1 Corinth-te 9:1 - Zo Bible

¹ Kei a suohta mi hi lo ka mah? Kei sawltahpi khat hi lo ka mah? I Topa Jesu mu zo hi lo ka mah? Note zong Topa sunga ka nasep hi lo na hi uh amah?

LAISIENGTHOU CL Bible (BSI)

¹ Sawltah hilou ka hiei mah? Noplen hilou ka hiei mah? Ken i Mangpa uh Jesu Khrist ka mu sih amah? Noute Mangpa a ka nasepga hilou na hi uoi mah?

Zokam International Version

¹ Kei suakta hi lo ka hi hiam? Sawltakpi khat hi lo ka hi hiam? I Topa Jesu mu khin hi lo ka hi hiam? Topa sunga ka nasepna gah note hi lo na hi uh hiam?

1 Corinth-te 9:1 ပူးပေါင်းရင်းမြစ်များ

Nasepte 13:2

Topa bie-in an tangin a op laitahun Hlagau Siengtho in, “Amate in kei adingin ka hlatna nasep a sem dingin Barnabas le Saul ei tuomkhen pieh un,” a ci hi.

Nasepte 14:14

sawltahpite ahi Barnabas le Paul in a zah ciengun a puon uh balkehin mihonpi lahah tai-in a kiko vua,

Nasepte 14:4

Ahi vangin khuo sunga teng mite a kiphalsuo vua, pawlkhat in Jew mite panpi-in adang pawlkhat in sawltahpite a panpi uhi.

Nasepte 23:11

Khum zanin Paul kungah Topa ding a, “Kilungkhausah in! Bangzieh ahei cile Jerusalem khuo ah keima’ thu teci na pan bangin Rome khuopi ah zong teci na pang ding hi,” a ci hi.

Nasepte 9:15

Hinanle Topa in ama kungah, “Va pei in, bangzieh ahei cile ama pen Gentile-te, kumpite, le Israel-te mai-ah ka min a puo dinga ka tuomtelsa ka vanzah khat ahi hi.

Nasepte 9:17

Tuaci’n Ananias pei-in tua inn sungah a lut hi. Ama in Saul tungah a khut nga a, “Sanggam pa Saul aw, nangma in khuo mu theikia-in Hlagau Siengtho tawh na kidim thei nadingin tami mun na peina lampi-a ang kilah ahi Topa Jesu in kei ei sawl hi,” a ci hi.

Nasepte 9:3

Ama pei-in Damascus khuo a tun kuon ciengin vantung panin khuovah khat in a kimkot thakhatin a khawsuh hi.

Nasepte 9:5

Ama in, “Topa aw, nang koi na hei?” ci-in dong hi. Ama in, “Nei bawlsiet Jesu ka hi hi.

Rome-te 1:1

Pasien’ lungdamna thu gen dinga ei kituomkoi, sawltahpi dinga ei kihlan, Jesu Khris’ nasem keima Paul in kang hopi uhi.

Rome-te 1:5

Ama tungtawn le ama’ min ziehin Gentile-te zosie lahah upna le thumanna a op thei nadingin kote in hepina le sawltahpi za ka nga vua,

Rome-te 11:13

No Gentile-te tunga thu ang gen ka hi hi. Gentile-te adinga sawltahpi ka hi ziehin ka nasepna a genpha ka hi a,

1 Corinth-te 1:1

Pasien’ deina tawh Khris’ sawltahpi dinga kihlan Paul le i sanggam pa Sosthenes in,

1 Corinth-te 10:29

Kitheina lungsim ka ci ciengin nang-a’ beh a ci nuom ka hi sih a, adangte-a’ zong a ci nuom ka hi hi. Ka suotahna pen bang dingin midang khat’ kitheina lungsim in thu khensah laizang ding ka hei?

1 Corinth-te 10:30

Lungdamna tawh ka neh leh lungdam ko-a ka nehna ziehin bang dingin ei kigensie ding ahei?

1 Corinth-te 11:16

Hinanle tami thu a niel nuom a op khah leh eite in tua bang ngaina i nei sih vua, Pasien’ hlattuom pawlpite in zong a nei tuon sih uhi.

1 Corinth-te 3:6

Keima in ka suon a, Apollos in tui a buoh hi, ahi vangin a khangsah pen Pasien ahi bo hi.

1 Corinth-te 9:19

Bangzieh ahei cile koima’ sila ka hi sih vangin mi a tam theithei ka nga thei nadingin mi zosie’ sila ka kisuohsah hi.

2 Corinth-te 10:7

Na maitang vua nate en un. Khris-a’ ka hi hi, ci-in na kimuon uleh note, Khris-a’ na hi ma bangun ko zong Khris-a’ ma ka hina thu uh phawh ta un.

2 Corinth-te 11:5

Kote ka hi ule tami a thupi mama sawltahpite sangin a neu zaw-in ka kingaisun tuon vawt sih uhi.

2 Corinth-te 6:1

Ama tawh na semton ka hi bangun Pasien’ hepina a mawhna-a a sang ka suo lo nadingun kang thum uhi.

Galatia-te 1:1

Mihingte sawlna tawh ahi lo, thunei mihingte tung pan zong hi loin Jesu Khris le misite lah panin ama a thosah Pasien tung panin sawltahpi khat ahi keima Paul le

Galatia-te 5:1

Azieh pen suotahna i nga nadingin Khris in eite ei suohtasah hi. Tua ahi ziehin suotahna sungah dingkipin saltanna hahkol kisuonkia nawn sih un.

1 THESSALONIKA 2:6

Khris’ sawltahpite bangin thu khatpopo kang kalh thei vangun note tung pan ahi a, midangte tung pan ahi zongin phatna ka sui sih uhi. Tuale mahin nupi naukem khat in a tate nunnemtahin a zen a khoi bangin note lahah ka nunnem uhi.

1 Timothy 2:7

Tami adingin keima tangko pa le sawltahpi dingin ei kise zo a, (zuouthu gen loin thutah a gen ka hi hi), kei pen upna le thutah ah Gentile-te’ siepa ka hi hi.

2 Timothy 1:11

Tami lungdamna thu adinga a tangkopa, sawltahpi le siepa dinga ei kisesa ahi a,