1 Khangthute 18:11 - Zo Bible

¹¹ kumpi David in Edom, Moab, Ammon-te, Philistia-te, le Amalek, minam zosie kung panin a puoh ngun le khamte tawh Topa kungah tam teng zong a apton hi.

LAISIENGTHOU CL Bible (BSI)

¹¹ Tamte zong leengpa David in tam Edom leh Moab namte leh Ammon leh philistin tualeh Amalek namte a kipata alah sana, dangkate toh Mangpa kungah alan khawmta hi.

Zokam International Version

¹¹ Kumpi David in hih minamte khempeuh: Edom le Moab, Ammon-te le Philistia-te le Amalek-te tunga a lak ngun le khamte TOPA tungah a hihsa bangin hihte zong a ap hi.

1 Khangthute 18:11 ပူးပေါင်းရင်းမြစ်များ

1 Kumpite 7:51

Tua ahi ciengin Kumpi Solomon in Topa’ biehinn a lamna zosie kiman sieng hi. Solomon in a pa David’ siensuosa ngun, kham le vanzahte peipi-in Topa’ biehinn sunga gou kholna-ah tuate a khol hi.

2 Kumpite 12:18

Judah Kumpi Jehoash in Jehoshaphat, Jehoram, le Ahaziah, ama’ pu le pate, le Judah kumpite in a apsa pieh dinga a kamciem uh letsong zosie le a kamciemsa letsongte le Topa’ inn sung le kumpipa gou kholna sunga a kimu kham zosie la-in Aram kumpipa Hazael kungah a puoh hi. Tua ciengin Jerusalem panin Hazael a peikhie hi.

1 Khangthute 18:10

ama in Hadadezer simin a zaw ziehin ama a hopi ding le a kipahpi dingin Kumpi David kungah a tapa Hadoram a sawl hi. Tu-in Hadadezer le Tou gal kido thei zel uhi. Ama in kham, ngun, le sumngo tawh a kibawl na namkim puoh a,

1 Khangthute 18:12

Zeruiah’ tapa Abishai in Ci Kuompi ah Edom-te tul sawm le tulgiet that hi.

1 Khangthute 22:14

Topa’ biehinn dinga keima in gim le tawl thuohin kham talent tul zakhat, ngun talent awn khat, le a kite zo lo sumngo le siate ka koi zo hi. Bangzieh ahei cile tuate khu a tam mama a, keima in note single suongte zong kang pie zo hi; nangma in tam teng na belap ding ahi hi.

1 Khangthute 26:20

Levi-te lahah Ahijah in Pasien’ biehinn goukholnate le a ki-ap letsong koinate uh hi.

1 Khangthute 29:14

“Ahi vangin tam bang nop thu-a biehna ka bawl thei nadingun kei koi ka hi a, ka mite koi ka hi uh ahei? Azieh pen na zosie nangma kung pana ang pei ahi a, nangma kungah nangma-a’ ma kang pieh uh ahi bo hi.

2 Khangthute 5:1

Tua ahi ziehin Solomon in Topa’ biehinn ading nasep zosie a man sieng hi. A pa David in a apsa nate Solomon in peipi-in, ngun, kham, le vanzah zosie Pasien’ biehinn sung vanmanpha koinate sungah koi hi.

Paikhiatna 35:5

Note lah panin Topa tunga pieh ding biehna pie un; kiphalna lungtang a nei poma in Topa’ biehnate hing tawi uheh. Tuate pen: kham, ngun le sumngo,

Micah 4:13

Zion tanu aw, tho-in cil in, azieh pen na ki sia-in ahi a, na kephang sumngo-in ahi zongin ka bawl ding hi; mi tampite tuoncilin, Topa tungah amau’ neisate na pie ding a, leitung buppi a uh Topa tungah amau’ hauna teng na pie ding hi.

Joshua 6:19

Ahi vangin ngun le kham zosie, le sumsan le sia tawh kibawl vante Topa adingin a siengtho hi. Topa’ gou kholna-ah tuate tung ding hi,” a ci hi.

Joshua 6:24

Amate in a khuopi le a sunga om zosie mei tawh halin Topa’ goukholna sungah ngun le kham, sumsan le sia tawh kibawl vante a koi uhi.

1 Samuel 30:13

Tua ciengin David in ama kungah, “Nang koite na hiei? Nang hei pan na hiei?” a ci hi. Ama in, “Amalek-te khat’ nasem ka hi a, Egypt tangval khat ka hi hi. Tu masang ni thum lai-in ka cina ahi ziehin ka pupa in ei nuasie hi.

1 Samuel 30:20

David in ganhing dangte masanga kihawi bawnghon, keelhon le ganhon zosie zong man sieng hi; mite in, “Tami khu David’ galvan lahte ahi hi,” a ci uhi.