SAN MATEO 28:5 - Testament Cobə deʼen choeʼ dižəʼ c̱he ancho Jesocristənʼ

⁵ Pero na' anglən' gože' no'ol ca': —Bito žeble. Nada' ṉezda' de que Jeso'osən' ben' boso'ode'e ḻe'e yag coroz nan' cheyilɉle.

SAN MATEO 28:5 ပူးပေါင်းရင်းမြစ်များ

SAN MATEO 14:27

Na' ḻe'e boḻgüižte Jeso'osən' ḻega'aque', gože': —Ḻeyebei. Nada'anə'. Bito žeble.

SAN MATEO 28:10

Jeso'osən' gože' ḻega'aque': —Bito žeble. Ḻe'e žɉəyedix̱ɉue'i beṉə' lɉuežɉcho ca' de que cheyaḻə' əžɉa'aque' Galilean' nic̱h na' yesə'əle'ine' nada'.

SAN MATEO 28:4

Na' catə' besə'əle'i beṉə' gop ca' ḻe', ḻechguaḻe besə'əžebe' xte gosə'əxize' na' gosə'əbix̱e' gwsa'ate' šlat.

SAN MARCOS 16:6

Na' gože' ḻega'aque': —Bito žeble. Nada' ṉezda' de que cheyilɉle Jeso'osən' ben' naquə beṉə' Nasaret ben' boso'ode'e ḻe'e yag corozən'. Babebane' ladɉo beṉə' guat ca'. Notoch no nḻa' nga. Ḻegüia latɉə ga nga bosə'əx̱oe' cuerp c̱he'enə'.

SAN LUCAS 1:30

Nach anglən' gože'ene': ―Bito žebo' Maria. Diozən' nži'ilaže'e le'.

SAN LUCAS 24:5

Na' no'ol ca' besə'əžebe' na' besə'əc̱hequə' yic̱hɉga'aque'enə' besə'əgüie' lao yolə. Nach gwse' beṉə' ca' no'ol ca': ―¿Bixc̱hen' cheyilɉle Jeso'osən' nga gan' bgaše'e? Notoch no nḻa' nga. Babebane' ladɉo beṉə' guat ca' na' mbancze'. Ḻežɉsa'alažə' can' gwne' catə' ṉezole Galilean'.

HECHOS 2:24

Pero na' Diozən' boḻis bosbane'ene' ladɉo beṉə' guat ca', c̱hedə' bito gwzoi yeḻə' gotən' ṉabia'an ḻe'.

HEBREOS 1:14

Ca naquə angl ca', yogue'e zɉənaque' beṉə' chso'on mendad c̱he Diozən', chseḻe'e ḻega'aque' par chsa'aclene' chio'o bagwleɉ Diozən' par nic̱h žɉəyezocho len ḻe'.