a khen, mihing’ lungsim le ngaisutna a encien Vanglien Topa aw, amate na thuhkiana ei musah in, bangzieh ahei cile ka vai zosie nangma kang ap zo ta hi.

Jeremiah 17:10

Keima Topa in amau’ gamtatna le amau’ sep thaman zui-a a pie dingin lungsim ka sittel a, lungtang zong ka sui hi.

Jeremiah 20:12

Vanglien Topa aw, nangma in midihte na sittel a, nangma in mihing’ lungtang le a lungsim na mu hi; nangma in amate tunga na thuhkiana ei musah in, azieh pen nangma tungah ka vaite kang ap zo hi.

Jeremiah 22:16

Ama in mizawngte le mi cimawte’ vai thutang tawh a khenpieh hi; tuaci’n ama a khutlam a zang hi. Tam khu kei nei thei nading uh hi lo amah, Topa in ci hi.

Jeremiah 24:7

Keima Topa ka hi lam theitheina lungsim amate ka pie ding hi; ka kungah a lungtang zosie utawh ang kilekia ding uh ahi ziehin amate keima’ mi ahi ding vua, kei zong amau’ Pasien ka hi ding hi.

Jeremiah 29:13

Note in keima nei sui ciengun, na lungsim zosie utawh nei sui uleh nei mu ding uhi.

Jeremiah 29:14

Note’ mu-in ka om ding hi, Topa in ci hi. Tuale na gam uh kang piekia ding a, note kang delmangna gam zosie le mun zosie panin kang kaikhawm kia ding a, sala kang matsahna mun ma-ah kang tutkia ding hi, Topa in ci hi.

Jeremiah 31:34

Koima in, “Topa thei in,” ci-in amate khatlekhat kihil nawn loin, khatlekhat zong kigen nawn lo ding uhi, bangzieh ahei cile amate in a neupen panin a golpen dongin a unpi-un keima ei thei ding uhi, Topa in ci hi. Azieh pen keima in amau’ khielna ka maisah ding a, a mawna uzong phawkhahin ka nei nawn sih ding hi.

Jeremiah 9:24

a kisatheite in keima, Topa leitungah itna kip, thutang, le thuman a zang ka hina ei theitelna vuah kisathei zaw uheh, azieh pen tamte ah kipahin ka lung a kim hi, Topa in ci hi.

Ezekiel 11:5

Tua ciengin ka tungah Topa’ hlagau ang tu a, ama in keima kungah, “Topa in tam bangin gen hi, ci-in gen in: Israel innkuonte aw, na ngaisutna uh tami ahi hi; na lungsim sung vua na ngaisutnate uh ka thei hi.

Ezekiel 38:10

Topa Pasien in tam bangin gen hi: Khum ni ciengin na lungsim ah ngaisutna khat ang suoh ding a, a hoi lo gelna khat na sawm ding hi.

Hosea 4:1

Israel mite aw, Topa’ thugen ngai un; azieh pen Topa in gam sunga a tengte mawmatna khat nei hi. Gam sungah citahna, dihna le Pasien theina om lo hi.

Hosea 4:6

Theina a kitasap ziehin ka mite a kisie uhi; nang in theina na nual ziehin ka siempu dingin nang kang nuol hi. Note in na Pasien uh’ thukham na mangngil ziehun, keima in zong na tate uh ka mangngil ding hi.

John 1:47

Jesu in ama kung zuon a a pei Nathanael a mu bepin, “A zuou ngai lo Israel mi tahtah khat tanah a om hi,” ci-in a gen hi.

John 17:3

Tuale amate in nang beh Pasien man tahtah na hina le na sawlpa Jesu Khris a thei siemna uh pen kumtawn hinna ahi hi.

John 2:25

ama ma in mikim sungah bang om ahei, ci thei zo ta ahi ziehin, koima in ama kungah mi khatpo’ thu teci a kipan ding kisam sa lo hi.

John 21:17

Ama in, “John’ tapa Simon aw, kei nei it ei mah?” ci-in a thumveina dong leuleu hi. “Nang in kei nei it ei mah?” ci-in thumvei a dawh ziehin Peter da mama a, tua ahi ziehin, “Topa, na zosie na thei a, ke’n nang kang it lam zong na thei hi,” a ci hi. Jesu in ama kungah, “Ka tuute na cing in.

John 4:24

Pasien pen Hlagau ahi a, ama a biete in lungsim le thuman thutah tawh a bie ding uhi,” a ci hi.

John 8:55

Note in ama na thei sih vua, ahi vangin ke’n ama ka thei hi; ama ka thei sih hi, ci leng note bangin mizuou ka hi ta ding hi. Ahi vangin ke’n ama ka thei a, a thu zong ka mang hi.

Nasepte 1:24

Tua ciengin amate in thu ngenin, “Topa aw, nangma in mi zosie’ lungsim na thei hi.

Nasepte 17:23

Bangzieh ahei cile khuo sung muncin tengah vah kawikawi-in na bieh uh nate ka cienvel ciengin maitam tung khatah, ‘A kithei kha lo pasien ading,’ ci-a kigiel lai khat ka mu hi. Tua ahi ziehin na kung vuah thei khah lopi-a na bieh pa uh ang tangko ka hi hi.

Nasepte 17:30

Mihingte’ thei lo hun lai-in Pasien in phamaw a na sa sih a, tu-in ahile ama in mun zosie-a om mi zosie a kisiakia nadingun thu a pie hi.

1 Corinth-te 15:34

Hoitahin thu ngaisun pha unlen na maw nawn sih un; bangzieh ahei cile mi kimkhat in Pasien thu a thei sih uhi. Keima in na maizum nading vua kang gen ahi hi.

2 Corinth-te 4:6

Azieh pen, “Khuomiel lahah khuovah tang heh,” a ci Pasien in kote tungah Jesu Khris’ maitanga a tang Pasien’ minthanna theitheina khuovah ei pieh nadingin ama in kote’ lungsim sungah khuovah ang tangsah hi.

2 Corinth-te 8:12

Bangzieh ahei cile thanopna a op nah po leh nei lona pansia loin neina tawh kizui-a kipie letsong pen a santah ahi hi.

2 Corinth-te 9:7

Mi zosie in na lungsim sung vuah pieh dinga na khensatsa bangun na pie ciet ding vua, lungsi pipi ahi sihle pieh lo phamaw ci dan tawh na pie sih ding uhi, bangzieh ahei cile Pasien in lungtaitaha a pie mite a it hi.

Thupiakkikna 10:12

Israel-te aw, tu-in Topa na Pasien un na tung panun bang ang kalh ahei? Na hoi nadingun na Topa na Pasien beh uh zatatin a lampite zosie zui-in, ama na it vua, na lungtang zosie ule na hinna zosie utawh Topa na Pasieh uh’ na semin,

Thupiakkikna 31:21

A tung vuah a zauhuoi gimna tampi a tun ciengin a langkhat vuah tami la teci-in a pang ding hi, azieh pen a suonlehlate’ kam sung panin tami la mangngil thei loin a om ding hi. Bangzieh ahei cile keima in amate pieh dinga ka ciemsa gamah ka tut masang, tu nangawnin zong bang bawl nuom uh ci ka thei hi,” a ci hi.

Thupiakkikna 4:35

Topa pen Pasien ahi hi, ci-a na thei nadingun na tung vuah tam thu ang kilah ahi a, ama simlo koima dang a om sih hi.

Hebrews 12:28

Tua ahi ziehin eite in a kilawh zo lo kumpi gam nga zo i hi ziehin i kipah ding vua, tuaci’n eite in zatahna le zauna tawh Pasien tungah san thei biehna i lui ding uhi.

Hebrews 4:13

A mai-ah a kiselcip thei a kipiengsah na khat beh a om sih a, i thu tut nading pa mitmu ah na zosie a lie a dal om loin kilang sinsen hi.

1 Peter 5:2

Note’ kep dinga ang kipie Pasien’ tuuhonte, pausawl thu tawh hi lo, a siengtho lo sum nga nopna tawh zong hi loin, Pasien in note ang dei bangin thanopna lungsim tawh na cingzaw un.

Kilaakna 2:23

tuale keima in tua numei’ tate ka satlia ding hi. Tua ciengin hlattuom pawlpite zosie in kei pen lungsim le lungtang a sui pa ka hi lam ei thei ding vua, khat ciet tungah na gamtatna utawh kituohin kang thuhkia ding hi.

1 Samuel 12:20

Samuel in mite kungah, “Zau sih un; tam gitlona zosie na bawl zo ta uhi, hinanle Topa na zuina uh pan piel sih unlen na lungsim zosie utawh Topa’ na sem un;

1 Samuel 16:7

Hinanle Topa in Samuel kungah, “A melpuoh ahi sihle a duong sanna lam en sin, azieh pen keima in ama ka nuol zo hi; bangzieh ahei cile Topa in mihingte’ mu bangin a mu sih hi; amate in a putham melpuoh dan en a, hinanle Topa in lungtang a en hi,” a ci hi.