1 Corinth-te 13:13 - Zo Bible

¹³ Tuale tu-in upna, lametna, le itna tam teng thum a om den uhi. Tam teng lahah a thupi pen itna ahi hi.

LAISIENGTHOU CL Bible (BSI)

¹³ Tua leh tuin, ginna, kinepna leh itna, tamteng thum a umden hi, hinanleh tamteng lah a alien pen itna ahi.

Zokam International Version

¹³ Tu-in upna, lametna le itna hih thumte a om den hi. Ahi hangin hih thumte lakah itna a lianpen hi.

1 Corinth-te 13:13 ပူးပေါင်းရင်းမြစ်များ

Phatna-late 146:5

A panpi dinga Jacob Pasien a nei, amau’ Topa Pasien sunga kinepna a nei mite thupha nga ahi uhi.

Phatna-late 42:11

Ka hlagau aw, bang dinga lungkham a, bang dinga ka sunga buoi na hei? Pasien tungah lametna nei in; bangzieh ahei cile keima in ei panpi ka Pasien ka phatkia ding hi.

Phatna-late 43:5

Ka hlagau aw, bang dingin kilungkhamsahin, ka sungah bang dingin buoi den mielmuol na hei? Pasien sungah lametna nei in; bangzieh ahei cile keima in ei panpi ka Pasien ka phatkia ding hi.

Luke 10:27

Ama in, “Topa na Pasien, na lungtang zosie, na hla zosie, na hatna zosie le na ngaisutna zosie-te tawh na it ding a, nang le nang na ki-it bangin na vengpa zong na it ding hi,” ci-in a dawng hi.

Luke 22:32

Ahi vangin na upna na hlasuo lo nadingin thu kang ngetpieh zo hi; nang kiheikia ciengin na sanggamte na thakhausah in,” a ci hi.

Rome-te 15:13

Hlagau Siengtho’ vanglietna ziehin lametna tawh note na kidimlet thei nadingun, lametna Pasien in kipahna zosie le upna zieha lungmuonna zosie tawh note hing dim taheh.

1 Corinth-te 14:1

Itna del unlen, hlagau letsongte lunggul un, adiehin kamsang a thugenna lunggul pen un.

1 Corinth-te 16:14

Na sep na bawlna zosie vuah itna tawh sem un.

1 Corinth-te 3:14

Khuombul tunga a lamsate bangma a ci sih leh, a lam pa in thaman a nga ding hi.

1 Corinth-te 8:1

Tu-in milim biehna-a kizangsa an tawh kisai-in: “I unpi-un theina i nei uhi,” a ci eite in i thei uhi. Theina in mi a kisatheisah a, itna in mi a kipsah hi.

1 Corinth-te 8:3

Ahi vangin Pasien a it mi poma ama in a na thei hi.

2 Corinth-te 5:10

Bangzieh ahei cile Khris’ thukhenna topha mai-ah eite zosie i unpi-un i kilaa valon ding vua, tuaci’n i pumpi-a i bawlsa i gamtatna utawh kizui-in a sie ahi a, a pha ahi zongin a nga ciet ding i hi hi.

2 Corinth-te 5:15

Tuale ama pen mi zosie adinga ang si ahi a, tua ahi ziehin a hing tasunte zong amau’ adinga a hing hi nawn loin, amau’ adingin si-in a thokiasah pa adinga hing ahi zaw uhi.

Galatia-te 5:6

Azieh pen Khris sungah teptan mi hile, teptan lo mi hile bangma thupi lo hi; itna tungtawna nasep theina upna khat beh a thupi ahi hi.

Philippi-te 1:9

Ka thungetna ahile, note’ itna in theina le thu khentel theina bukim tawh dimlet semsem a,

Colosse-te 1:27

Pasien in tami a minthang thuthuh haunate bangza-in lien ahei, ci Gentile-te le amate tungah a theisah dingin keima ei teel a, note sunga om Khris pen tua thuthuh a minthang lametna ahi hi.

Colosse-te 3:14

Tamte zosie tungah note in sil bangkim kihuol taha a khiton itna na sil un.

1 THESSALONIKA 5:8

Hizongle sunlai tate i hi lang kalsie uh pilvangin upna le itna awmdal bulin, sialukhu bangin i lamet uh hutdamna khu vai.

1 Timothy 1:5

Ahi vangin tam bang thuhilna’ a tupna pen lungsim siengtho, ei le ei kitheina hoi, le upna tahtah pana a pei itna ahi hi.

2 Timothy 1:7

Bangzieh ahei cile Pasien in meipuona lungsim ei pie sih a, vanglietna, itna, le ki-uh zawhna lungsim ei pie hizaw hi.

Hebrews 10:35

Tua ahi ziehin thaman lienpi ang ngasah ding na lungmuonna uh nuasie sih un.

Hebrews 10:39

Ahi vangin eite i hi ule nuatolin a kisie mite lahah i kihal sih vua, upna nei-in gupna a ngasa mite lahah i kihal zaw uhi.

Hebrews 6:11

Lametna bukim ang tun nadingin note khat ciet in a tawp tanpha-in tua banga hanciemna na lah ciet ding uh kang deisah hi.

Hebrews 6:19

Eite in hlagau ading a kicien le a kip tembaw khina siakawi ahi tami upna i nei vua, tua upna in puondal nualam mun siengtho sungah a lut hi.

1 Peter 1:21

Pasien tungah na upna ule na lametna uh a kingah thei nadingin, ama tungtawnin sina panin ama a thosah le minthanna a pie pa Pasien sungah muonna a nei na hi uhi.

1 John 2:10

A sanggampa a it poma khuovah sunga teng ahi a, tua bang mi sungah pua nading a om sih hi.

1 John 2:14

Tanote aw, Pa na thei ziehun note lai kang hlah hi. Pate aw, a cila a om pa na thei ziehun note lai kang hlah hi. Khangnote aw, na tha uh hat a, na sung vuah Pasien’ thu tengin, gilopa zozo na hi ziehun note lai kang hlah hi.

1 John 2:24

Note in a cil a kipanin na zahsa uh thute na sung vuah tengsah un. Note in a cil a kipanin na zahsa uh thute na sung vua a ten leh Pa le Tapa sungah zong na teng ding uhi.

1 John 3:3

Ama sungah tami lametna a nei zosie in ama’ sientho bang lienin amau le amau zong siengtho uheh.

1 John 3:9

Pasien’ piensah mite in mawna a bawl sih uhi, bangzieh ahei cile amate sungah Pasien’ khaici a teng hi; Pasien’ piensah mite ahi ziehun amate in mawna a bawl thei sih uhi.