1 Corinth-te 9:5 - Zo Bible

⁵ Sawltahpi dangte, Topa’ naute le Cephas ma bangin ko zong thu um zite a zawpi thei ding hi lo ka hi uh amah?

LAISIENGTHOU CL Bible (BSI)

⁵ Sawltah dangte leh Mangpa unaute leh kipha banga gingta mi zi khat zawpi kawikawi theilou ka hi tuom uoi mah?

Zokam International Version

⁵ Sawltakpi dangte Topa sanggamte le Cephas a-te bangin thu um mi zi neih theihna thuneihna nei lo ka hi uh hiam?

1 Corinth-te 9:5 ပူးပေါင်းရင်းမြစ်များ

Zailate’ Zaila 4:12

Angkawi ding nu ka sannem no, deizun huonlei imtuom no aw, deizun huonlei imtuom no aw, a samtui nah imtuom no aw.

Matthew 13:55

Khutsiempa’ tapa hi lel lo amah? A nu zong Mary kici nu hi lo amah? A sanggamte zong khu James, Joseph, Simon le Judas ahi sih uh amah?

Matthew 8:14

Pater’ inn ah Jesu a lut leh ama in cithuo natna tawh lupna tunga a lum a sungnu a mu hi.

Mark 1:30

Simon’ sungnu cithuo-in lupmun tung ngahin om a, tuale ama kungah tua nu thu thakhatin a gen pai uhi.

Mark 6:3

Ama pen khutsiempa Mary’ tapa hi lel lo amah? A sanggamte zong James, Joses, Judas le Simon-te hi lo uh amah? A nau numeite zong tanah eite tawh om hi lo uh amah?” a ci uhi. Tuale ama tungah a lungkim sih uhi.

Luke 6:15

Matthew le Thomas, Alpheaus’ tapa James le Zealot kici Simon,

Luke 8:20

Tua bepin, “Nang ang mu nuomin a pulamah na nu le na sanggamte a ding uhi,” ci-in ama kungah kigen hi.

John 1:42

Ama in Jesu kungah Simon peipi a, Jesu in ama enin, “Nang, John’ tapa Simon na hi hi. Cephas ang kici ta ding hi,” a ci hi. ( Peter ci-in kilet hi).

John 2:12

Tua ciengin Capernaum khuo ah a nu, a sanggamte, le a nuazuite tawh pei-in khum tahah bakhat sung a taam uhi.

Nasepte 1:14

Amate zosie in numei pawlkhat, Jesu’ nu Marry, le a sanggam pasalte tawh lungsim kikhatin thungetna a nei zing uhi.

Rome-te 16:1

Cenchreae khuo-a om numei pawlpi upa ahi, i sanggam nu Phoebe pen mihoi ahi lam kang theisah hi.

1 Corinth-te 1:12

Ka ci nopna-ah note khat ciet in, ‘Kei Paul’ pawl, kei Apollos’ pawl, kei Chephas’ pawl, kei Khris’ pawl ka hi hi,” na ci deidoi uhi.

1 Corinth-te 7:15

Ahi vangin thu um lo zaw pen in kikhen ding a nop po leh kikhen uheh; tam bang thu-ah sanggam pa hile, sanggam nu hile a khi a om sih hi. Pasien in eite a kilem dinga ei hlatsa ahi hi.

1 Corinth-te 7:39

Zi pen a pasal a hin laisie a kikhaukhi ahi hi. A pasal a si leh a dei khatpopo kinunpi thei a, hizongle Topa sung behah hi ding hi.

1 Corinth-te 7:7

Mi zosie kei banga a op zawh uleh hoi ka sa hi. Ahi vangin mikim in Pasien tung panin letsong tuomtuom a nei ciet vua, mi khat in tami letsong nga a, adang khat in a tuom khat nga hi.

1 Corinth-te 7:8

Kinunpi a nei nai lote le meigong numeite tunga ka cina-ah keima bangin kinunpi nei loin a op suoh uleh amate adingin hoi ka sa hi.

Galatia-te 1:19

Ahi vangin Topa’ sanggam pa James simlo sawltahpi dangte khat zong ka mu kha sih hi.

1 Timothy 3:2

Hlattuom pawlpi kem siepa pen genbang lo mi, zi khat beh a nei mi, a kideh zo mi, a pilvang mi, a zatahhuoi mi, zindo siem mi, thuhil siem mi,

1 Timothy 4:3

Amate in kiten kipinate a kham vua, thuman thutah thei-in a um mite in lungdamkona tawh a san zieu ding vua Pasien in a piensah ante a tan nadingun thu a pie uhi.

1 Timothy 5:2

Siengthona tahtah tawh a tazaw numeite na nu bang in hopi inlen, a khangdawng zaw numeite sanggam nu bangin hopi in.

Titus 1:6

Tua upa dingte pen paubanna a om lo mi, zi khatvei beh a nei mi hi ding a, a tate zong thu um mi hi-in, huasanin thu mang lo hi, ci-a a kimawsah lo mite hi ding hi.

Hebrews 13:4

Mi zosie in kiten kipina thupisah hinlen, nupa lupna zong buasah sih uheh; azieh pen numei-pasal mawna a bawlte le angkawmte tungah Pasien in thu a khen ding hi.