1 Khangthute 21:7 - Zo Bible

⁷ Ahi vangin tami thu-ah Pasien lungkim lo a, ama in Israel a vatgawp hi.

LAISIENGTHOU CL Bible (BSI)

⁷ Tualeh tam sil ah Pasian alungkimta sih a, tuaziehin Israelte agawtta hi.

Zokam International Version

⁷ Pasian muhna-ah zong hoih lo a; amah in Israel dan a tuaksak hi.

1 Khangthute 21:7 ပူးပေါင်းရင်းမြစ်များ

2 Samuel 11:27

Kaa le mau teng a ven zaw ciengin David in mi sawlin ama hlansah a, ama David’ zi suohin ama tawh tapa khat a nei hi. Hinanle David’ gamtatna tungah Topa a lungkim sih a,

2 Samuel 15:26

Ahi vangin ama in, ‘Nang tungah lungkim sing,’ ei ci leh tanah kei ka om hi, ama in hoi a sah bangin kei tungah bawl taheh,” a ci hi.

2 Samuel 21:1

Tu-in kum khat zaw kum khat, David’ khan sungin kum thum sung kielpi a tung hi; tuale David in Topa kungah thu dong hi. Topa in, “Ama in Gibeon-te a tha ziehin Saul le a innkuon tungah sisan luonsahna zieha khielna a om hi,” a ci hi.

2 Samuel 21:14

Zela khuo Benjamin’ leitang, a pa Kish’ han sungah Saul le a tapa Jonathan’ gute a phum vua, kumpipa’ thupieh zosie a sem uhi. Tua zaw ciengin Pasien in khum gam adinga thumnate a sang hi.

2 Samuel 24:1

Khatvei Israel tungah Topa a sinsokia a, amate langkhatah David hantawhin, “Pei inlen Israel le Judah mite va sim ta’n,” a ci hi.

2 Samuel 24:10

Ahi vangin khum zaw ciengin ama in mi a sim zo tah ziehin David kisia mama hi. David in Topa kungah, “Ka silbawlsa tung tangah nahpi tahin ka maw hi. Ahi vangin tu-in, Topa aw, nang tungah kang thum hi. Na nasempa’ khielna ei ngaidam in. Azieh pen ka mot gamtat hai kha ta hi,” a ci hi.

1 Kumpite 15:5

bangzieh ahei cile Hit mi Uriah tungtang khat ci simlo Topa muna-ah David a dihin gamta a, a hin sung tungtawnin a thupieh khat popo panin ama piel lo hi.

1 Khangthute 21:14

Tuaci’n Topa in Israel tungah pul natna tungsah a, Israel mi tul sawmsagi a si hi.

1 Khangthute 21:6

Ahi vangin Joab in a mi simna ah Levi le Benjamin halkha lo hi. Bangzieh ahei cile ama in kumpipa’ thupieh pen kidahhuoi a sa hi.

1 Khangthute 21:8

David in Pasien kungah, “Tami ka bawlna-ah ka khiel seng ta hi. Ahi vangin nangma kungah tu-in kang tau hi, na nasempa’ mawnate lamang ta’n; azieh pen mothuoitahin ka gamta zo ta hi,” a ci hi.

Joshua 7:1

Hinanle a ki-ap vante tawh kisai-in Israel-te tam bangin a zuoutat uhi: Judah minam Zerah’ tapa Zabdi, a tapa Carmi, a tapa Achan in a ki-ap vante pawlkhat a la hi; tuale Israel-te tungah Topa’ lungthahna a kuong hi.

Joshua 7:13

Mite na siensuo khu zom inlen, ‘Zing cieng adingin no le no kisiensuo ciet un; azieh pen Topa, Israel Pasien in, ‘Israel-te aw, na lah vuah a ki-ap vante om hi; note lah panin a ki-ap vante na lah masangsie-un na galte uh mai-ah na ding zo sih ding uhi,” a ci hi.

Joshua 7:5

Ai khuo mite in sawmthum le guh bang a that vua, khuopi kulpi pulam panin Shebarim mun dongah delin kumsuhna munah a that uhi. Mite lungkie-in a lungsim uh tui a suoh hi.