SAN MATEO 2:2 - Testament Cobə deʼen choeʼ dižəʼ c̱he ancho Jesocristənʼ

² Na' gosə'əṉabene' beṉə' lao' syodan' gwse'e: —¿Gan' rei c̱he beṉə' Izrael ca', be'en bagolɉənə'? Ṉezeto' bagolɉe'enə' c̱hedə' bable'ito' belɉw c̱he'enə' catə'ən bla'an lažto'onə' galən' chla' bgüižən'. Na' za'ato' par nic̱h güe'ela'oto'one'.

SAN MATEO 2:2 ပူးပေါင်းရင်းမြစ်များ

SAN MATEO 2:3

Catə' bene Rei Erodən' xtižə'əga'aque'enə', de'e juisy de'e goquene', na' ḻeczə ca' yoguə'əḻoḻ beṉə' lao' syoda Jerosalenṉə'.

SAN MATEO 21:5

Gož beṉə' ca' nitə' Jerosalenṉə': “Ḻe'e ggüiašc baza' Rei c̱helen'. Žie' cožə' borr da'onə' ca to beṉə' cui naquə beṉə' blao.”

SAN MATEO 27:11

Na' bžin Jeso'osən' gwzeche' lao goberṉadorən', nach goberṉadorən' gože'ene': —¿Elen' naco' Rei c̱he beṉə' Izrael ca'? Nach Jeso'osən' gože'ene': —Ḻe ben' nao' na' nada'.

SAN LUCAS 19:38

Nach gosə'əne': ―Sošga Rei c̱hechon' mbalaz ben' baza' nga bseḻə' X̱ancho Diozən' ḻe'. Ḻedoye'ela'och Diozən' txen len beṉə' ca' nitə' gan' zoe'enə' c̱hedə' babene' par nic̱h beṉac̱hən' gaquə ṉite'e binḻo len ḻe'.

SAN LUCAS 2:11

Lao' syoda c̱he de'e Rei Dabin' bagolɉə ṉa'a ben' chac yebeɉ beṉə' xni'a de'e malən'. Naque' Cristən' ben' bseḻə' Diozən' par gaquəlene' beṉac̱hən' na' naque' X̱anchon'.

SAN LUCAS 23:3

Nach Pilatən' gože'ene': ―¿Elen' naco' rei c̱he beṉə' Izrael ca'? Nach Jeso'osən' gože'ene': ―Ḻe can' nao' nan' naca'.

SAN LUCAS 23:38

Na' yic̱hɉ yag coroz c̱he'enə' gwzo to de'en nyoɉən ca de'en bcuiš ḻe', na' nan: “Bengan' Rei c̱he beṉə' Izrael ca'.” Na' byoɉən dižə' griego, dižə' latin na' dižə' ebreo.

SAN JUAN 1:49

Nach Natanaelən' gože'ene': ―Maestr, len' naco' Xi'iṉ Dioz. Len' naco' Rei ben' chbezəto' yedəṉabia' neto' beṉə' Izrael.

SAN JUAN 12:13

Na' de'e na'anə' besə'əchoɉe' bedəsə'əleze' neto', zɉənox̱e'e no zin, na' chəsə'əgüe'e be' lban c̱he' chəsə'əne': ―Le' naco' Rei c̱he ṉasyon Izrael c̱hechon', goclenšga neto'. Sošgo' mbalaz le' baza'o nga, babseḻə' X̱ancho Diozən' le'.

SAN JUAN 18:37

Nach gož Pilatən' ḻe': ―¿Ena' rein' naco'? Na' gwna Jeso'osən': ―De'e ḻin' bagwnao' de que nada' naca' rei. Babida' yežlyo nga golɉa' par nic̱h ṉabi'a na' par nic̱h əgwzeɉni'ida' beṉac̱hən' dižə' ḻi c̱he Diozən'. Beṉə' ca' bachoso'ozenag c̱he dižə' ḻi c̱he Diozən' ḻeczə choso'ozenague' c̱hia'.

SAN JUAN 19:19

Na' Pilatən' bene' mendad byoɉ to c̱hopə ḻetr de'e gwda' yic̱hɉ yag coroz c̱he Jeso'osən', boso'ozoɉe'en nan: “Jeso'os beṉə' Nasaret, Rei c̱he beṉə' Izrael.”

SAN JUAN 20:28

Nach Tomasən' gože'ene': ―X̱ana', na' Dioz c̱hia'.

SAN JUAN 5:23

X̱a' Diozən' chene'ene' de que yoguə'əḻoḻ beṉə' so'oṉe' nada' yeḻə' bala'aṉ can' chso'e ḻe' yeḻə' bala'aṉ. Ben' cui choṉ nada' naca' Xi'iṉ Dioz yeḻə' bala'aṉ, lente X̱a' Dioz na'anə' cui cho'e yeḻə' bala'aṉ, c̱hedə' ḻen' bseḻe'e nada'.

SAN JUAN 9:38

Nach be'enə' bzo xibe' be'elaogüe'e Jeso'osən', gwne': ―X̱ana', chonḻilaža'a le'.

HEBREOS 1:6

Xi'iṉ Diozən' naque' ḻe'ezelaogüe beṉə' zaque'e. De'e na'anə' catə'ən Diozən' bseḻe'ene' yežlyon' gwne': Yoguə'əḻoḻ angl c̱hia' ca' cheyaḻə' əso'elaogüe'ene'.

APOCALIPSIS 22:16

Nada' Jeso'os bseḻa'a angl c̱hia'anə' par bzenene' le' yoguə' de'en babzoɉo' par beṉə' ca' zɉəncodə' lɉuežɉe chso'elaogüe'e nada'. Nada' golɉa' lao dia c̱he de'e Rei Dabin', na' naca' ben' ben Diozən' lyebe əseḻe'e lao dia c̱he de'e Rei Dabin'. Na' gwxaquə'əlebəda' ca belɉw xsilən'. Ṉezecho catə' chla' belɉw xsilən' bazon še'eni', na' de'en babida' yežlyon' ṉezecho bazon gaquə yoguə' de'e güen ca' zɉənyoɉ ḻe'e ḻibr nga.— Can' gwna Jeso'osən' nada'.