1 Corinth-te 1:23 - Zo Bible

²³ Hizongle kote in Jew mite adingin kisui khahna suong le Greek-te adingin motna ahi a kikhailia Khris’ thu ka hil uhi.

LAISIENGTHOU CL Bible (BSI)

²³ Hinanleh eite pen in Khrist kilbeth thu igen uhi, tuapen Judate a dingin kipalpuana, tualeh Greekte a dinga mot huoi ahi.

Zokam International Version

²³ Ahi hangin kote in Jew-te adingin kisuih khakna suang, Gentile-te adingin haina ahi, a kikilhlum Christ thu ka hilh uh hi.

1 Corinth-te 1:23 ပူးပေါင်းရင်းမြစ်များ

Matthew 11:6

Keima tunga a lungkie lo poma thupha nga ahi hi,” ci-in a dawng hi.

Matthew 13:57

Tuale amate in ama a nuol uhi. Ahi vangin Jesu in amate kungah, “Kamsangte amau’ gam le amau’ inn sung longal-ah zatahna nga loin a om sih uhi,” a ci hi.

Luke 2:34

Tua ciengin Simeon in amate thupha pie a, tuale a nu Mary kungah, “Tami nausen pen Israel sungah mi tampi’ pua nading le a pohdawh nadinga kisesa ahi a,

1 Corinth-te 1:18

Bangzieh ahei cile a mangthai mite adingin singlamte’ thu pen motna ahi a, ahi vangin hutdamsa eite adingin Pasien’ vanglietna ahi hi.

1 Corinth-te 1:21

Bang ding ahei cile Pasien’ pilna sungah leitung mite in a pilna uh tungtawnin Pasien a thei lo tah ziehun, a mothuoi kote’ thuhilna tungtawnin Pasien in a um mite hutdam dingin a khensat hi.

1 Corinth-te 1:28

A omsa nate bangma loin a kiemsuh nadingin Pasien in leitungah a gina lo nate le a kisimmawte a teel hi.

1 Corinth-te 2:14

Hlagau mi ahi lote adingin Pasien’ Hlagau letsongte pen motna hi lel ahi ziehin amate in a sang zo sih uhi, bangzieh ahei cile tuate pen hla lam thu beh tawh kikhentel thei ahi ziehin amate in a telthei sih uhi.

1 Corinth-te 2:2

Azieh pen note lahah singlamte tunga a kikhailia Jesu Khris simlo bangma thei ka sawm sih hi.

1 Corinth-te 4:10

Khris ziehin mimaw ka hi ta vua, ahi vangin note pen Khris sungah mipil na hi uhi! Ko ka thanem vua, ahi vangin no na thakhau uhi. No ang kipatawi a, ahi vangin ko ei kisimmaw hi.

2 Corinth-te 4:5

Bangzieh ahei cile koma’ thu a gen ka hi sih vua, Jesu Khris in Topa hi, ci thu le tua Jesu ziehin note’ sila ka hina uh ang gen ka hizaw uhi.

Galatia-te 3:1

No Galati mimawte! Koi in ang bumlawm ta uh ahei? Singlamte tungah Jesu Khris a kikhailia bangin na mitmu-un kicientahin ang kilah zo hi!

Galatia-te 5:11

Hizongnanle sanggamte aw, teptanna thu a gen lai hi leng bang dinga ei kibawlsie lailai ding ahei? Tua banga hil hi leng singlamte zieha mawsahna a kihemkhie zo ahi ta hi.

Galatia-te 6:14

Kei ka hi leh Topa Jesu Khris’ singlamte simlo bang khatpo ka kisielpi ngai sih ding hi, tua singlamte ziehin keima tungah leitung kikhailia-in, keima zong leitungah ka kikhailia zo ta hi.

Ephesa-te 3:8

Kei ka hile misiengtho zosiete lahah a neupen ka hi vangin Gentile-te tungah ciengtan a nei lo Khris’ haunate ahi lungdamna thute a puoh ding le,

Hebrews 12:2

I upna a piengsah pa le a bukimsah pa, ama mai-a kikoi lungdamna ziehin zumna khawh a sa lo, singlamte tungah gimna thuohin Pasien’ topha zietlamah a to Jesu mittuhna’n nei vai.

1 Peter 2:8

a cina le, “Amate a kipalsah suong le a puasah suong khat a suoh hi,” a ci hi. Azieh pen amate in thu a man lo ziehun a kipalpua uhi, bangzieh ahei cile tua bang ding ma-a laitansa ahi uhi.