1 Khangthute 27:1 - Zo Bible

¹ Tam pen Israel mi, innkuon lutangte, a tul le a za-a a uhte, le khen khatah mi tul sawmni le tulli ta a pha, kum khat sung tawntung hla khat zaw hla khat vaitung le vaikuon dinga kise a khente tawh kisai-in na zosie-ah kumpipa’ na a sem a uliente uh’ min kikhumna ahi hi:

LAISIENGTHOU CL Bible (BSI)

¹ Tami Israel tate tam dan ahi: apulepate uh tulpipente leh galkap tul tunga lamkaite, za tunga lamkaite, ahun dungzui a banglam pou a leengpa nasemmite kum khat sunga hachin a kiheng zelzel pawl chin a mi tulsawmni leh tul li ahi uhi.

Zokam International Version

¹ Hih in Israel-te min khumna ahi - innkuan lutangte le a tulte le a zate a uk, amaute uliante hi-a, amaute in kum tawntung kha simin a kisam bangin kikhel-a kumpipa nasemte ahi uh hi. Khen khat ah mi 24,000 ahi hi.

1 Khangthute 27:1 ပူးပေါင်းရင်းမြစ်များ

2 Samuel 23:8

Tam teng David’ nei galhang mite’ min ahi hi: Josheb-basshebeth pen Tahchemon-te a hi hi; ama pen Thumte a uhpa ahi hi; ama in a teipi tawi-in mi zagiet thakhatin that hi.

1 Kumpite 4:27

Uliente in amau’ sih hla-in kumpi Solomon le kumpi Solomon’ sabuoi tunga ankuong a impi mi zosie’ neh ding a pie ciet uhi; amate bangma a kitasam sih uhi.

1 Kumpite 4:7

Israel mi zosie tungah Solomon in ulien sawm le ni nei a, tua teng in kumpipa le a innkuonte adingin anneh tuidawn a sih uhi; mi khat in kum khatin anneh tuidawn hla khat ta a sih ciet ding uh ahi hi.

1 Kumpite 5:14

Ama in hla khatin amate tul sawm a kikhelin Lebanon lamah a sawl hi; Lebanon-ah hla khat sung omin inn ah hlani sung om ding uhi; Adoniram in thona-aana nasep uh hi.

1 Khangthute 11:10

Tu-in tam teng pen Israel tawh kisai-in Topa’ thugen bangin ama kumpi a suo thei nadingin, Israel zosie tawh ama’ kumpi gam sungah ama nahpitaha a panpi David’ galhangte’ uhpite ahi uhi.

1 Khangthute 13:1

David in a tul-a uhte, a za-a uhte le a makai zosie tawh thu kikupna nei hi.

1 Khangthute 26:32

Kumpi David in ama le a sanggamte, siemna nei mi tulni le zasagi, innkuon lutangte ahite pen Pasien tawh kisai na zosie le kumpipa vaite-ah Reuben-te, Gad-te, le Manasseh minam alangte tungah a vil dingin kise hi.

1 Khangthute 27:2

A hla masa sungin Zabdiel’ tapa Jashobeam pen a khen masa a uhpa ahi hi; ama’ khen sungah mi tul sawmni le tulli a om hi.

1 Khangthute 28:1

David in Israel uliente, minam uliente, kumpipa’ na a sem a khen khena uliente, a tul uh galkap uliente, a za uh galkap uliente, neisa zosie le kumpipa’ ganhonte le a tapate a kemte, kumpi inn sung uliente, mi thahat galhangte, le galhang zosie tawh Jerusalem ah a unpi-un a kikhawmsah hi.

1 Khangthute 29:6

Tua ciengin pupa innkuon lutangte in amau’ nopthu-in piehkhietna a bawl vua, minam makaite, a tul le a za a uhte, le kumpipa’ nasepna a uh uliente in zong a bawl uhi.

2 Khangthute 1:2

Solomon in Israel mi zosie, a tul uhte le a za uhte, thukhente, Israel makaite zosie, le innkuon lutangte hlan hi.

Paikhiatna 18:25

Moses in Israel zosie sung panin nasem thei mipilte teelin mipi tunga lutangte le, a tul, a za, a sawmnga, le a sawmte tunga vaihawm ulienin amate a koi hi.

Micah 5:2

Bethlehem Ephrathah aw, Judah bete lahah a neu pen na hi vangin, nang sung panin Israel a uh ding mipa khat ang pieng ding a, ama ang kipatna pen tangtawng ni masa lai ahi tabo hi.

Thupiakkikna 1:15

Tuaci’n na minam makaite uh ahi mipil le a kizatah mite ka la a, na tung vuah a tul uh, a za uh, a sawmnga uh, a sawm uhte, le uliente-in ka pangsah a, na minam zosie sung vuah makai vaihawm dingin ka koi hi.

Joshua 23:1

Topa in Israel’ kimvela om a galte zosie panun tawlngahna a pieh zaw a sawtpi ciengin Joshua zong vuoi-in kum tampi pha ta hi.

1 Samuel 8:12

tuale ama adingin a tulkhat uhte, le a sawmnga uhte, pawl khatte a lo kai-in a an at ding, le a gal vanzah le a leeng vanzahte bawl dingin se ding hi.